何柱國叫董伯伯買埋星島去做

全國政協常委何柱國今晚出席傑出領袖頒獎典禮，四面開炮，炮打壹傳媒老闆肥佬黎唔出奇，估唔到會打到全國政協副主席董伯伯。

何柱國(右)

何柱國話，他要為董伯伯平反，有報紙話佢選政協副主席時得票低。何柱國就認為董生老當益壯，好佩服佢。何柱國話，自己15年前做政協常委時，有十幾票反對票，而家只有兩票反對。董生如今只有四票反對，相信董伯伯做多十幾年，都會得番兩票反對。

何柱國又爆料，話當年他當年做星島，就係董伯伯叫他去做。現在董生做完智庫，最近又諗住做媒體。佢話「阿董生你咁好精神做媒體，不如買埋星島去做。」

據悉何柱國指的是董伯伯旗下團結香港基金搞了的網媒「香港頭條」。

另外何柱國又提到肥佬黎，話2005年7月，自己旗下頭條日報創刊開個記者會，「我哋開始搞頭條日報。當時有個壹週刊記者問，你做頭條日報，諗住星島幾時執笠？我望住佢，話大家長遠啲睇。啱啱最近壹週刊就執笠，唔執都半身殘。我要回答黎智英，我賺緊錢，你就半身殘。」

Ariel

** 博客文章文責自負,不代表本公司立場 **

全國政協昨日舉行換屆選舉，新任主席汪洋得到全票贊成，即係無反對票，無棄權票，可見佢支持度都相當高。

在政協主席、副主席，常委選舉中，前特首董建華得票最少，有五票反對，五票棄權，少了十票，其次港區政協常委周安達源，再之後是前中宣部長劉奇葆。

董建華(資料圖片)

據政協委員說，大家對投票心中有數，因為投票後大會會對逐個當選人唱票，大家都明白投一票反對的意義。

80歲的董伯伯自2005年離任行政長官之後，一直出任政協副主席，已做了17年。