阿叔港鐵車廂大聲播片 港男「婉轉提醒」竟獲咁樣回應哭笑不得

公共交通工具上周不時會遇上有乘客睇片聲浪過大，而引起其它乘客不滿，繼而起衝突，輕則口角收場，重則大打出手。不過近日一名港男的經歷卻意外地「治癒」，他在港鐵車廂內以婉轉方式提醒鄰座阿叔，未料對方一句率真回應，令他當場哭笑不得，帖文曝光後隨即引發網民熱議。

示意圖。AI 生成圖片

該名男網民日前於社交平台Threads發帖，指在港鐵車廂內遇上一名中年阿叔以手機睇片，聲浪過大。於是他選擇較「婉轉」方式，望着對方的手機問道：「你開咁大聲，係咪想我一齊睇呀？」樓主原以為對方能明白他的意思，豈料那為中年阿叔竟然「露出慈祥笑容」，反問：「你冇帶手機呀？」而且還將手機遞近到樓主面前，示意可以與他一同觀看。面對如此「率真」回應，樓主坦言當下笑咗出來，直言「嗰下即刻笑咗」、「佢咁Chill又大方，燥唔落又真心笑咗」，他指其後那位阿叔自行戴上耳機離去。

示意圖。AI 生成圖片

帖文一出引來網民熱議，留言笑稱「你呢招我用過好多次，個個都係即刻熄聲，點知你遇咗個咁奇特既」、「個故事結局 好warm」、「咁都好過大家鬧交」、「幾純真」、「笑，真係可以解決好多問題」、「智商不詳，心地善良」、「樓主你畀魔法打敗咗」、「可能係一段美好友誼嘅開始」、「其實佢哋聽力可能下降，未必明其實已經滋擾緊人，件事係值得躁底嘅，但不妨解釋吓情況，提議吓佢可以戴耳機」，亦有人認為「佢地好叻扮蠢」。

資料圖片

但部分網民亦指曾遇上類似事件，「上次又係咁，我直接哄埋去一齊睇，佢笑笑口之後仲特登就埋我角度打斜部電話比我睇，即刻嬲唔落」、「我都試過同隔離姐姐咁樣講，結果一齊追劇追到飛埋站」、「試過同幾個朋友搭巴士遇上大聲睇片嘅阿嬸，我哋行埋去哄住佢電話講同一樣嘅說話，佢笑晒口介紹片中佢啲孫我哋識」。

資料圖片。(不是涉事者)

商品說明條例實施以來，不少食肆均更新餐牌用語，例如將「鮑片」改為「仿鮑片」、「龍蝦」改為「蝦球」，以確保所售物品與描述相符，避免誤墮法網。然而，即使餐牌寫得再清楚，有時仍會因各人理解不同而產生落差。近日一名食客光顧越南餐廳，點了一客「豬頸肉炒蛋飯」，發現實物與預期大相逕庭，遂將經歷發文分享，引來大批網民熱烈討論。

網上圖片

《愛回家》劇照。示意圖片

該名網民上載的照片顯示，這碟豬頸肉炒蛋飯確實齊集豬頸肉、炒蛋、白飯及醬汁，惟三種食材是分開獨立烹調，最後才拼湊於同一碟上。豬頸肉的份量尚算合理，但令發文者與一眾網民震驚的是，餐牌所述的「炒蛋飯」竟是白飯與炒蛋分開放，白飯只是蒸熟後放上碟，並非炒飯；而放在飯旁邊的「孤單炒蛋」，份量亦少得驚人，只有約一湯匙的份量。整個飯餐盛惠57元，難怪發文者直言「我冇辦法相信豬頸肉炒蛋飯竟然係咁」。

《愛回家》劇照。示意圖片

帖文一出即引起網民關注，有人主動留言分析字面意思，指「佢又冇講錯喎，係炒蛋飯，唔係蛋炒飯」，亦有人認為「照字面睇我都唔覺得會係炒飯，但碟飯睇落都唔差吖」，更有人精闢總結落差所在：「你認為係：豬頸肉/炒蛋飯，實際係：豬頸肉/炒蛋/飯」。

另有網民暗諷店家「識玩」，並指商品說明條例面世後出現不少「灰色地帶」，分享自身經歷稱「之前中過呢啲灰色地帶伏，叫『焗雞扒飯』原來唔係焗飯，『雞扒焗飯』先係」。亦有人認為，圖中既有豬頸肉、炒蛋及飯，相信海關亦不會受理。