上星期日，打開收音機，聽到車淑梅大姐，訪問霍啟剛。初初我個腦，以為呢個霍家大孫子，上香港電台，接受訪問，都是出出風頭，玩玩，又是過了，又一天啫。但是聽聽吓，有料到喎。
今天他爺爺，升上神枱。他當然，升了级喇，成為了大公子哪。以為他，跟老豆一樣，木納咁嘅款，又是開口，夾著脷哪。又以為，佢好似呀，劉公子一樣，叫人唔好去日本玩樂，亂花金錢，應該儲錢買樓，或者好似，劉公子佢阿媽，畀大大叠，金牛佢，等劉公子，可以日日夜夜，學定以後，怎樣數銀紙。
車淑梅(右)訪問霍啟剛(左)。
點知聽落後，這條霍啟剛，越聽越有文路喎。講到點樣去溝郭晶晶，點樣讚呢個，跳水皇后，生完小孩，親自餵奶，親自抽奶，每個小孩，都親身去餵奶，個個BB，都有年多，奶奶喝喎。係人老公，都知道喇。飲人奶，麻煩又辛苦。平常捧住，BB又要對口，分分鐘，不夠喉，B仔又咬住不放。真喺生仔，十二級痛。餵奶，個乳頭，就陰陰痛呀。又不可以，亂塗藥物止痛，怕影響嗰BB啊。去街吃餐飯，又要抽定奶。真是波，都给抽扁，好似放咗氣嘅小扁波波啊。郭晶晶，真是偉大。咁多銀的豪門，請幾多乳娘都得喇。竟然為了，自己孩子，親身上塲，犧牲身裁。
霍啟剛和郭晶晶親自湊B。
小霍講老婆，買嘢俾自己，永遠都是鴨寮街，大賣塲散貨塲，三、二十元埋曬單。行街揹個，丐幫長老的爛布袋。買嘢畀朋友，件件都喺，出自置地廣場，法意英美，名牌店。仲話自己個老婆，關心朋友多過自己。呢條剛哥，豪門第三代，講得有紋有路喎。初初以為佢，為了要競選，焗出嚟，接受訪問。梗係好大鑊啦，個個公子，都係大支野，亂咁噏亂咁老作喇。但是他，越講越似人樣，越有好形象。呢條友，估唔到，又貼地，有料到喎。
我們老人家，最記掛的是，我們嗰代，的香港小姐，因為當時，香港經濟，未起飛，窮人多，中產甚少，所以人人，面帶菜色。餸菜簡單，咸魚吃極，都是嗰小小一舊仔，重要分幾餐。腐乳四份之一咋，最好就是廖孖記。最快樂就是，有生鷄疍豉油，撈熱騰騰白飯。工作辛苦一天，家家戶戶，最佳享受，係用電視機，送晚飯啊。香港小姐，就是與我們，一起成長啩。尤其朱玲玲，是我夢中女神啊。當她降落凡間，在美麗華酒店，嫁給憨厚的霍家大公子。我今天年老，記憶也模糊了，當時當日，不知不開心了，多少天多少年？我常把住啤酒問自己，我又靚仔，又聰明，又有奮鬥心。點解新郎，不是我？我想了很久，不知過了多少個，良辰吉日，青春期。我才明白，因為我沒銀。
我夢想，做朱玲玲新郎哥的事情，鼓勵了我，不斷向錢追。所以我感激，所有香港小姐。令我人生，有了方向，有了無盡，動力向錢衝。夢醒後，我向住，錢出發。努力抬報紙，終於抬到今天，見到彩虹，揸住我自認為，好多銀両。但是在霍家眼内，一天豪門買餸錢，比我全副身家，還要多。再者，今日人亦老，已沒力搵港姐作嬌妻啊。
