On仔還趁機拍了個Vlog。
觀看相關影片按以下畫面：
點擊看圖輯
C AllStar合體推出新歌《集合吧！地球保衛隊》。
很久沒一齊開工拍MV，C AllStar 十分興奮。
VIDEO
休團三年多的C AllStar於2021合體推出新歌《集合吧！地球保衛隊》，由於MV選在偏遠郊區拍攝，是以4位成員梁釗峰、On仔（陳健安）、SoulJase（何建曦）和DJ King（吳崇銘）與攝製隊在凌晨5時已集合出發，因為很久沒有一起拍攝MV所以大家都十分興奮，但到了現場後大家都難忍睡魔，紛紛找地方小休，唯獨DJ King拿出手提電腦忙著製造電音。
C AllStar合體推出新歌《集合吧！地球保衛隊》。
觀看相關影片按以下畫面：
VIDEO
4子跟大隊凌晨5時出發，去到現場已天光。
4子去年曾想過藉成團10周年重組，但當時各自有工作要忙，所以現在是最好時機。釗峰說：「自2017年10月紅館演唱會後正式休團，至今3年有多，經歷咗過去一年，今日不知明日事的感覺尤為強烈，就像歌名一樣，依家為信念再集合。」
拍攝現場天朗氣晴。
很久沒一齊開工拍MV，C AllStar 十分興奮。
唱作歌手陳健安紀念逝世20年的爸爸創作歌曲《梨子》，早前在個人演唱會上首唱，真摯演繹，感動全場。MV日前上架，以動畫配手寫歌詞字幕，片尾一段陳爸爸溫柔地氹小朋友的聲音：「汽水、雪糕，好嘢，拎晒出嚟」更是觸動人心。為找出這段聲音，陳家總動員翻箱倒籠，究竟陳爸爸當年跟誰說話？安仔揭盅：「係家姐大女，爸爸嘅外孫女！」
陳健安紀念逝世20年的爸爸創作歌曲《梨子》，早前在個人演唱會上首唱。
《梨子》MV日前上架。
安仔說：「好記得爸爸鍾意批梨皮一條過唔斷，攞畀我哋睇，呢啲生活情趣。其實我有啲價值觀、行為、生活習慣都來自爸爸，希望可以用『梨子』做引子，分享我傳承自爸爸嘅嘢。」MV以動畫代替真人拍攝，他說：「我唔想太煽情，不如用Animation（動畫）表達。邀請咗DJ阿檸（薛晉寧）畫，佢擅長用木顏色，好靚。而因為歌詞好夠力量，希望焦點放喺文字上，用手寫歌詞，有手寫嘅溫度，我好喜歡！」
MV圖片
MV圖片
MV圖片
《梨子》由安仔作曲，創作旋律時未有題材，但Demo名和內容已有「平平凡凡」元素，去年決定寫爸爸就邀請許弘毅填詞，這是二人首度合作，他聽了安仔分享爸爸生活點滴後寫了《梨子》。安仔說：「佢寫出我講嘅所有故事，當中有爸爸生活哲學，好感動。歌詞看似簡單，但再消化吓就有幾個層次，尤其是Verse（主歌）部份每句七個字，有poetic（詩意）感覺。」
編曲由安仔老best賴映彤（小彤）操刀，並與安仔聯手監製，她說：「大家留意編曲上有遞進嘅感覺，尤其是同陳健安做歌特別著重氛圍。」安仔向小彤發出「3個P」要求：poetic（詩意）、piano（鋼琴）、post rock （後搖滾），及加入仿黑膠碟「炒豆聲」（Vinyl）增添復古感覺。
編曲由安仔老best賴映彤操刀。
至於爸爸的聲音，安仔說：「首歌差唔多做完嘅時候，我諗不如加啲爸爸以前嘅聲，就喺屋企群組問，原來家姐以前用DC（數碼相機）拍片再燒成碟收晒喺牀下底，佢摷晒出嚟逐隻睇，再記低幾分幾秒有爸爸把聲，我即晚去家姐屋企攞晒啲碟返嚟再揀。我諗爸爸估唔到自己把聲全世界都聽到，佢好鍾意威，依家好威！」
MV圖片
「嗰段聲係2002年，當時家姐拍緊自己個女，爸爸氹緊佢外孫女。」因為找爸爸的聲音，家族多了一個有趣的親子活動：睇舊碟。安仔說：「家姐嘅大女未睇過自己細個嘅片，細女更加未見過姐姐細個，原來咁得意。一家人睇片好開心，變咗親子活動。我家姐都有拍我中學參加歌唱比賽嘅片，將來可同大家慢慢分享。」
VIDEO
觀看相關影片按連結：https://youtu.be/h6P0rY0go_E
安仔在2023年專輯《Life afteR Life》收錄了媽媽噓寒問暖的WhatsApp 口訊，今次在新歌《梨子》MV尾段加入爸爸的聲音，問安仔未來可繼續為其他家人創作，製成家族系列？他笑說：「可能要出三隻碟，我有六兄弟姊妹，仲有外甥女、侄仔，十幾廿個人，都幾大家族，其實家姐阿哥都好鍾意唱歌，等我諗吓先！」
安仔與媽媽
安仔與媽媽
安仔透露：「我爸爸性格幾唔聽人講嘢、幾任性，我都係。（爸爸係咪浪漫派？）從媽媽口中『你阿爸以前好靚仔』，講嗰時個樣係沾沾自喜。爸爸口甜舌滑，好識氹人，多才多藝，識打功夫、踢波、寫毛筆字好靚，每年都會寫揮春。」他更爆料小時候有一次畫畫功課，爸爸技癢在其水彩畫「海洋世界」用毛筆畫了一隻水墨蝦，非常搞笑。
陳健安
