一個媽媽「走難式」送仔登機實錄：「有人隻鞋飛走咗，有人跌倒，有人尖叫....」

示威者堵塞機場，阻塞旅客登機離港，搞出大混亂，一個媽媽送孩子去美國探親，今日到機場，就如走難一樣，奪路狂奔，情況恐怖，以下是媽媽對整個過程的紀實：

我今天送仔仔機。好多黑衣人，去咗terminal 1 （1號航站樓）辦登機手續，職員話terminal 1 blocked （1號航站樓封鎖），要所有人去terminal 2 （2號航站樓）登機。去到terminal 2，一群黑衣人block （封鎖）埋terminal 2 入囗。我問佢地點上機，佢哋話冇辦法。

機場一遍混亂

我走去問職員，職員又話無辦法，我再問咁多要登機的乘客點算？........電光火石之間，突然有人發現旁邊有走火通道，可能可以通去登機入口，一群旅客，不分老少，衝入去，我立刻拖住阿仔一齊衝，有人隻鞋飛走咗，有人跌倒，有人尖叫，.......我同阿仔有幸衝到入後樓梯，立即跳入電梯。後面一路有人湧入，電梯入面嘅人叫快d關門，話有一群黑衣人衝緊入嚟。好好彩，電梯門终可以關上。電梯入面有人問，我哋去邊？有人答不知道。

機場一遍混亂

電梯門一開，大家都好恐慌，周圍找出路。找到發機入口。People mountain people sea（人山人海）。好亂，點入去過關？爭先恐後，大家都好驚慌，為咗令阿仔可以上到機，我又一齊湧。最終阿仔入咗登機restricted area（禁區）。

我本打算走，但My flight Apps updated “ cancelled flight”! （航班取消）我堅持要阿仔留下，睇睇情況先。過咗幾個字，又話可以boarding（登機）。等到6:30， 機場宣佈：所有航班取消。所有旅客請離開。

幸運地，我仔仔最後搭了6:55pm 的飛機離境

Ariel

** 博客文章文責自負,不代表本公司立場 **

機場昨天(8月12日)被示威者佔據，下午6時開始所有航班停止，至今天早上6時，今天航班逐漸恢復，但中國國航和東方航空取消了所有來港班次，相信與近日香港局勢有關。

國航今天全部來港航班取消。

國航昨天部份班機轉飛深圳，今天則全部來港航班取消，並預告明早8:30抵港北京至香港航班亦取消。國航公布，將增加今天北京-深圳航線的運力投入，籲旅客注意公布。今明兩天共14班國航航班取消。

東航亦取消6個航班，包括4個從香港出發飛赴上海及江蘇無錫，以及2個從上述地區赴港的航班。

事實上，昨天內地民航局的聲明已露出玄機，民航局昨晚在官方微信表示，針對近期香港機場安全運行受到的影響，局方作出部署，通過增加運力、做好機票退改簽、提升粵港澳大灣區機場群中轉能力，保障內地與香港間旅客正常出行。局方會作出部署確保旅客正常出行。民航局的聲明，已暗示調動國內機場運力，以取代香港。

香港自己搞死自己個機場，大灣區其他競爭對手、特別是深圳機場受惠。在深圳上市的深圳機場A股今早高開3%，隨後持續上揚，現已升停板，升10.02%，報10.43元人民幣。深圳機場今年頭7個月乘客吞吐量按年增 7%，中信證券就發表報告，唱好深圳機場，稱深圳機場國際樞紐戰略地位或得到提升，加速國際樞紐建設，2025年深圳機場國際客流或增至1900萬人次。

高人話，內地對香港的混亂極之不滿，國航和東航的做法也顯露一種態度，香港亂局不停，不斷搞到香港機場的話，國內只能調動其他大灣區城市取代香港，長遠只會令香港受害。