《UNITED IN HEARTS 劉浩龍2026演唱會》昨晚（8月1日）在麥花臣場館圓滿完成，全場爆滿，師兄的一眾好友包括陳奕迅、梁漢文、林家棟、彭健新、林盛斌、郭偉亮、葉佩雯、方力申、鄧健明、吳國敬、鄭希怡、黃伊汶、陳國坤、徐智勇（小肥）、王秀琳、陳國峰、陳慧敏、蔡宛珊、許惠菁、王鎮泉、庄嘉慧、王海榛、193郭嘉駿、Delta T等均有現身捧場。
《UNITED IN HEARTS 劉浩龍2026演唱會》圓滿完成！
師兄在4位舞蹈員伴舞下先以一曲《師兄急轉彎》為全晚演唱會揭開序幕，接着他說：「好多謝大家冒住雨排隊入場，啱啱開咗個開開心心嘅Opening，就係希望同大家嚟個Warm Up，其實我自己都有啲緊張，因為對上一次開 show 已經係 8 年前，都係喺麥花臣開，有邊個8年前嚟過呀？」
點擊看圖輯
《UNITED IN HEARTS 劉浩龍2026演唱會》圓滿完成！
劉浩龍
劉浩龍
劉浩龍
劉浩龍
劉浩龍
劉浩龍
劉浩龍
劉浩龍
劉浩龍
全場大合照
劉浩龍
師兄續言：「多謝今晚嚟嘅朋友，其實呢個Show嚟得好急，只係用咗兩個幾月嘅時間就做咗呢個Show，真係好多謝你哋真金白銀買飛支持我，先可以咁急開到呢個Show，再一次多謝你哋。個Show個名叫《UNITED IN HEARTS》，中文名就可以叫做《心連心》，又或者係《心心雙印》，我希望可以同我嘅Fans永遠都係Connect住，有啲Fans十幾歲跟我到而家跟咗廿幾年，到而家都咁支持我，好多謝你哋。近期有小朋友同我講開始聽我嘅歌，可能呢班小朋友當我係一個新人同我去Connect，所以今晚 《UNITED IN HEARTS》就係希望大家個心再一次同師兄劉浩龍一齊Connect。」
劉浩龍
師兄緊接著唱出《520》、《火花不等人》和《沒人坐的梳化》，他說這三首歌屬於三個不同的年代，又問大家最喜歡那首歌？最後投票結果是《火花不等人》，師兄續說：「頭先三首歌都係有小小希望勾起大家對師兄嘅一啲唔同階段嘅回憶，你哋去聽我嘅歌都應該係喺求學階段，即係你哋15、16歲，跟住就讀大學，果陣大家無聊，又唔駛搵錢，失戀就喊吓，大家經歷咗咁多年係咪應該大個咗，重有冇呢啲唔開心嘅經歷？今晚有個Fans走嚟搵我已經有老公重生咗三個小朋友，佢嘅煩惱都應該係啲小朋友，喺度祝大家幸福，希望繼續用我嘅歌曲令大家嘅回憶返嚟，但我發覺好多時候，聽完呢啲歌都係會有一個病，就係瞓唔著覺。」
劉浩龍
在唱畢《Mr. Wrong》後，師兄表示：「我好想唱呢首歌，所以我叫咗Eric Kwok比啲音樂底我，Eric 其實都寫咗一啲歌比我，但係佢好耐都冇再寫歌比我，淨係寫晒比佢隊女團XiX，不過XiX又話休團，所以Eric會幫我做番好多嘢。其實好多外面唔識我嘅朋友，都會覺得我係一個《Mr. Wrong》，我唔介意我嘅印象係比人覺得情深，成日失戀，鬱鬱不歡，其實我唔係；跟住又有啲人未必知道我係唱歌，到我拍戲嘅時候有啲人又會指住我講呢個人係唱歌嘅咩？佢係戲入面唔係做賊定差人嘅咩？我覺得係錯晒，人生成日都係錯晒，唔緊要，我覺得我嘅屋企人知道我係點，我朋友知道我係點，我嘅Fans知道我係點，就已經足夠，你哋將我呢個性格一個傳一個，十個傳一百個，一百個傳一千個，好快就可以傳到有好多好多人繼續支持我唱歌。」
劉浩龍
