梅艷芳銅像揭幕梅哥大叫被拒上台

2014年07月19日 15:58 最後更新：07月20日 16:03

已故樂壇天后梅艷芳的紀念銅像揭幕典禮昨日在星光大道舉行，梅姐母親梅覃美金、梅艷芳哥哥梅啟明、蔡一傑、蘇志威、車淑梅及雕塑家曹崇恩等親友均有出席，現場吸引數百梅姐歌迷及遊客圍觀。

當大會邀請嘉賓到銅像進行揭幕時，梅啟明突然於席上像發瘋般大叫：「無邀請我，唔畀面、唔尊重，搵死人錢！」工作人員隨即上前拉住梅啟明，場面混亂，幸好無礙活動進行。

梅媽即使腿受傷，亦要親臨現場見證揭幕。她在台上表示女兒能成為「香港女兒」，感到非常驕傲。揭幕禮後，梅媽又上前撫摸銅像的手表示，不敢想像阿梅企係我隔籬。」

身為梅艷芳徒弟的蔡一傑和蘇志威表示，銅像與師傅梅艷芳神似，許多回憶都湧上了心頭，很感動。

梅姐的銅像由著名雕塑家曹崇恩教授負責雕塑，整座銅像高約兩米，用紫銅鑄造，以梅姐唱片《With》封面造型打造。梅姐好友劉德華特別為銅像底座題字「香港的女兒」，表揚梅姐作出的貢獻。

往下看更多文章

草蜢驚喜現身Fans包場睇演唱會Blu-ray足本版夾定4月紅館騷打Call手勢配喜慶Dress Code

草蜢將於4月26日起，於紅館舉行七場「GRASSHOPER THREE IN LOVE草蜢演唱會2026」，密鑼緊鼓閉關綵排之際，日前突擊尖沙咀K11 ArtHouse MCL戲院，現身Fans包場睇之前「RE：GRASSHOPPER CONCERT 草蜢演唱會」Blu-ray聚會。與全場Fans在觀眾席一齊又唱又跳、揮動手燈、應援名牌和橫額，三小時足本播放，猶如置身草蜢專屬CantoPop Disco般震撼。草蜢更即場向Fans下「打Call密令」和Dress Code，約定月底紅館演唱會全場一齊玩！

蔡一智說：「我哋今日嚟戲院唔係嚟睇賀歲片，係睇我同二少（蔡一傑）花咗好長時間去剪輯，啱啱推出嘅『RE：GRASSHOPPER CONCERT 草蜢演唱會』Blu-ray 碟。喺studio剪片或者屋企睇片都只係一般螢光幕，但今日就唔同，嘩，戲院大銀幕呀！」又笑言：「你知啦，我哋好少拍電影㗎嘛，能夠上戲院真係一件好開心嘅事！」Fans自發包場在戲院睇演唱會，令草蜢好感動，他說：「佢哋真係好錫我哋，非常多謝草蜢嘅『Framily』（如家人般的朋友），所以我哋嚟畀返驚喜佢哋！」

蔡一傑（傑少）說：「睇到自己喺大銀幕上，好好Feel，好似睇4D！」蘇志威說：「現場尖叫聲大過戲院音響，厲害！」觀眾席上落力跳唱的蔡一智笑言：「原來我都係草蜢Fans！」傑少表示從未試過在戲院內盡情唱歌跳舞，感覺新鮮，更建議將草蜢演唱會在各大戲院上映，蔡一智承諾會拉隊謝票，與觀眾一齊玩。Fans高舉「台上你最美最震撼台下撐到尾我本分」橫額，引用草蜢《老的辣》歌詞打氣，草蜢表示感動。蘇志威說：「同Fans一齊睇我哋嘅演唱會，今日呢個體驗好開心！」蔡一智揚言：「睇完Blu-ray 嘅Fans入場睇紅館全新演唱會仲開心，因為我哋真人仲靚仔呀！」

倒數不足一個月，草蜢將再踏紅館舉行全新演唱會，蔡一智向Fans下「打Call密令」，說：「今年入場睇紅館『THREE IN LOVE 草蜢演唱會2026』嘅觀眾，當我哋唱《永遠愛著你》，你哋就拖住隔籬嗰位觀眾，無論識唔識，都拖手和舉起手大合唱，大家記住我哋今年嘅暗號，讓成個紅館充滿LOVE ！」傑少預言單身Fans可能「拖出好姻緣」。