林鄭房策勁過CY？

林鄭月娥日來為競逐特首奔波，接連會見各界人士，上周在一次與社會人士聚會上，提及日後施政理念，話政綱重點會放在房屋、教育及經濟，又話房屋政策將勁過CY，但點樣勁法，就冇講詳情。

林鄭話，現在政府理財太保守，有人話香港有結構性財赤，傳媒就相信，佢好奇怪點解無人質疑追問，香港是否真正有結構財赤。她覺得，特區政府開支應還有上升空間。

林鄭講會「穩中求變」，認為來屆的「變」力度要比現屆更強。相信香港經濟發展潛力仍未發揮，產業發展較為落後，未來政府應要更適度有為。政府應促進社會變革，進一步對外「打開門」，她舉例過往入境處只處理入境問題，但現在要思考如何進一步輸入人才。

政壇中人說，聽林太所講，相信佢會相當重視房屋問題，至於點樣勁過CY，雖然無詳細講，但林太做過發展局局長，會知道點搵地起樓，未來相信在這方面都有啲動作。

Ariel

** 博客文章文責自負,不代表本公司立場 **

林鄭月娥宣布參選後，就馬不停蹄展開選舉工程，連星期日都無得抖，皆因「不任命論」的報道搞到佢要急急見記者澄清。

佢見記者時仲自爆，星期六搬離咗政務司司長官邸，去咗競選辦附近一個單位住，半夜三更仲搬緊屋，點知到午夜先發現「連廁紙都無」，於是又要走落街，諗住去便利店買返一兩卷，但係去到先知道，原來便利店係無廁紙賣嘅。

點算？林鄭咪唯有搭的士，夜麻麻走返去CS官邸囉！

林鄭話大學畢業後就加入政府，無間斷工作咗超過36年，到上個禮拜一無咗公職人員身分，仲要時間調整心態和工作步伐，佢話分享呢件「廁紙故事」，係想說明呢幾天發生了太多事，佢仲需要時間嚟適應。

政壇八卦友說，面對呢次「關公危機」，林鄭選擇咗用自嘲的方式來化解，希望公眾包容同諒解，都好過硬崩崩澄清。