政事
英國下議院外交事務委員會成員來港調查中英聯合聲明落實情況，炒到沸沸揚揚，外國事務委員會主席Richard Ottaway又特別提到，《基本法》規定，入境是香港入境處決定，北京拒絕發簽證給委員會成員來港，正反映一國兩制已受威脅。
據了解，阿爺的態度就係由於國防同外交的權力，由中央所有，基本法第四十八條講到行政長官的職責，其中第八款話「執行中央人民政府就本法規定的有關事務發出的指令」，而中英兩國係外交問題，中國絕對係有權決定係咪俾某啲議員來香港，若唔想俾某人入境，因為是外交事務，可向特首發出指令。
在英國下議院昨日就中國拒絕調查團入境香港問題舉行辯論後，中國外交部下午在例行記者會上再反駁，話《中英聯合聲明》就中方恢復對香港行使主權和過渡期有關安排，對中英雙方的權利義務作了清晰劃分。英方對回歸後的香港無主權，無治權，無監督權，不存在所謂「道義責任」。又斥英方有些人企圖用所謂「道義責任」混淆視聽，干涉中國內政，是不可接受的，也不可能得逞。
睇嚟阿爺都好強硬，唔知調查團成員最後會點做啦。
Ariel
** 博客文章文責自負,不代表本公司立場 **
學民思潮黃之鋒及另外兩名女成員黃子悅及盧彥慧日前宣佈絕食，昨天已在網上流傳一張兩個學民女食粥照。有朋友問Ariel做也唔出，Ariel覺得有啲疑點。
首先係無理由啱啱絕食咁快就走去食粥。第二係照片中兩女頭戴絕食白色頭帶，但昨日未見過學民絕食三子帶白色頭帶。第三係照片中有個人似周澄，而周澄早已唔玩無理由出現。結論係張相唔似真，唔登得。
結果周澄真係出嚟澄清，她在Facebook上話，網上流傳那張相是她和葉楚茵在09年六四前夕參與絕食的圖片，當年學聯同學發起64小時絕食靜坐，至於圖中的粥水，是絕食結束時義工為一眾絕食同學買來的。周澄話本來覺得澄清很無謂，但知道舊圖被用來當成抹黑學生的宣傳，不得不嚴正回應。
在這場運動中，網上真係流傳好多假嘢，就如9.28之後，Ariel也看過所謂警察開槍的相，後來也證明係假嘢。或許今次做「學民女食粥」之人，會覺得對家都有做，唔做番佢就笨。但這個世界萬事離不開一個理字，總之做假嘢就唔好啦。
