人大政協開會期間,不少代表接受訪問,惹起不少話題,其中一個是北京是否要求林鄭盡快就23條立法。
now新聞台早前引述知情人士稱,中央研判香港形勢後覺得林鄭應打鐵趁熱,在任內完成23條立法,指林鄭亦已知有關「任務」。記者自然追問人大代表及政協委員求證,無人話聽過「任務」之說,不過行政會陳智思反應更大:「我發覺嚟親兩會呢,好多時大家覺得啲新聞係造出嚟,可能大家全部一齊坐晒喺度無嘢做,會唔會大家造啲新聞出嚟呢?因為我從來無聽過呢個order(任務)」。
陳智思質疑「有成300個人大政協喺度,大家吹吹吓吹出嚟㗎咯」,他強調沒聽說中央對立法時間有「硬要求」,雖然他亦指立法是憲制責任,港府始終要做。
陳智思一句「大家全部一齊坐晒喺度無嘢做」,搞到部分人大、政協不高興,有政協話他自己在北京開會好忙,可能只是陳智思無嘢做。
陳智思另外接受本地報章訪問時亦提到亦講到特首林鄭連任的問題。陳智思話,新一屆政府上任接近兩年,表現務實,顯示林鄭的執行能力強,政策能回應社會訴求,認為她絕對有能力連任。但他亦提到,去年兩會時講咗支持林鄭連任,返嚟俾林鄭閙,説「我想上任一年就說支持我連任」。
記者問陳智思會否考慮參選下屆特首,陳智思表明絕對不會考慮,形容自己無能力勝任,又說只要認識特首的工作,便會令不少人卻步。對於近期政府近期調高領取長者綜援、搞3隧分流方案接連受挫,施政被批「離地」,陳智思指問題都是涉及跨局處理,認為多加溝通有助解決問題。
Ariel
** 博客文章文責自負,不代表本公司立場 **