政事
今日廣播業事情多，上午港視開台，傍晚是無綫台慶，最忙的是蘇錦樑局長啦，兩個場口都有去捧場。
蘇局長在Facebook特別講到呢件事，話特區政府一直十分支持香港的創意產業，他今天便出席了兩家電視台的慶典。
蘇局長乘機講，特區在發出免費電視牌照時，一向依足程序，在行政會議仔細商議，考慮所有因素後，才作出集體決定，從來都不是一個人作決定的。
依，呢句「從來都不是一個人作決定的」，意有所指喎。魔童王維基呢幾日開台搞宣傳，成日話驚「一男子」搞佢，又暗示人地係「高牆」。抽「一男子」水都係魔童抽得最多咯。
蘇局長為老細辯護，否認發牌是一個人的決定。佢講到咁含蓄，唔知佢老細睇唔睇到呢又？
Ariel
** 博客文章文責自負,不代表本公司立場 **
立法會凌晨受到衝擊，政壇再起風雲，學聯批評帶頭衝擊者，事後四散、不負責任；泛民強烈譴責，強調衝擊與佔領行動無關，有必要劃清界線。
建制派議員就認為，有份協助佔領的政黨要即刻宣布停止佔領，而唔係意圖開脱責任，仲去信曾主席，要求申請禁制令，結束佔領。曾主席一方面譴責暴力行為，同時相信衝擊立法會人士與佔領留守者不同。
睇完政壇各人表態，Ariel就覺得曾主席講番昨日發生的事，都可以見到現時局面都真係幾有意思，有啲行動的決定，背後都唔想碰到政治敏感區。
有意見批評立法會外警察人少兼增緩慢，暗示政府縱容衝擊。查實
昨晚早至十點幾已經有人圍立法會，警察並沒出現，曾主席話當時接到的訊息係，示威者無幾耐就離開，所以立法會有通知警方，但覺得唔需要協助。
到凌晨一點，發生衝擊事件，警方本來可以直接由添美道入去立法會幾分鐘就到，但就要先經過留守者的帳幕，立法會方面考慮如果突然咁多警員出現喺佔領範圍，會引起佔領人士好敏感的反應，所以警察增援時，係繞道添馬公園，用咗十幾分鐘。曾主席承認，因為外圍的佔領，對警方及時處理暴力衝擊構成障礙。
敏感時期，樣樣考慮足到，咁到底差人算唔算遲咗增援呢？