今天聽到，我的動力女神，孩子在電台講話，真是為她開心。生到個，有為好孩子。我作為，朱玲玲的老粉絲，真是為我的，發夢女神，開心不停。這個星期天，聽剛仔，噏什麼，都對路。再加上阿真媽媽話，剛仔呢個係俊彥網紅，又是我們大嬸，姊妹網上，夢中男神啊。他的人氣，在網站比，媽媽朱玲玲，當年最紅時，不諻多讓添喎。又話剛仔，網站教仔，坐公共交通巴士，與孩子踏自行車，在郊野路上，他的短片，在香港太太姊妹們，網路瘋傳㗎。我想，應該是霍家，做得好事多，有好報應啊。霍家有彥俊後人，霍英東在上天，都可撚鬚，長歡微笑。
我最喜歡，聽剛仔說。點去幫忙，香港年青人，點樣接觸年輕人。他更說，「我不會教她們，不要做乜。又要做咩，又要教她們，做乜做物。我點看待年青人，我哋唔應該，話俾年青人聽，邊樣做得，邊樣唔做得。我哋應該，在他身邊，耐心聆聽他們，鼓勵他們，說出他們，想做什麼。更希望他們，說出內心夢想。我會在他們身旁，用行動，支持他們，達成夢想，追逐彩虹。」
當年的霍英東(左2)。
香港豪門，搞政治，剛仔應該是，最權貴的，第一個。再者，這個極權貴階層，甚少參與，香港政治，接受人民洗禮。他比澳門，何厚鏵家族，更為顯赫。卅多年前，愛國報人，潘懷偉老師，對我親言，生意人，他最佩服霍英東。因為國家有難，老師找東哥幫忙。東哥一句不說，將性命身家，押下幫國家。不理港英制裁，更不理，會成為政治犯，更可能給，趕離香港，永遠飄泊，不能歸家。甚至有機會，在赤柱渡過餘生。東哥不理，更全心全意，投入國家事業。更自己發明賣樓分契。分層售樓事業，避開港英政府，停水停電供應，不做地產發展商。所以做就，後來出現，的五大地產商。
所以霍家，在共產黨地位，在港澳沒有任何家族，能夠比擬。如果剛仔，穩穩陣陣，沒有大錯，一定順風水，無礙剛仔，走往最高層。更是應該。繼澳門何家，做定香港特首，實在不作他人想。今次小強，開心樂見，霍啟剛，夠膽走出，權貴豪宅大門，迎向香港，今天的，大風大浪政治。只要他，肯站出來，走入群眾，繼續貼地，我都感覺他，真夠薑。希望他，為香港年青人發出，良心呼聲，幫助年青人，紓解走向上流問題。令年青人，走上正道。
小強
** 博客文章文責自負,不代表本公司立場 **
剛剛進入初夏，早上5點鐘左右，晨曦初現，陽光和煦，天亦好光猛。我揸住我的大貓積架，沿著窩打老道，朝西九龍方向，開得好爽。
開到剛見到消防局，停在紅綠燈前，到綠燈亮起，大貓就好似，食錯食物咁不斷抽筋，引擎不斷抽搐。即時將大貓車，慢慢停喺消防局，後面路邊，唔敢再打擾這隻，突發急病的大貓車呀，不敢再用隻大貓喇。開車門，call拖車先生，叮囑拖車師傅，小心幫我拖去，葵湧國瑞路的英之傑屬下，積架大貓，維修專門店。
早上巡查完，送報紙工作。放工做運動，回家沖洗，叫女兒阿真媽媽，幫忙送我，返到公司。入到辦公大廳，問靚女同事: 「我隻大貓，生什麼病呀？」靚女答謂: 「唔知喎，積架陳姓，服務員話，明日先知喎 。」翌日， 我回到公司，第一時間，好緊張問，我個靚女同事，「點呀，宜家隻大貓情況？」靚女說，「陳服務員話，個引擎唔知邊度，邊忽燒咗喎。整就要三萬幾，再等三個禮拜，飛機運零件，再加埋換，啱啱一個月。三萬零蚊啦 ，就搞掂啦。」
