政事
城大學生會退出學聯的公投昨天結束，晚上9時開始點票， 據城大退聯關注組的Facebook專頁消息， 退聯的票數大比數壓倒反對票數:
贊成：2464
反對：527
棄權：174
廢票：65
城大退聯投票點票(facebook圖)
城大退聯大比數通過，連同早前成功退聯的港大、浸大及理大， 學聯的院校成員將由原先的8間減至4間。即使不看其他退聯投票， 學聯至少失去半壁江山，日後影響力將大降。
城大退聯關注組成員歐仲平話，城大成功退聯， 城大學生會可與其他學生會成立類似泛民飯盒會那樣的溝通平台， 有合適議題才合作，沒有就「各自爬山」。
聽佢咁講，未來呢個大學學生會平台，將自行運作， 等如廢咗學聯武功。
Ariel
** 博客文章文責自負,不代表本公司立場 **
Ariel同建制派高人食飯，席間講起政改方案過唔過，以及誰人出來選特首的問題。我問除了坊間日日數的特首人選外，近排有無傳乜嘢人會出來選特首。高人二話不說，講出「吳光正」三個字。
Ariel追問佢睇到乜嘢線索，高人諱莫如深，但反問吳光正咁心急交晒棒俾個孻仔吳宗權為乜？
68歲的吳光正又真係一早做好交捧安排，搞好晒今個月卸任，同時會退出九倉及會德豐董事會，日後只出任顧問，全面交棒予其37歲的孻子吳宗權，由佢全面接掌市值近3000億元家族王國。雖然吳光正68歲都唔算年青，但以超級富豪計，呢個年紀全退又真係少見。
席間有人問起到2017年選特首時吳光正已70，做特首會否年紀略大？高人話，仲有兩年，到時個局係點都無知，特別係過唔到政改方案，都唔一定風調雨順。咁又係，吳光正有心有力，磨利把刀，到時及鋒而試，都唔係無可能。
另外講吳光正時，有人話田北俊的說話都意有所指。田大少接受電台節目訪問時話，自己曾發表希望下任特首是「anyone but CY」、即任何人都可以做特首，惟獨梁振英不可以的說法時稱，有關說法可以說是真的，他更形容自己與泛民主派人士的想法一樣，覺得梁振英管治得一般，並不適合連任。
田少和吳光正好老友，咁講又有無為吳光正助拳之意呢？
