萬人逼爆東鐵被鬧爆 政府災後應變差

山竹襲港雖然無造成重大傷亡，但政府的災後應變就認真差，由於東鐵未能全面復通，幾間巴士公司因為路面情況，部份路線停駛，造成交通大混亂，今早有萬人逼爆東鐵的慘況。在東鐵站內，罵政府之聲不絕，粗口橫飛。

斷樹阻路在新界隨處可見

其實這個災難並非不可避免，昨日大學商討是否復課時，部份大學其實校園損毁不嚴重，可以開學，但考慮到東鐵部份架空路段出問題，怕交通大混亂學生上課難，所以才全線停學，故此交通出問題其實預計得到。

東鐵早上逼爆，市民大鬧政府

除了鐵路問題外，大量地區路面有斷樹或雜物阻塞交通，根本未能清理，尤以新界為甚，也可以預計新界的路面交通好災難。隔個大海沒有地鐵的澳門，也由為道路問題，採取應變，澳門政府昨晚一早宣布非緊急的政府部門停工一天，預計其他私人公司就會跟。

睇埋鄰近同樣受風災影響的深圳昨日宣布實行「四停」，即係停業、停工、停市、停課；而廣州車行「三停」，包括停工、停產和停課。

政府若然昨晚有部署，提早預警東鐵及巴士的問題，停工半天或呼籲彈性上班，就不會出現今早的災難。

Ariel

** 博客文章文責自負,不代表本公司立場 **

特首林鄭月娥昨天見社會領袖時，講到自己無放暑假。

林鄭話，成個暑假都無放假，老友夏佳理就叫佢，唔好咁搏，話佢做特首唔係跑短跑，而係跑長跑、跑馬拉松。

夏佳理係林鄭老友兼軍師

林鄭重申，佢唔會放慢，能做幾多就做幾多，而且做特首工作好有滿足感。

佢提到幫助脊髓肌肉萎縮症病人周佩珊時，覺得好有意義，仲叫在座的朋友唔好再叫佢放假。林鄭特別提到經民聯行政會會議成員林健鋒，叫林健鋒唔好再叫佢食飯。

林鄭爆林健鋒時時搵佢食飯

睇完特首咁講，真係覺得佢做得好興奮，好有滿足感喎。難怪佢之前講過，過去一年做特首感輕鬆享受，時間亦過得很快，形容是「度月如日」咁話。