政府宣布推自願性全民檢測,盡快兩周後展開。
市面又開始討論不同檢測方式的利弊。中大調研話,本港過去一直採用的深喉唾液樣本有三成一出現假陰性,一個檢測若果有這樣大的偏差率,究竟還是不是可信呢?
新冠肺炎檢測有不同方法,香港用深喉唾液取樣,內地用鼻咽拭子,即係用棉花棒撩入去鼻咽取樣。早係中大調研前,有權威家庭顧問醫生講起不同採樣方式,對於深喉唾液的做法,形容係「都可以準確嘅」。
權威醫生話「都可以準確嘅」,意下之意是「都會唔準確」,關鍵在甚麼地方呢?權威醫生話在於執行,如果用深喉唾液,負責的醫護在派發樣本樽時,必須要清清楚楚講,提醒市民應早上起來,不要漱口擦牙就做,因為一洗漱就沖淡了唾液濃度,肯定唔準。另外,仲要測試者咳足三聲,把深喉內的口水咳出來,才能檢測到病毒真正有無存在。
用深喉唾液取樣和鼻咽拭子比有甚麼好處呢?最大分別係鼻咽拭子用棒去撩,病人隨時會咳,大量噴出口水,對醫護有風險,而深喉唾液由病人自己去採集,慳水慳力。
不過,如果睇番過去本地派樽仔做檢測,經常見到一堆樽放低任人取用,似乎看不到有人細心解釋,所以中大調查話檢測假陰性咁高,看來是有人為原因。本地醫護成日話自己做嘢得,不過,從今次調查結果,過去一段的檢測安排,又是否有點「是是但但」呢?
Ariel
** 博客文章文責自負,不代表本公司立場 **