政府為清場做輿論準備

近日特首CY不斷出來講嘢，又接受傳媒訪問，有政壇八卦友問佢係唔係見佔中唔係好掂好高興，所以咁高調？但Ariel觀察佢似乎為清場做輿論準備而矣。

CY昨日講，當局已對清場有心理及行動上的準備，指佔領行動到了後期，人數雖減少，但剩下人的行動卻越來越激烈，指警方若在金鐘清場，或遇到激烈抵抗，呼籲佔領者、尤其年輕人及學生盡快撤離。他重申，佔領行動違法，而且已持續逾兩個月，對市民造成極大不便，警方有需要執法，當局適當時會宣佈何時清場。

CY說會宣布何時清場，這句話頗堪玩味。冠忠巴士已拿了金鐘部份地區的禁制令，大約佔示威佔領區四分之一，但不包括最敏感的海富中心對開地區。若然政府只是協助冠忠清禁制區域，不是全面清場，就不用宣布，只是全面清場時才會宣布。

圖中紅線內是冠忠申請了禁制令可清場的範圍

  

按政府的情報分析，旺角清場後，部份有黑社會背景的佔領者由旺角移師金鐘，令金鐘佔領區內品流變得複雜。政府不想清場時傷了學生，所以特首就不斷示警，話會清場，形成一個輿論環境，讓家長和老師，去勸退仍在金鐘佔領的學生，若學生退場，只餘非學生佔領，將來清場時誤傷學生的機會就較少。

雙學之中，學聯態度彈性少少，學民繼續絕食未停。學聯副秘書長岑敖暉昨日話，日內會商討警方清場時的部署，政府也要觀察學聯的態度。

Ariel

** 博客文章文責自負,不代表本公司立場 **

政治好多時係做騷，學民仔絕食，唔少建制派議員走去慰問，有示威者冷言冷語招呼佢地，話佢地博出鏡，但商界人士同樣媽叉，話佢地唔知係乜嘢界別的政黨，去為乜人講說話。建制派政黨中人去探絕食者博出鏡，可以話係豬八戒照鏡，兩面不是人。

Ariel收到幾個商界、政界朋友傳咗條片俾我，係一個基層團體去李四叔的恒基樓盤示威。一個叫「關注基層住屋聯席」團體，周五到恒基長沙灣數盤曉悅設於尖沙嘴美麗華商場內的售樓處，拉横額示威，條黃色橫額，有雨傘標記，上書「我要有屋住」五隻有大字。示威者不斷叫「官商勾結」、「基層無屋住」、「還地於民」、「還我住屋權」、「地產霸權」等口號，現場職員亦好慶，話「要有屋住去房協示威，房協賣緊樓（指喜盈），去房協。」

商界中人亦好勞嘈，示威搞到去賣樓處，往後好易搞佔領，佔到地產商做唔到生意。自由黨是工商界政黨，佢地唔出聲反駁，同一日田北俊和鍾國斌就走咗去探絕食的黃之鋒，好做唔做，呢個世界真是瘋了。下次再有政黨嚟叫捐錢，會問清楚佢地代表邊個，先至決定捐唔捐。