李卓人退支聯會主席減壓?

支聯會昨晚改選領導層，原主席李卓人退居秘書，民主黨何俊仁任主席，副主席續由蔡耀昌及麥海華出任，兩名「80後」加入做常委。

據說在選主席時，李卓人昨晚推舉何俊仁接棒，鐵頭仁順利當選，李卓人改任秘書，鐵頭仁話李卓人提名他做主席，因為李卓人想集中做工黨的工作，李做工黨主席、職工盟秘書長及支聯會主席，崗位太多，不能兼顧。而李卓人自己就話，並非要淡出支聯會的工作，日後會著力搞好六四紀念館以及海外聯絡。

不過政壇中人認為，早前的電郵爆料事，爆出李卓人收肥佬黎秘密捐款，他後來解釋錢是捐俾組織，只是暫放個人戶口9個月云云，但廉署介入調查，件事睇嚟有手尾。如今他唔做支聯會主席這個咁敏感的職位，似乎是想在政治上減壓。

就在李卓人不做支聯會主席的同時，他昨晚凌晨1時現身龍和道衝突現場，想亮一亮相。

他在龍和道示威前線，大叫「我要真普選」口號。但示威者沒有太當他是領袖，更出現噓聲，部份人冷言冷語，叫他「快啲衝」、「支聯會咁多年淨係識籌錢」。警方開始採取行動時，他就扮演調停者角度，叫示威者「大家唔好衝，大家向後退」，但亦有示威者話「唔衝就返屋企啦」。

在這個沒有領袖的年代，泛民議員都唔易做，左右也不是人。

Ariel

** 博客文章文責自負,不代表本公司立場 **

昨晚學聯學民發動市民示威圍政總，無記播台慶劇「老表你好Hea」大結局，各有捧場客，鐘意睇老表的市民話，劇情有D超現實，不過訊息好正面，好啱呢個時勢，叫Ariel寫吓。

話說劇中主角王祖藍食魚翅染咗魚流感，成為帶菌源頭，其他人如果腎上線素高就易感染，後來有人作咗隻歌放上網，隻歌聽咗令人心平氣和，無咁易感染魚流感咁話。

無記係唔係借劇情暗喻學生? 照計無記套劇播得出街，劇本寫咗一排，照計無咁應景睇住佔中的動態嚟寫，不過有市民話而家好多人腎上線素都高，都要聽歌降降溫。Ariel覺得其中一個要降溫的是學聯秘書長周永康。

周永康今早話，昨晚的示威行動令在政總的公務員早上不能上班，某程度顯示行動成功。

哎，搞到咁，唔係睇大局，係啩住自己成唔成功，真係要降吓腎上線素。