港澳辦副主任馮巍早前曾來港和民主黨飯聚，各界關注是否只見一家，立法會議員湯家驊昨日爆料，話馮巍原來亦曾約見他，但他因事不在香港港，所以未見得成。
原來馮巍用WhatsApp和湯大狀直接聯絡，在7月尾曾Wha tsApp查詢湯大狀8月是否在香港，話希望同湯大狀「 大家坐低傾傾」，但湯大狀離港未有會面，當時他已估計馮巍來港會約見民主派， 所以對馮最近與民主黨會面不感意外，又說上京觀看閱兵後會多留一天，「會睇吓有冇機會見馮巍」。
民主黨約馮巍要透過梁愛詩做中間人去約，但湯大狀就透露咗佢同馮巍直接有Whatsapp往來，令人關注他在政改期間，有無同馮巍保持對話。當時一直有傳聞， 話部份泛民散兵可以支持政改方案通過，但係得兩三個唔夠票， 所以最後無叫佢地投贊成票，以免作「無謂犧牲」， 睇嚟湯大狀都可以算一個。
湯家驊指今次中央官員和民主黨並非在政改壓力下會面，中央亦一改過去在大型選舉前夕(今年11月區選)與民主派保持距 離、以免影響選情的做法，反映中央有意與部份泛民建立正常關係。 湯大狀又話上京觀看閱兵後會多留一天，睇吓有冇機會見馮巍。
Ariel聽聞馮巍一直係鴿派，所以他主催見一見民主黨和湯大狀並不出奇，但有些人會以為這代表著中央和泛民將全面和解， 就似乎係諗多咗啦。
Ariel
** 博客文章文責自負,不代表本公司立場 **
「6.18」政改方案否決後，下屆特首沿用番選委會，跑馬仔就開始熱鬧啦。由黑馬姿態開始起跑的前財政司司長梁錦松，似乎愈來愈高調，由之前話唔會選，剛剛接受訪問就話，參選問題「 交給上帝」。
睇嚟松哥擺明有心再戰江湖選特首，在訪問中佢對時事亦都有唔少睇法，例如講到港大學生會衝擊校委會，佢認為年輕人有良好願望，但可惜爭取手段「錯晒」，同時又話對「等埋首副」 理由感到莫名其妙。一句講晒，各打五十大板，所有人都想討好。
曾擔任教統會主席的松哥又透露，當年與戴希立、 程介明積極推動教改，被傳媒稱為「三頭馬車」。事隔十五年，如今三人再碰頭，連同十幾個老朋友，正就教育問題進行研究。據聞研究報告有望明年初推出，他們更不諱言，不排除讓有興趣參選特首的人借來參考。
但Ariel同政圈中人以至平民家長傾起， 佢地一聽到松哥想再搞教育，就嚇到彈起，話松哥搞乜都好，求求佢千祈唔用再掂教育。佢任教統會主席期間，政府推動的連串教育改革，取消中史為必修科、搞出通識教育、 改革新高考，容許大批直資學校產生，搞到家長和學生一頭煙， 教師怨聲載道，教育界同埋「受教育界」提起都心驚驚， 成為好心辦壞事的典範。 到今天愈來愈多家長要花鉅資送仔女出國讀書，即使成績好的仔女也如是，就是怕他們在新高考過不了中文3級和通識2級這兩關。
高人聽完民意就認為，松哥既然係金融界才俊， 都係發揮自己所長好啲，唔好再搞教育政策啦。
