教主出場？

政局風起雲湧，大批市民「佔領」旺角、銅鑼灣同中環、金鐘表達訴求，相信都超出佔中三子當初的預想。不過，唔知大家有冇留意，成個運動中，唔係好覺街頭示威常客、教主黃毓民出嚟。

昨晚Ariel先同高人傾開，「失蹤」的教主搞緊咩？今早一起身，有朋友傳來一段視頻，疑似係教主同一班「弟子」開會，討論搞起社會運動，又提到網絡上點樣爭取主動。

片段原文的連結：

http://fbcdn-video-n-a.akamaihd.net/hvideo-ak-xpa1/v/t42.1790-2/10536945_799078773447227_211065276_n.mp4?oh=489d96016da9b12f314932fbb46e6589&oe=542AC24E&__gda__=1412098833_a5063a8c0a35e4d17014bbc47e970d0b

喺呢個時候流出呢類內部會議的片段，唔知係新片還是舊片，真係有點吊詭。

Ariel

** 博客文章文責自負,不代表本公司立場 **

佔中遍地開花，金鐘同中環一帶最多人群聚集，政局緊張，連帶人的神經都可能緊張啲。

下午傳出金鐘道政府合署發出內部電郵，要求整幢大廈的員工撤走，聲稱為了安全理由，所有員工要立即放工，更於電郵表明若果明天有大型暴動（riot）就不用上班。有政府合署員工仲透露，有行政主任逐間房敲門，叫員工離開，並稱氣氛緊張，又叫其他人不要再回寫字樓，不少員工大感意外。

 

消息令氣氛變得緊張，Ariel四圍八吓，有在金鐘返工的公務員話，係有建議政府部門在可行的情況，俾員工在六點前收工，主要係估計放工時間，會有大量市民去金鐘、中環一帶參加佔中集會，提早收工，避開吓人潮啫。

除咗打政府工，部分在中環、金鐘的私人公司，都有類似的建議，更有一些無須一定返到辦公室開工的老友話，佢哋呢幾日選擇在屋企工作。

金鐘政總被圍，內部有建議在度返工的職員盡量用中環的地鐵站出入，口痕友話行多兩步當減肥無所謂，問題係唔知點收科先至煩啫。