今日睇到單新聞，一名就讀國際學校學童的家長，上周五接獲來電，指佢囝囝已遭綁架，命家長要即時往銀行匯款交贖金，否則會對其子不利，電話中更有一名男童大喊大叫「媽媽救我！」的聲音。
其間，騙徒叫那位家長要「保持通話」不能掛線，機警的家長即時跑往附近一間便利店，以文字通知店員代為致電其丈夫，由丈夫致電回學校，證實兒子安全後報警求助。
Ariel有朋友睇到呢則新聞，即刻想起自己近日又喺踫到同樣的情況，話說上星期，佢老公接接到電話，有個細路聲音，叫爸爸救佢：「我出咗事！我俾人捉咗，救我！」，佢老公覺得遇上騙徒，就大喝一聲，對方即刻收線。
前日佢老公再收到類似的電話，又係有把細路聲叫「爸爸救我！」，佢話老公好冷靜，問長問短，覺得對方唔對路，亦都收線。
佢兩公婆之後分析，估計騙徒係聽到接電話時「喂」係男聲，所以細路聲音就叫「爸爸」。佢哋覺得好怪，點解騙徒好似知道佢哋有小朋友咁，仲接連打電話俾佢，懷疑會唔會係接觸一啲兒童產品時留低咗聯絡方法，俾不法之徒盜用咗。
Ariel最近已不止一次聽過有子女的家長朋友收過類似的電話，有子女的家長真係要小心留意，警方都要做多啲嘢啦！
Ariel
** 博客文章文責自負,不代表本公司立場 **
特首CY過往避談是否爭取連任的問題， 但昨日突然公開表明話過去兩、三年已逐步落實政綱及施政承諾， 見到成效，不排除爭取連任。CY的行動，耐人尋味。
CY昨日出席行會前被問到有消息話泛民若不通過政改的話， 他就很大機會連任，並將推動23條立法。CY回答時先講，目前工作重點是做好特首的工作，然後講他過去兩、三年，已根據政綱在施政報告落實各項政策，在各方面見到成效，為未來打好基礎，然後話「我目前不排除任何可能性， 有關是否競選連任嘅問題，呢個係日後的事」。
之前記者向CY問同類問題，他的標準答案是「競選連任的問題， 現在我唔會講，現在最重要係做好眼前的工作」。如今變成「 不排除任何可能性」，明顯表露想競逐連任的態度。
CY一講，各方起哄。下屆特首選舉在2017年3月，明年201 6年6月各方候選人會全面亮劍，如今他提早出招， 不似是隨意之言。
第一個可能是就此向泛民施壓，若他們不想CY連任， 就要支持政改方案。你睇公民黨黨魁梁家傑的回應，似乎佢都相信C Y壓緊佢地。梁大狀有少少動氣地諷刺梁振英嘥氣：「他可否再選是他作主的嗎？」梁大狀反指無論梁振英如何恫嚇，泛民都要挺直腰骨否決「 假普選方案」。
第二個可能是借向泛民出招為名，乘機宣布自己參選。過去的周六、 周末，CY在禮賓府搞了兩場「茶聚」，表面看動機不明， 有與會者話CY以往年年過完年後， 除了在禮賓府搞正式的新春茶會外，亦有搞這種自己友式茶聚， 不過今年規模大咗少少啫。但政壇八卦友話，CY的兩場茶聚有少少搞選舉動員大會的味道，茶聚完就宣布不排除參選，有「項莊舞劍」 之感，動機人所共見。
知情人士就話，在任的特首最佳優勢，就是日日都可以做助選動員。 兩年後今日就投票，而家出來熱身話參選，唔係早，而係遲啦。
Ariel的結論係CY此招一石二鳥，都有啲計謀架。
