政事
特首選舉提名期日近，政協常委陳永棋， 昨日在廠商會見林鄭的會議上面話， 林鄭是最適當及最有能力的特首人選，誰人不支持林鄭， 等於不支持中央。
其實棋哥昨日上午見都見過「鬍鬚曾」，不過只係話「相識多時， 過往有好多合作」云云，無話過要支持「鬍鬚曾」。到見林鄭時， 就話一定會提名林鄭，擺明親疏有別。
政壇高人話，棋哥一向無死錯人，緊跟中央路線，睇佢支持邊個， 就知中央挺邊個。佢今次唔止話提名林鄭， 仲驚死廠商會的選委唔知，講明不挺林鄭等如不挺中央， 等大家唔好心存幻想啦，以為求其提名一個都無所謂。
佢又認為，棋哥洩天機，都顯示咗親建制陣營都收晒風， 大家都要歸隊，要支持林鄭啦。
Ariel
** 博客文章文責自負,不代表本公司立場 **
林鄭月娥今日與香港總商會會面，不過會後就無具體透露傾了什麼。商界消息話，總商會對政府提出的取消強積金對沖方案有意見。
有商界議員指，特首梁振英在施政報告中提及逐步取消強積金對沖，而且開出條件，包括不具追溯力，建議實施前的強積金供款可豁免 ; 降低遣散費或長服金款額，由目前服務滿1年獲月薪三分二，下調至一半 ; 政府扶助中小企，提出在實施日期起10年內，分擔僱主部份遣散費或長服金開支。
商界與政府在此問題上無共識，商界議員稱，他們對政府方案難以照單全收，會向林鄭提出商會意見，希望林鄭接受。
議員更說，這將是他們考慮是否支持林鄭的因素之一。看來林鄭要得到商界支持，及日後「適度有為」，實行起來都不容易，而強積金對沖要取消，估計亦一波三折。商界和勞工界意見相左，都要調和。
