特首CY早上出席一個論壇致辭時話， 有議員在立法會作出阻撓行為，也有泛民議員支持去年佔領行動，他呼籲在今明兩年的選舉中，市民用選票將泛民逐出議會(vote them out)。特首舉旗叫選民砌底泛民，過住未見，CY呢鑊成功出咗位啦。
泛民兩大黨自然反應強烈。民主黨主席劉慧卿聲言感到憤怒，認為梁振英是「撩交打」，有失身分、好勇鬥狠，撕裂社會，質疑他是否嫌自己太少敵人。
泛民「飯盒會」召集人、公民黨梁家傑亦狠批，梁振英最新民望已跌破警戒線、性好鬥爭、撕裂香港、 唯恐天下不亂，梁選舉時只有689票， 但竟然呼籲選民不支持獲數萬選票當選的議員，「實在都幾離譜、 幾過份」。
政壇八卦友話，CY今次有備而來，先在上周六、 周日在禮賓府以茶聚為名，見大班建制派，大力動員他們批評泛民學者提出的「中國崩潰論」。 到周二就宣布不排除參選。今日就動員選民不要投票給泛民。 泛民政黨回應得兇狠，但實質上是被動，只是接招。但CY攻勢，似乎還陸續有來。
八卦友話，CY出招有政改投票和特首選舉兩個角度， 他就係想撩交打。政府唔預可以拉泛民4、5票遊離票通過政改方案 ，甚至不打算挖民主黨或公民黨其中一個政黨離隊和阿爺妥協，去支持政改方案，政府預咗要麼泛民就冇一個支持政改，要麼就「 你頂唔順CY，咪支持政改方案踢佢走囉」。
八卦友更認為，這是一個陽謀，因為CY亦擺明車馬搞連任，而佢連任的第一焦點是和泛民開戰，又睇泛民受唔受得起啦。佢擺出呢個棋局，等緊泛民去拆啦。
Ariel
** 博客文章文責自負,不代表本公司立場 **
