政事
Ariel昨日提到國際媒體雲集香港，見佔中打不起來，失望撤退。留意一下他們的報道，其實都幾有趣。
例如台灣《蘋果》就做咗台港警察清場的比較，又話香港鐵馬比台灣的好很多，台灣的又高又有鐵刺倒鈎；又話香港警察抬人5人一組抬走示威，無出警棍水炮，真係講到香港警察不知幾好咁喎，不妨去look一look。
http://www.appledaily.com.tw/realtimenews/article/international/20140702/426372/
不過都估到，台灣《蘋果》咁讚港警，其實只係想突出台警唔好啫，而且香港佔中都未入肉，到有大量群眾賴住唔走時，香港警察都好難咁斯文啦。而家只係做緊頭場，無乜嘢睇都正常。
Ariel
** 博客文章文責自負,不代表本公司立場 **
昨天美國國務院發言人很快就香港遊行發表聲明，原來因為佢地美國都睇到直播，CNN、路透等國際大傳媒，雲集香港，直播遊行示威全過程，所以美國國務院差不多可以即使回應。
另外台灣幾家電視台也鬥快直播，即使屬於TVB的TVBS都有派採訪隊來港，幾大台灣電視台鬥拍香港示威，好像怕錯過什麼似的。追查之下，無論老外電視台也好，台灣電視台也好，今次之所以咁重視，原來見到早幾個月台灣的「太陽花」學運搞到咁勁，聽到學民思潮和學聯話佔中，估計在「太陽花」效應，香港必大起衝突，首先學生會癱瘓中環金融核心區唔走，而香港警方清場時也會出現流血衝突場面，打將起來，應有助收視率。
點知出咗個反高潮。首先係學生無激烈行動，坐咗半晚郁都無郁無甚睇頭。其次係香港警方執法無乜瑕疵，清場時也依足規範程式，舉牌、播放勸喻，先請後抬，即使好挑剔的西方傳媒，也沒有拍攝到警方有不合理動作。至於示威者投訴無早餐食，捉到頭頸紅咗之類，見慣大場面的老外傳媒就唔係咁重視，血都唔流一滴，差人又無出警棍打人、無出催淚彈、水炮，老外觀眾毫不動容，講多啲恐怕仲幫咗香港警察樹立形象正面形象，因為老外警察無咁斯文。
結果係點？老外電視台話香港示威無料到，今日撤晒！
