又爆肥佬黎料

靜咗一排的「壹傳媒股民」又出擊，今早向傳媒發電郵，Ariel早上被同事叫醒，掟咗個爆料電郵俾我睇，唔睇還可，一睇嚇親，個電郵包含三條連結，內裏19個文件夾，超過2G內容，大到無倫，內藏約兩萬份文件和電郵，真係要逐個睇都花幾日喎。

通常有堅料的「壹傳媒股民」有一段留言，然後就列出爆料網址，留言個題係「肥佬黎做埋啲犯法嘢」，留言內文:「壹傳媒股價仍然殘到極，肥佬黎有好嘢唔益公司，自己袋住先。我爆咗佢在緬甸撈到大地皮，揾大錢，佢仲唔將利益俾番上市公司，咁唔好怪我啦，又逼我去網上揾料，又俾我揾到好嘢，竟然發現佢高層Mark Simon買勞力士去行賄緬甸軍頭。肥佬黎平日滿口仁義道德，竟然做埋呢啲犯法嘢，你地自己睇睇，真大開眼界。網上資料，無窮無盡……

http://depositfiles.com/folders/ZC6BM11GJ

http://depositfiles.com/folders/G6WZ0IDY3

http://depositfiles.com/folders/IRTION7LL

老實講，數以萬計的文件電郵，即使唔少文件無料到，都仲有好多有堅料，但要撈到好嘢，如大海撈針，真係睇到眼盲。好彩佢都提示咗一單「勞力士」，趕時間寫住一單先。星島搵到肥佬黎，佢唔願評論。

而家風頭火勢，喜歡肥佬黎的人唔少，唔喜歡佢的人一樣咁多，我估好多人都好有興趣去翻呢兩萬份文件，睇吓搵唔搵到好嘢。

Ariel

** 博客文章文責自負,不代表本公司立場 **

歷史好像對著人們冷笑一樣，笑看著世人，重踏前人的軌跡。

一個雨傘人雕像，送抵金鐘，由一班藝術工作者用多天時間製作，其中一個創作者的名片寫著藝術工作者Milk。雕像未有名稱，創作者說，這並不是神像，也不是抗爭道具，只是一件藝術品。

年青人十分歡迎雨傘人，但年齡稍大的「民主老鬼」一見，心中就發毛，想起天安門的民主女神像。神像於89年5月30日在天安門廣場豎起，4天之後，軍隊武力清場，推倒女神像的一幕，成為經典畫面。

民主女神雕像，是六四天安門事件的標誌性藝術品之一，高約10米，由中央美術學院雕塑系、北京電影學院、中央戲劇學院、中央音樂學院、中國音樂學院、中央工藝美術學院、北京舞蹈學院等八所院校的共二十多位學生，在中央美術學院工場內用四天趕製而成。雕塑內模為塑膠材質，外以石膏灌注；整個雕像分四部分於5月30日凌晨運抵北京天安門廣場，次日拼裝完畢。

迷信的老鬼很害怕，到雕像出場，清場時間還會遠嗎？