警察問被捕者「在警署內有無打人強姦雞姦？」其實關心他們教仔咁教

近日有大量理大示威者被捕，有疑似警員在網上出post，講述在警署內和被捕年青人的對話實錄：

警察和被捕者的對話實錄。警察加油專頁截圖

話說有人呢幾日不停係差館負責處理理大外拉返黎果班恐怖份子，主要負責派飯，搜男犯身，封財物，再送去court。

呢批大多數廿歲左右，當然亦有少量未成年。 男嘅送到黎乖啲，sir前sir後。 女嘅就把口就衰啲，初時會細細聲講黑警，但過兩日就阿sir，madam咁叫。

送上court前要封好哂佢地啲財物，過程係逐個搜身，再係佢地面前封好佢地啲財物，再由佢確認再簽名。 咁大家都知佢地成個背囊都係野，逐樣分類包及入返資料去電腦都要好長時間，而呢段時間個犯就坐係面前。 大家年紀相若，但思想完全唔同，所以邊做邊溝通下。

警: 做乜去理大?
犯: 路過咋

警: 路過都著住反光衣，背囊有幾枝汽油彈同埋電子產品又包哂防水袋?
犯: （苦笑，但無答）

警: 呢到一日三餐食得好唔好呀?
犯: 好

警: 天氣轉涼，有無俾氈你冚?
犯: 有

警: 有無警察打你?
犯: 無

警: 有無俾人強姦或鷄姦?
犯: 無

警: 各行各業都有壞人，但警察係咪你地圍內傳嘅咁?
犯: 完全唔同

警: 煽動你地衝嘅偽人，泛民議員有無去?
犯: 無

警: 知唔知點解佢地同埋佢地啲仔女從來無出黎衝?
犯: er...

警: 拉左你返黎，你要求睇醫生，見律師嘅要求除左你同警方知，就無第三方知。 點解我地仲要哂兩個人手帶你去專留難警察嘅醫院睇醫生? 點解又安排你打電話俾律師? 你地唔係話警察可以為所欲為嘅咩? 直接話你乜都無要求咪得囉。
犯: er...

警: 首先，我地係正常人。 另外我地有機制要跟，我地都要受監察，唔係你地所講嘅警權無限大。
犯: 對唔住

警: 有無諗過點解咁多聲稱被強姦嘅女士都唔敢報警?
犯: 唔知

警: 你望下四周圍
犯: CCTV?
警: 無錯，差館周圍都係CCTV, 我地知咩事，而佢地都知咩事，所以佢地知報假案只會被捕，到時CCTV上court播，真相大白，所以一直唔敢報。

警: 其實你地都係呢次暴動嘅受害者，但你地錯在無正常用腦分析，被有心人誤導。
犯: （眼有淚光）

原來拉左佢地，真係救左佢地，至少反省過，識得分返對錯。

如是者包好哂，一個個排好哂隊等上路。 見到佢地咁後生就斷送前途，實在有啲心嗡。 但諗深一層，每個人都要為自己嘅行為負責，犯法嘅成本始終要找數。 當想到佢地仲被迷惑時，意氣風發，對香港瘋狂破壞，對不同意見嘅人襲擊等，佢地曾幾何時同情被佢地傷害嘅人?

睇完對話實錄，可以睇埋下面的留言，有網民話：「真係苦口婆心！可能佢哋父母講冇辦法聽得入耳，真係希望佢哋會受到感化知錯能改啦！ 香港警察真係犀利仲要做埋輔導員。」亦有人話：「阿Sir仲要幫人教仔，辛苦哂！救到就救，香港精神」

Ariel

** 博客文章文責自負,不代表本公司立場 **

昨晚凌晨，微博有「記者我在說」，出了一段文，非常有趣，全文記錄了昨晚警察以咪高峰和仍然堅守在理大的黑衣人對話，內容非常到題，令黑衣人無言以對，只能間中以粗口回敬。

阿sir一直在打擊黑衣人的士氣，說：「我真係覺得你哋好垃圾，做又做唔掂、做又做唔好。我睇你哋唔起呀，唔係因為我同你政見、立場唔同，係因為你哋做人冇原則、冇底線、冇承擔、冇責任感，同埋冇腦啊。」

阿Sir教訓黑衣人時，暴徒不斷用強光照射阿Sir。

「呢幾個月發現，香港受過多年免費教育的人，智商、分析、邏輯能力比沒受過教育的人更低，董先生（首任特首董建華）已承認教育政策失敗，教咗一班咁嘅人出嚟！」

「你地自己懾高枕頭再諗一諗啦！接觸多些外邊人的想法、擴闊自己眼光、睇吓人地D文章，你會發現，原來你係錯得好緊要。你哋真係喺度發緊夢架，我話俾你地聽，呢個夢好快醒，你哋全部都要承擔之前錯誤所帶來嘅惡果。」

「你地要食冰冰冷冷嘅生命麵包，都冇問題嘅，我喺外面守你三個月三個禮拜，但我好快有警察同事來接我班，我收工後可以到深圳食海底撈、可以飲冰凍啤酒，真係諗起都開心，而你哋就繼續喺度食生命麵包，通常係基層拾荒者老人家食，我覺得你哋好可憐。」

呢位阿sir除了打擊黑衣人士氣希望佢哋投降出來之外，其實講得好啱，暴露了香港教育失敗的地方。在連登討論區上，呢班黑衣人常常自稱是大學生，指警察是毅進仔，嘗試抬高自己身價，貶低別人身份，完全是自卑的表現。事實上，黑衣人當中龍蛇混集，由前天242人上庭的名單上觀之，大學生原來只是少數，當中有未成年中學生，有IVE學生，但亦有很多從事一般職業的推銷員、文員、建築工人、侍應及廚房佬等等。

反而警隊內大學生佔比不少，很多大學生只是考員佐級警員。現時投考見習督察職級，因為人工高，相當不容易，成功者基本上都是較精英的大學生。至於員佐級警員，學歷也越來越高，資料顯示，2017-2018年度被取錄的員佐級警員有1074人，當中具大學學歷的有309人，佔比增至29%。黑衣人自抬身價、踩低警隊，偏離事實。