CY聲言連任一石二鳥

特首CY過往避談是否爭取連任的問題， 但昨日突然公開表明話過去兩、三年已逐步落實政綱及施政承諾， 見到成效，不排除爭取連任。CY的行動，耐人尋味。

CY昨日出席行會前被問到有消息話泛民若不通過政改的話， 他就很大機會連任，並將推動23條立法。CY回答時先講，目前工作重點是做好特首的工作，然後講他過去兩、三年，已根據政綱在施政報告落實各項政策，在各方面見到成效，為未來打好基礎，然後話「我目前不排除任何可能性， 有關是否競選連任嘅問題，呢個係日後的事」。

之前記者向CY問同類問題，他的標準答案是「競選連任的問題， 現在我唔會講，現在最重要係做好眼前的工作」。如今變成「 不排除任何可能性」，明顯表露想競逐連任的態度。

CY一講，各方起哄。下屆特首選舉在2017年3月，明年201 6年6月各方候選人會全面亮劍，如今他提早出招， 不似是隨意之言。

第一個可能是就此向泛民施壓，若他們不想CY連任， 就要支持政改方案。你睇公民黨黨魁梁家傑的回應，似乎佢都相信C Y壓緊佢地。梁大狀有少少動氣地諷刺梁振英嘥氣：「他可否再選是他作主的嗎？」梁大狀反指無論梁振英如何恫嚇，泛民都要挺直腰骨否決「 假普選方案」。

第二個可能是借向泛民出招為名，乘機宣布自己參選。過去的周六、 周末，CY在禮賓府搞了兩場「茶聚」，表面看動機不明， 有與會者話CY以往年年過完年後， 除了在禮賓府搞正式的新春茶會外，亦有搞這種自己友式茶聚， 不過今年規模大咗少少啫。但政壇八卦友話，CY的兩場茶聚有少少搞選舉動員大會的味道，茶聚完就宣布不排除參選，有「項莊舞劍」 之感，動機人所共見。

知情人士就話，在任的特首最佳優勢，就是日日都可以做助選動員。 兩年後今日就投票，而家出來熱身話參選，唔係早，而係遲啦。

Ariel的結論係CY此招一石二鳥，都有啲計謀架。

Ariel

** 博客文章文責自負,不代表本公司立場 **

互聯網興起令實體盜版行業息微，所謂「實體盜版」，就係指揸部機走入戲院偷拍套戲，再製成翻版碟出售。喺2007至2008年，實體盜版仲係高峰，一年都有八、九套戲俾人咁樣喺戲院度翻拍，翻拍者賣出個母本，仲可以賺到18蚊美金。不過到咗近年，互聯網上咩戲都有得睇，呢啲實體盜版、賣翻版DVD的行業就差唔多銷聲匿跡。

不過香港電影製作發行協會仲有懸紅支持打擊喺戲院翻拍的行為，每名戲院人員舉報一件盜拍事件，就會得到2000蚊獎金。幾年前嗰套好紅的《3D玉蒲團》，結果就係戲院捉到24個盜拍者。不過香港電影製作發行協會就賠了夫人又折兵，因為每個舉報俾2000蚊獎金，結果俾了四萬八出去，但呢啲所謂「盜拍者」，好可能只係入戲院睇戲的人或者遊客，影一兩張俾自己欣賞，所以都無咩個案可以告。

最近上映的《格雷的五十道色戒》就搵到一個「真實」的盜拍者，事緣一名女性外傭入戲院睇呢套戲，舉手機影咗20分鐘，當然俾戲院員舉報，俾海關拉咗斷到正。由於影咗20分鐘係好實質盜拍行為，唔係影一、兩張相咁簡單，雖然外傭聲稱翻拍係供自己欣賞，並非作商業用途，但成單嘢就交咗去律政署，有可能俾起訴。

話說回頭，就算好似呢宗個案，估計個外傭都唔係諗住翻拍攞去賣，所以呢個實體盜版行業都係差不多消失咗啦。