半年花1500美元 大陣仗整份三文治

有時大家覺得午餐或者晚飯簡簡單單就好，整件三文治算數。不過所謂「簡簡單單」，背後其實包含唔少人嘅辛勞付出。一個YouTuber試試親身體驗由生產原料開始，一腳踢製作一件三文治。結果佢足足用咗半年時間、花費1,500美元先至整得到。

片段只係短短幾分鐘，但我睇完後不禁對自己能夠舒舒服服食到一啖安樂飯感到安慰，更對各位辛勞付出嘅農夫、漁夫等人多咗一份尊敬。Salute！

奇趣錄

** 博客文章文責自負,不代表本公司立場 **

美國密蘇里州堪薩斯城有隻狗仔叫做Tabitha，之前同患有老人癡呆症嘅主人出街散步時走失咗。主人老婆搵返老公，但係隻狗走失咗。

兩夫婦於是貼傳單搵狗，單嘢仲上埋當地電視台，無幾耐就有人聯絡佢哋，話Tabitha暫住喺佢度，人狗團員可喜可賀！

原來狗狗當日走失咗之後，一對夫婦見佢喺街度好可憐，於是帶咗返屋企。就喺電視台播出尋狗新聞時，Tabitha望住螢幕興奮搖尾，兩公婆就知道狗狗認得佢主人啦。

Tabitha返到主人身邊之後，又上多次新聞。