希望葉劉啱

政總通番行人路，未通車路，明早行政會議要由政總改到禮賓府舉行，立法會周三復會都未必開到會。

行政會議成員就四出活動，例如葉劉淑儀，就接受英國廣播公司訪問，話了解外界非常擔憂中國政府，遲早會介入處理佔中示威，但她肯定香港不會發生天安門式清場。她指中央絕對支持特區政府，依法文明處理事件，又相信香港現階段不會宣布戒嚴。

葉劉又指出，不少外國媒體報道時，將八九年的天安門事件，同香港今次佔領事件作比較。她指現時中國領導人，與時並進，有足夠智慧處理大規模人群事件，加上領導人對香港事情十分掌握，因此特區政府會採取對話，希望和平解決事件，聚集的人群可以自然離開。她又向特區政府建議，避免使用武力解決今次佔據事件。

葉劉講得有紋有路，相當有譜。傳媒用她那句「肯定香港不會發生天安門式清場」做題，也是大多數人的願望。不過係唔係咁「肯定」就唔知啦，唔係嚇人，而係一個互動，若情況一天天好起來，當然不用硬清場，若然好完又差番，愈搞愈差，就怕阿爺無耐性。所以希望葉劉啱之餘，不同政見的人都要出吓力，勸學生回家吧。

Ariel

** 博客文章文責自負,不代表本公司立場 **

靜咗一排的「壹傳媒股民」又出擊，今早向傳媒發電郵，Ariel早上被同事叫醒，掟咗個爆料電郵俾我睇，唔睇還可，一睇嚇親，個電郵包含三條連結，內裏19個文件夾，超過2G內容，大到無倫，內藏約兩萬份文件和電郵，真係要逐個睇都花幾日喎。

通常有堅料的「壹傳媒股民」有一段留言，然後就列出爆料網址，留言個題係「肥佬黎做埋啲犯法嘢」，留言內文:「壹傳媒股價仍然殘到極，肥佬黎有好嘢唔益公司，自己袋住先。我爆咗佢在緬甸撈到大地皮，揾大錢，佢仲唔將利益俾番上市公司，咁唔好怪我啦，又逼我去網上揾料，又俾我揾到好嘢，竟然發現佢高層Mark Simon買勞力士去行賄緬甸軍頭。肥佬黎平日滿口仁義道德，竟然做埋呢啲犯法嘢，你地自己睇睇，真大開眼界。網上資料，無窮無盡……

http://depositfiles.com/folders/ZC6BM11GJ

http://depositfiles.com/folders/G6WZ0IDY3

http://depositfiles.com/folders/IRTION7LL

老實講，數以萬計的文件電郵，即使唔少文件無料到，都仲有好多有堅料，但要撈到好嘢，如大海撈針，真係睇到眼盲。好彩佢都提示咗一單「勞力士」，趕時間寫住一單先。星島搵到肥佬黎，佢唔願評論。

而家風頭火勢，喜歡肥佬黎的人唔少，唔喜歡佢的人一樣咁多，我估好多人都好有興趣去翻呢兩萬份文件，睇吓搵唔搵到好嘢。