旺角四批黑勢力

團體拿了禁制令可以清旺角場，但遲遲未郁手，警方要有慎密部署才採取行動，原來旺角情況比想像中複雜。

政府消息人士叫Ariel留意一則新聞。美國國會及行政部門中國問題委員會舉行的香港民主聽證會，前美國在台協會主席卜睿哲在會上講述意見。卜睿哲話，馬英九總統近日支持香港民主的言論，令北京極之不滿，而台灣人最大的感受，就是確認北京的「一國兩制」絕不適用於台灣。

消息人士指北京確實不滿，但不滿有因由，因為見到台灣黑勢力插手香港佔領運動，主要在旺角區。現時旺角區內的示威者，除了爭取民主的學生外，還泌入了四股黑社會勢力，一批是台灣最大黑幫的人馬，另外三批是香港三個黑社會的門生，潛伏在佔領區內，似乎想借清場時搞事。

消息人士話，現時有人日日講話阿爺派黑勢力搞亂香港佔中，呢啲文章作得就作，事實剛好相反，香港警方見到旺角區內三股本地黑勢力盤據，就通報咗俾阿爺知，阿爺通知咗廣東省公安，省公安就火速去掃呢幾個香港黑幫在珠三角的場，向他們施壓，希望逼他們不要在旺角搞事。

至於台灣，阿爺就鞭長莫及，唯有通過兩地的溝通渠道表態投訴。消息人士不明白香港事情和台灣幫會有何關係，為何他們要派人在旺角活動，分析只有兩個可能，一個是他們也是收了香港黑幫錢在此地助拳。另一個可能是台灣根本有意插一腳在香港，香港愈亂，愈證明一國兩制唔掂，等大陸唔使成日話用一國兩制統一台灣。黑幫做事，主要講錢，所以有本地黑人物話為民主支持佔領，真係信一成雙目失明啦。

Ariel

** 博客文章文責自負,不代表本公司立場 **

立法會繼續辯論由工黨何秀蘭提出，運用權力及特權條例，調查特首CY持有 DTZ Japan 股權，議案最後被大會否決。唔知係咪議員覺得政治新聞悶悶哋，建制同泛民議員針鋒相對時，俾啲笑料大家。

話說工聯會王國興質疑工黨是收取外國錢，才多次提出引用特權法，想推倒CY政府，發言時更舉起「泛民收錢實錄」本書，動議的何秀蘭要求佢不要展示，王國興就爆咗句：「唔知係心虛…驚到屎淋尿瀨」。

何秀蘭向曾主席提出反對，指其用詞不雅，曾主席就話王國興表達意見時，可以用更文雅的講法，王國興就解釋呢個係：「『史林廖賴』是專有名詞，亦都係依家無綫電視晚晚《愛‧回家》劇集內，係有一個律師行的名嚟嘅。」

套劇的律師行真係改咗咁名，證明王國興有做功課。

圖片來源：蔣家旻微博

王國興再俾曾主席叫停，指不應以電視劇用字作為標準，王國興都仲係堅持呢個詞形容何秀蘭貼切，之後就繼續發言。

議會外，反對同支持政府兩個陣營撕裂晒，議會內兩派都會愈來愈擺明車馬打大交，夾在中間做裁決的曾主席，今個會期可能仲忙啦。