《緋聞男友》、《舊人》、《我信的故事》後便是快歌Medley環節，多位小朋友聯同今次演唱會吉祥物現身台上唱出《Feel so right》，師兄接力獻唱《越夜越有機》、《重口味》、《廣橋道fans殺人事件》和《餓狼傳說》，舞台大屏幕更播放師兄當年參加第一屆《全球華人新秀歌唱大賽》香港區選拔賽時的精彩經典畫面，讓大家重溫師兄的青春歲月。
劉浩龍
師兄唱完《變臉》後笑說：「點解會唱呢首歌？因為一個禮拜前去睇陳輝陽老師嘅作品展，我就發覺我都有一首陳輝陽嘅作品，所以今晚特登唱咗一首佢嘅作品，希望大家聽得開心，同埋當一首新歌咁聽。」「跟住唱嘅呢首歌之前喺內地我係冇唱到，係大家唱比我聽，今晚我就係呢度唱返比大家聽，如果大家都識唱嘅話就一齊大合唱，呢個前奏大家一聽到都應該唔會唔識。」
劉浩龍
師兄便接著唱出《二等天使》，緊接的是《94340634》和大家最喜歡的《思覺失調》，及後有觀眾叫師兄除衫，他即時回應說：「唔駛旨意我除衫，08年已經除咗一次，我係唔會再除㗎啦，唔駛除衫做Show開心好多，頭先首歌就大家大合唱咗，咁我都要繼續唱歌，因為時間有限同埋唔等人，一陣重有好多嘢要做，我繼續唱歌，唔講嘢啦。」拍完全場大合照後，黃伊汶和陳國坤的兒子到台上，給師兄送上巨型漢堡包作為蛋糕，給他預祝生日，場面非常溫馨。
劉浩龍
唱畢《戰友》後，師兄感性說：「希望啲歌唱好啲，繼續開Show唱歌比大家聽，因為今晚見到大家我好開心，唱得好開心。早前做小方演唱會嗰陣，我做緊好多幕後工作，直至見到小方係個台上面唱歌，我又『恨』唱歌，見佢唱歌唱得咁開心，果晚小霖好突然同我講8月1號有個麥花臣嘅期，你做唔做呀？我就答佢做啦，突然間我覺得有啲嘢想做嘅時候你就會去做，唔想做嘅時候迫都迫唔到，所以我覺得係呢3個月大家好幫我，一齊完成咗呢個Show，所以我想多謝任何買咗飛嘅朋友，同埋幫過我嘅人，有你哋先至可以成全我企係今晚呢個台上面同大家唱歌，令到我嘅信心一步一步返嚟，我會練得更加多，再唱多啲唱好啲，唔好搞到咁生疏，希望大家會繼續支持我。」
劉浩龍
師兄又透露將會與Sony Music合作，「頭先講過我嚟緊都會同新嘅唱片公司合作，呢間公司就係Sony Music ，本來係未開呢個Show之前就應該派咗以下呢首歌，但有好多嘢唔可以預算得咁好，昨日終於收到呢首歌嘅Master，佢哋問我今日有冇信心唱比大家聽，我都覺得乜都唔好理，唱咗呢首新鮮滾熱辣嘅歌比你哋聽先，頭先果首《戰友》就好似咁多年你哋Fans同我溝通嘅橋樑，但我希望嚟緊呢首新歌將會成為以後我哋開Show都會唱嘅大合唱歌，係代表我同你哋嘅一首歌。希望你哋可以開晒你哋嘅電話燈，因為會預埋你哋一齊拍呢首歌嘅MV，所以唔好淨係拎住個電話拍片，大家著埋盞燈好冇？如果我見到邊個掛住拍片唔著燈，我就會黑佢面㗎啦，準備好晒未？呢首新歌就係叫做《綻放》。」
劉浩龍
《星秀》的林潔心Bibi也專誠在舞台讀出給師兄的信，感謝作為他的學員所得到的教導令她獲益良多。接著師兄獻唱《眼緣》、《不一定》、《爛命鴛鴦》、《追魂記》、《十惡不赦》時更在台下和全場觀眾握手，回到台上後他說：「我今日好開心過咗一個好多人陪我又好有意義嘅生日會，我會記住呢個生日會，成個Show做晒㗎啦，我會繼續努力，我希望用以下呢首歌嚟總結呢個 Show，頭先嘅歌都只不過係呢個Show嘅其中一部分，呢首歌先代表我繼續落嚟會做嘅嘢，送比大家《髒話阿七》。」原本師兄唱完這首歌便已和樂隊返回後台，但在現場欲罷不能的掌聲下再度上台，最後以一曲《滄海遺珠》 為全晚演唱會畫上完美句號。
全場大合照