我回憶，我修理，自己私家車，好似從來沒有，用咁多錢呀。以前買過，兩架積架房車，價錢都是三、五、七萬，從沒有超過，十萬喎呀。但是自從，揸住這架黑大貓，近兩年，越開越開心啊。死死氣，等一個月。我咁愛它，都要修復它，都要俾錢哪。整好它，付款喇。
一日復一日，每天大大個太陽，盛暑的天氣，瘟疫的日子。坐了一個月小巴，帶住口罩，上下車，消毒液抹手，差不多，要清潔埋安全帶及坐位啊。我這種用開私家車的人，無車就辛苦哪。忍受了，痛苦一個月，我就問，我的靚女同事，「我隻大貓點呀，出院未呀。幫忙打去問下，做完手術未呀，修復好未呀，出得院未呀。」轉頭靚女同事，入我房，面色好慘情咁話: 「老闆，陳服務員話你隻大貓 ，大偈打開心臟副偈，諗住換零件，但係發現，又有個零件爆咗喎 。如果要再整，要畀多，兩萬幾銀，又要等多一個月喎。」
聽完靚女說，我的腦袋，即時爆炸，當時真是，分分鐘中風。咁都得，佢哋係獨家代理喎，大貓維修廠，係名牌喎 。英國積架，給她們代理，一定信她們服務，超好，才信任，英之傑喇。我好不開心說，「可不可以，同積架講，我不修理喇，給回之前，我俾的維修費我，我不整，攞去西環海邊，推落海就算，見不到，大貓情人，心死了。」靚女打完電話，就跟我說，「不能退款呀。」
他們是代理，是名牌維修廠。他們電腦一接，什麼毛病，都瞭如指掌 ，他們今天，可以不知毛病，接住一個月，又話又有，什麼毛病。可以整多久，可以整我幾多銀呀? 整到何時何日，整到地老天荒，貴過我買車的銀，都有可能喎。他們英之傑，汽車集團，跟街上山寨車房，有什麼分別啊？你急病，救傷車，送咗妳入醫院，唔係幫你檢查好，你有什麼病，怎樣醫呀，收幾多錢。現在他們，收咗我治療費，都未出院，就話做做手術，打開個心臟，弄開個偈。就話個心，有第二個問題。我點樣再信，這間代理積架，英之傑汽車集團呀。
沒多久，夾在修理廠與我中間，被我逼瘋，的靚女同事。苦瓜乾臉孔，向我說，「他們不願意，給回錢我們。只是重覆說，要維修，就要俾多二萬多，等多一個月呀。」
錢，應該俾，我一定俾。但是現在是，他們劏開，大貓個內臟，搜搜吓，又話個度有事，又話幾多銀，又話等多久。我都沒得計算，我架大貓，買了廿萬。今天要維修，加埋六萬。但是他們，敢不敢話，整埋今次，就健康出院? 分分鐘，打開個肚，心臟沒弄好，就話個腦有事。可能貴過架，新大貓。之前洗濕個頭，三萬多。現在又話，打開個心臟，又要二萬多元。好似一刀一刀，慢慢割我，辛苦揾來的賣肉血汗錢啊。
等我再想想，搏不搏多次。想了兩天，俾了三萬多，整都未整。又話要，俾多二萬多。不維修，又話要充公三萬多元已付的錢。我的愛車，大貓瞓在手術床。他們可以，趁你病，同你講數。英之傑大集團，可以咁樣做生意？無論人與死物，曾經服務過我，就算一對襪，穿著得久，穿得舒服，用到破爛，再穿不下，我的心默默多謝它，承載我的腳多年，我會記掛它、我會多謝它。我的大貓，沒病沒罷工，接載我，風雨近兩年。我愛大貓，心意決定，修復好它啦。
