亞視生命在倒數中

下星期二係11月最後一次行政會議(11月25日)，傳聞行會將在此次會期中，考慮電視續牌的問題，特別係亞視續牌的問題，如果亞視在下周二前未搵到新買家，睇嚟佢的牌照都凍過水啦。

無綫同亞視的牌到明年11月底到期，按規定如果不獲續牌，政府要提前一年通知，即係話如果下周二行會有決定，亞視不獲續牌的話，佢就可以按原來牌照的期限，經營到2015年11月30日。為了遵守呢個一年通知的規定，行會可以將啲牌照延期，例如行會12月30日先決定唔續牌俾亞視，亞視就可以經營到2015年12月30日啦。但係既然牌照期限已到，行會拖住唔決定，雖然有規定可以依啫，但喺目前的政治氣氛，政府係咪願意為保留亞視個牌，再被人多粒彈藥去攻擊呢？

亞視近年都搞得幾差吓，好多節目收視得個一、兩點，如果行會下周開會，講到通訊局的建議，憑常理通訊局係唔會建議俾亞視續牌，亞視唯一的救命草係在行討論前，有新買家提出收購入場，行會可以因為呢個理由暫緩作出決定，然後等新買家提出新建議後，交通訊局再研究。

聞說亞視賣盤一直唔成功，主要投資者王征始終吊高嚟賣，唔肯減價，仲有個傳聞佢說寧願清盤都唔降價，做生意做到佢咁有原則，都可以話係一個奇葩。

雖然世界的事情可以一、兩日內有轉變，但亞視的生命都似係在倒數之中，未來幾日相當關鍵，如果王征的目標只係壓到最後一、兩天，攞到最高的價錢就成交，亞視仲有一個生機，如果王征真係寧願清盤都唔降價，亞視都好大機會不獲續牌啦。

Ariel

** 博客文章文責自負,不代表本公司立場 **

昨日凌晨一批戴口罩或面罩的示威衝擊立法會，撞爆玻璃。當泛民眾口一詞和他們劃清界線，又把焦點完全指向他們受誤傳立法會將通過網絡廿三條立法而出來，但見到部份留守示威者接受訪問的說話，令人了解到他們是有意激進，想重新成為焦點。

最多傳媒訪問的一位有參與衝擊的李先生，他衝擊完一直留守至早上，話撞爆玻璃的原因：「唔會坐喺度等清場，要重新攞番個焦點，支持以衝擊立法會，使行動升級。」

佢認為佔領運動已超過50天沒有突破，「長此落去，運動冇咗焦點，好快俾人遺忘。同黑警相比，打爛玻璃算得係乜嘢？而家個政府已經接受咗佔領行動，要有改變先畀到壓力，好似2003年遊行有用，2004年仲有少少用，但2014年就冇用啦」。他批評和平佔領者享受光環，對所有衝擊者好大反感。

唔好睇少呢啲想法，係激進化的想法，所以唔可以話只是熱血公民搞事，即便如此，他們已發動了群眾出來。激進化是佔領運動未來發展的一大方向。