政事
行政長官林鄭一上任，除了馬上落區親民之外，亦表示將重新聽取商界和勞工界對取消強積金「對沖」的意見，尋求共識，但重申方案不用推倒重來。
林鄭話要重聽意見的原因，是她過去數個月商界及勞工界對政府提出的方案有極大保留，往後要跟進這個社會上「兩面不討好」的方案，將面對極大困難，認為要務實跟進。
眼利的政界人士話，林鄭這個説法，和政務司司長張建宗及勞福局局長羅致光早前的講法有異，所以林鄭是轉了。
佢認為林鄭此舉是有意與CY劃清界線，表示她願聽意見，而非一意孤行。
有意見指在取消強積金對沖問題上，工商界和勞工界的意見劇烈衝突，林鄭要重聽意見，亦不易取得共識。不過政界中人話，若果林鄭想多聽勞工界的意見，叫工商界找數，工商界一定不同意，法案很難在立法會通過。不過政府仲有空間，若增加對勞工界讓步，由政府來找數，工商界唔會反對。未來就要睇林鄭點樣為事件埋單了。
Ariel
** 博客文章文責自負,不代表本公司立場 **
政務司司長張建宗今早上商台「政好星期天」，都想聽吓佢講人生奮鬥史。張建宗今年4月講普通話發言仲俾人笑，到昨日在習主席面前用普通話宣誓，已講得有板有眼，可以攞個最佳進步獎。佢做人如何努力，可見一斑。
今天聽張建宗上電台講嘢，最吸引注意的不是講強積金對沖，而係提到「努力不一定成功，不努力一定不成功，要努力努力再努力！」
政壇高人話，呢幾句張建宗本人適用，對香港人也適用。昨日習主席引用香港俗語，叫香港人唔好「蘇州過後無艇搭」，話全球經濟格局深度調整、國際競爭日趨激烈的背景下，香港面臨好大的挑戰，直指香港經不起折騰，經不起內耗。習主席呼籲港人利用國家的持續快速發展，為香港發展提供了難得機遇。呢啲說話值得香港細味，否則再過20年回頭望，恨錯難返。
講番張建宗，佢入政府先入新聞處做新聞主任，兩年後就派佢去英國受訓，破晒要做10年、8年才去英國受訓的紀錄，係新聞處想培養的人材，但佢決定去考AO，接受更大的挑戰，就係呢種「努力努力再努力」的思維。以前聽張建宗講過，佢做AO初期，有次星期五下午5點幾在中環遇上新聞處的老細，人地一班人放工去happy hour，佢當時要繼續返工，前老細問佢咁幸苦後唔後悔轉工，佢話唔後悔。
每個人成功都有一套，張建宗就勝在肯博肯捱。佢做過前港督尤德的助理的助理，唔係打字重複咗，真係助理的助理，因為尤德的助理是區士培，他是區士培的助理，區士培星期六、放假要揸飛機，就叫尤德有事搵張建宗，那個年代手提電話未普及，佢放假只能坐在家裏等萬一尤德有事時找他，其他人視為苦差，他就當學嘢的機會。尤德好錫佢呢個年青人，做官仕途自然更順利。
