真係有情飲水飽！
去年合體開騷的組合BOYZ成員關智斌（Kenny）和張致恆（Steven），出道15年，二人由昔日O靚仔變男神！其中38歲爆肌Kenny靠早年北漂肯捱多年，在內地爆紅；而34歲童顏Steven就戀愛大過天，女友一個接一個，近年私藏「C cup」舞台劇演員女友梁皓恩(April)。日前下午，Steven攬實四眼的骰女友現身銅鑼灣行街買嘢，兩小無猜幾咁sweet！
點擊看圖輯
Kenny身家豐厚 ■Kenny近年在大陸狂搵人仔，去年以近千七萬購豪宅，Steven得個恨字。
Re U搵銀 ■03年出道嘅BOYZ，去年10月合體開騷再拍住上搵真銀。Steven特別在鎖骨紋上「BOYZ」紋身做紀念。
小鳥依人 ■約5呎9吋高的Steven，身形有番咁上下份量，攬住學生妹樣的嬌小女友April，即刻man晒。
買餸煮飯仔 ■二人拍拖去買了兩袋餸，就行返唐樓愛巢。
見過阿嫂 ■去年，BOYZ合體開騷，April都有去捧場。
17年初畀名份 ■當時Steven在社交平台po同April的貼頭相，話要「畀個名份女友喎」。
快閃搭叮叮 ■兩人選擇搭電車由銅鑼灣落灣仔，3分鐘遊個電車河。
舊愛「波波姐」 ■Steven曾與35E莊端兒拍拖兩年，惜自己衰偷食致分手。
Kenny身家豐厚 ■Kenny近年在大陸狂搵人仔，去年以近千七萬購豪宅，Steven得個恨字。
大眼男神Kenny 13年憑內地劇《追魚傳奇》在內地彈起，身價三級跳，有傳他在香港、北京、橫店，甚至在加拿大都有置業，去年再以近千七萬購入清水灣一個968呎單位，身家豐厚。
Re U搵銀 ■03年出道嘅BOYZ，去年10月合體開騷再拍住上搵真銀。Steven特別在鎖骨紋上「BOYZ」紋身做紀念。
不過BOYZ另一成員Steven就寧願有情飲水飽，曾同大他3年的35E「波波姐」莊端兒發展姊弟戀，點知15年被拍到背女「偷嗒」富貴台妹，知衰的Steven即宣佈結束兩年情，並向女方公開道歉。分手無耐，Steven前年初在社交平台po貼頭相留言：「不再讓憾事循環。」大頭相係同新女友梁皓恩（aPRIL）合照，自爆新戀情。新女April做過外展社工、model，近年愛上舞台劇，她因為演出時被Steven看中，「抄牌」後火速變情侶。
小鳥依人 ■約5呎9吋高的Steven，身形有番咁上下份量，攬住學生妹樣的嬌小女友April，即刻man晒。
日前下午4時，放假mode的Steven陪素顏女友去銅鑼灣配眼鏡。皆因April在網誌話「N年前做完激光但又近視返，開始返四眼人生」。當日四眼April穿上鬆身衞衣，密冚激凸上圍，企埋高大Steven身邊更覺小鳥依人。兩人在眼鏡店試框、試黑超等，最後Steven乖乖坐低等女友驗眼，揀眼鏡等，一個半鐘一點怨言都無，怪不得他話自從同有上進心的April拍拖後，自己都變得成熟了，他話視女友為結婚對象呀！配完眼鏡，兩人浪漫搭三分鐘電車落灣仔，Steven沿途一直搭住女友膊頭連體放閃，不怕被人認出。最後，二人拍拖買了兩袋餸，再行返唐樓愛巢，預演平淡又溫馨似的夫妻生活，份外甜呀！
買餸煮飯仔 ■二人拍拖去買了兩袋餸，就行返唐樓愛巢。
見過阿嫂 ■去年，BOYZ合體開騷，April都有去捧場。
17年初畀名份 ■當時Steven在社交平台po同April的貼頭相，話要「畀個名份女友喎」。
快閃搭叮叮 ■兩人選擇搭電車由銅鑼灣落灣仔，3分鐘遊個電車河。
舊愛「波波姐」 ■Steven曾與35E莊端兒拍拖兩年，惜自己衰偷食致分手。
