政事
林鄭辭職，令特首跑馬仔愈來愈熱鬧，手握三百多票的泛民選委的提名意向，引來關注。
有報道指泛民願意「借票」給財爺曾俊華，等佢可以入閘選特首。在選委會選舉時有份協調民主派參選名單的資訊科技界議員莫乃光話，現階段言之尚早，但民主派會發揮影響力，令特首選舉不會成為「欽點中的欽點」。聽佢口風咁鬆，「借票」之說真係有可能喎。
莫乃光同時表明，泛民現階段難以支持林鄭，因為佢過去數月的表現，加上佢曾經說過要延續特首梁振英的路線。
政壇高人話，莫乃光對林鄭和曾俊華的不同態度，顯示部份泛民開始露底，其實佢哋都係玩歸邊，想支持某啲候選人，而唔係追求民主。如果係支持追求民主的理念，就應該支持泛民人士參選，例如支持話有意參選的長毛梁國雄啦，唔通曾俊華民主得過長毛？點解支持一個來自現屆政府的高層曾俊華，就唔係支持欽點呢？說穿了泛民就是「買馬」，至於隻馬民唔民主，就一啲都唔重要啦！
Ariel
** 博客文章文責自負,不代表本公司立場 **
財爺曾俊華辭職一個月，還未獲中央批准辭職。據聞中央會在稍後會同時批准他和今日辭職的林鄭月娥一起免職。《 眾新聞》報道，曾俊華考慮以網上眾籌方式籌募選舉經費，人人都可向他捐錢。報道又引述曾俊華團隊證實，有初步接觸眾籌公司，但未正式簽訂合作。
報道指曾俊華指希望有更多香港人能夠參與，但不認為眾籌等同搞公投，因為捐錢者並非一定是選民。曾俊華團隊暫未有為眾籌設立集資目標金額，對於眾籌的反應會否如他的facebook一樣踴躍， 則要持觀望態度，因為「俾like」和「俾錢」是兩回事，他的facebook目前有超過6.6萬人追蹤。
《星島日報》的報道指，曾的團隊有意以網上「眾籌」方式籌集選舉經費，因曾俊華希望能有更多市民可參與選舉，但由於手續費昂貴，成本高昂，團隊要再認真考慮。
政壇八卦友話，鬍鬚曾搞眾籌，有少少搞笑，因為佢月薪32萬，仲伸手向月薪1萬幾千的打工仔籌錢，即係叫窮人資助有錢人去參選，你話打工仔點諗？捐錢俾政客，不如食咗佢好過啦。
八卦友又話，今屆行政長官選舉候選人的選舉開支上限是1,570 萬元。年薪近400萬的鬍鬚曾固然俾得起，他亦有很不少超級富豪支持，搵一兩個找晒條數都得啦。
八卦友愈講愈慶，話而家傳媒也好，政客也好，出來話眾籌，只係做個局，做到好似好多人支持咁，其實幕後有老細包底，所以眾籌成績一定好。但如果一般打工仔走去捐錢，就無端端獻金啦。支持鬍鬚曾，上facebook俾個like咪得囉。