從廿歲仔，有駕駛執照。開始揸貨灣，揾食出入。這兩個多月，無車出入，這個大暑天氣，瘟疫時間。又要戴上口罩，坐公共大小巴士，真是幾十年加埋，都冇坐得咁多，公共大小巴，搭車的日子啊。當我適應了，上落公巴，坐地鐵，要吃苦瓜，飲涼茶廿四味，解除又濕又熱，的苦日子，又到接近兩個月喇，開始每天吹催，靚女姐姐，「有冇打電話，問候我的，大貓貓情況，有冇好轉，零件到未呀，幾時取車呀？」
差不多兩個月，終於宣佈，大貓可以出院。但是接大貓出廠，要預早一天通知，因為大貓，不是在積架葵湧廠修理。我想，早前有傳聞，話有代理公司，為了節省成本，外判車輛，給外間山寨，汽車廠維修喎。心內有點疑惑，忐忑的心，把迎接大貓喜事沖走。今天仍然，未有釋疑。當我收到通知，翌日下午，放工取車。一夜好睡，興奮早晨，穿上紅色恤衫，喜事開心，好似接，新娘過門，回家一樣。從我和宜合道公司，一步一興奮，越行越快。好快，我就全身都是汗，紅色恤衫亦濕透， 突出我的，老人肥腩身材。行到積架維修部，高叫我從未見過的，陳性服務員: 「我來取我心愛，的大貓車啊。」陳服務員話: 「我通知同事，開過來。」當維修部員工，徐徐慢慢，揸到我旁邊。 我開心到，好似見到，濶別很久，遠洋歸來，的愛人一樣。即時擒上，我的大貓愛車。
我用塑膠箱，盛載冷氣水呀。
闊別兩個多月，我的貓，依然這麽敏捷，高速衝上，高速公路。向何文田，方向奔跑。當我轉落窩打老道， 點解左邊，乘客位，地下濕嘅。有水一滴一滴，好似我的心血，滴下地氈。在乘客位前面，風口下面，好似死亡之鐘，滴答滴答聲，催促到我心臟，跟水滴的聲音，越跳越快。回到我家，停車場。我摸摸，乘客位地氈，好似我在，太陽底下，走了十五分鐘，我的紅恤衫，濕透那樣。我匆忙，打返去，大貓維修廠: 「喂，陳先生，架大貓車漏水喎 ，給你們搞到，失禁瀨尿呀。」陳服務員說，「你即刻揸返嚟，俾我哋再搞搞，我哋再檢查 。」我話: 「大佬我返到屋企啦，而家都五點幾喇，你都要收工，我揸返嚟，再返屋企。我唔使同我，老婆仔女食飯咩。明早我揸返嚟啦，才慢慢談喇。」
翌日早上，冷氣都唔敢開，揸到底褲都濕曬，去到積架維修廠 陳姓服務員，上車看完，好羞愧講: 「我哋又係，離譜啲呀。」我話「唔喺離譜呀 ，你哋喺，完全無檢查清楚，就俾架車我。個個車主，俾你們整車 。你們係，頂級維修廠喎，正廠正貨嗎 。你們不是，山頭街邊，山寨廠呀。你要檢查清楚，才叫我取車呀。更要話清楚我知。我架大貓車，究竟全車，有什麼病，維修幾多銀。整定唔整。整幾多錢，我才決定。打開副偈，又話加錢。取車未回到家，又出事。整完一樣，又一樣。而家又一樣。我點搞呀。我不如拎去，西環海邊，推咗落海？無眼屎乾淨盲，唔使給你們，玩咗兩個月，都未玩完，咁痛苦呀。」
不夠三日，佢又報價，俾我個靚女同事。又要四萬幾，話個冷氣喉穿咗，如果要換呢，分分鐘，嗰個冷氣泵，都要換埋 。我想咗好耐，我給積架維修廠，整到怕。我都係唔俾們修理，但是到今天， 問我D，整開貨灣，修車廠。個個車房，都擰曬頭，平治、福士、寶馬，日本、韓國車，什麼都識修理，獨是積架不識整。這種車，坊間叫雪條車，單是維修，就充滿是理由。
