政改三人組之一的前憲制及內地事務局局長譚志源上電台，大爆政改小組另一成員律政司司長袁國強半夜起身煮公仔面，又話佢開會彈兩句周星馳電影對白，這些搞笑題材惹人注意，但譚人大講政改其實有料到。
插句先講特首林鄭早前接受香港電台訪問時提到政改，林鄭雖形容普選特首是「應該爭取的目標」，但係話：「要衡量推政改能否做到的，如果做唔到，又係令到香港本來已經平穩咗(的局面)，而家講經濟又比較好，又返番去有一個佔領嘅局面，又返番去社會撕裂，我覺得社會大眾都唔會贊成……非建制嘅議員因為今次議事規則嘅唔開心，話要百倍奉還俾建制派，我作為行政長官或者係特區政府，呢個肯定唔係一個有利（重啟政改）嘅條件」。
譚人大同林鄭唔係咁啱，離開政府，但佢講到政改，講法同林鄭接近，覺得重啟政改前應先做好溝通工作，令雙方對法律問題有共識，這樣重啟政改才較易成功，否則貿然重啟，並無好處。
佢做過相關局長，對具體運作好清楚，仲計埋條數，話若今屆政府任期頭一兩年未啟動政改，意味2022年未必可以一人一票選特首。
林鄭講咗未來一年唔搞23條，亦睇唔到佢想搞政改，加埋譚人大的計算，新一屆特區政府頭兩年都唔似搞政改，結論好清楚，可以競猜2022年都唔會普選特首啦。
Ariel
** 博客文章文責自負,不代表本公司立場 **
九倉4年前投得的中環美利大廈項目，最近翻新完成成為五星級酒店The Murray，剛舉行了落成開幕儀式。
特首林鄭出席The Murray開幕儀式
The Murray前身的美利大廈是政府寫字樓，當中包括政府新聞處。當年政府新聞處每個月都會舉行「咖哩餐」，請傳媒老總、採主來食咖哩，俾意見，新聞界中人對這個地方都有很多集體回憶。現在重臨舊地，大廈外型依舊，入口處還保育了一棵老樹。
入口處保育的老樹
回想4 年前，九倉以44億元投得這個項目，當時市場人士都說它出價進取，九倉再為此花了26億翻新，總投資達70億。Ariel在開幕酒會上遇到九倉首席顧問吳光正，就說起當年投標的事。他說，這個盤十分難得，因為在舊政府總部旁，中環很少有7萬幾呎、如此大的地盤，當年用44億投得，即是樓面面積只需17,000多元。
九倉首席顧問吳光正看上去一點也不像72 歲
問他當年出價每呎17,000元是否進取？他估計幾個入標價都接近，而如今深水埗樓面呎價都要17,000元，所以香港的事真的好難說。
美利大廈當日縱然是貴，如今都變成平，如果九倉願意割愛，可能140億都有人有興趣，單以地價為例，九倉當年以17,000元投得，後來中環地王就都要投到50.000元一呎。對於割愛問題，吳光正就搖頭地說：「不會啦」。
參觀了美利酒店的房間設施，看過500呎的房間，設備豪華，日租5,000元，外望中環景觀。
日租5,000元房間
酒店亦都有一個多功能廳，非常深長，特點是無窗無柱，可以放到十多二十圍酒席。
多功能廳
由於中環區甚少全新的酒店，The Murray由於地點方便，在商業區的核心，相信會相當旺場。
