承建商無人手開工

高鐵落成要延期，箇中要梳理的真相和事實，一籮籮。但是否有隱瞞，很值得深入問問。

  

先講利益問題。報紙引述承建商文件，一年前已經話會延期。咁記者係咪要打醒精神，歡迎放料，但亦唔好信晒佢講個版本，而係要問，點解會延，邊個嘅責任？

 

工程延期，原因可以好多。最根本，係整個工程太複雜，施工時間表不實際，不按常規。其次，就係承建商請唔到人做嘢。第三先至係施工遇到預計不到的意外，例如地鐵所講，浸壞部鑽挖機。大家要留意，除了意外，好多事情承建商投標時要自己預。

 

大家都知，承建商好多種，有啲自己一條龍，成隊工程師上上下，有啲就係顧問公司形式，只係得一堆顧問，冇施工人員，工程乜鬼都要外判。家陣全香港都係工地，判工做唔切，出幾多錢都唔得閒接，咁呢款承建商可以點？梗係早早打响口缷責，話俾地鐵聽，係你成日要改，你管理不善，所以我做唔切。

 

上個月，政府剛開緑燈，俾地鐵請外勞，但對呢行有知識嘅人一早知，家陣唔係地盤佬唔夠咁簡單，家陣係工程師都唔夠，地鐵高薪挖角，挖到通行都閙爆。咁又存唔存在承建商計錯數，估唔到市道咁好，請唔到人，跟手就自爆兼將個波推俾港鐵呢?

貝貝

** 博客文章文責自負,不代表本公司立場 **

運輸署表示，內地鐵路單位通報，由於天氣情況惡劣，原定來往香港西九龍站至廣州南的高速鐵路列車G6510、G6511，更改為來往香港西九龍站至深圳北。

另外，4月25日部分來往香港西九龍站及廣州南的高速鐵路列車車次取消。

已取消的車次:

前往香港西九龍站:G6527，G6515，G6529，G6535

前往廣州南:G6528，G6516，G6530，G6536

資料圖片

運輸署表示有關車次的資料，可留意12306官方網站(12306.cn)或如已安裝手機應用程式，亦可按「車站大屏」頁面或留意於高速鐵路網頁或手機應用程式或香港西九龍站發放的最新資訊。又呼籲市民可考慮乘搭東鐵綫經羅湖/落馬洲，或使用其他跨境交通工具前往內地。

如需退票的乘客，可在30天內辦理，並盡量使用12306官方網站(12306.cn)或手機應用程式，不用急於到香港西九龍站辦理。