膠仔呢排積極減肥，除咗努力做運動，亦會參考專家嘅飲食建議。其中有篇文章講到市面上有唔少標榜健盈嘅食品其實係吹水；又話大家選擇食物時，好容易忽略營養標籤。我相信減肥路上有唔少同路人，大家都要提防啲「偽健康食品」啊。
乳酪
奶製品富含鈣、鉀同埋蛋白質，對骨骼非常有益。但係市面上有唔少乳酪產品加入咗大量糖份，一杯仔入邊隨時有多達30克糖。營養師建議大家盡量選用希臘式酸奶，享用時可以加入新鮮生果同埋堅果。
五穀麵包
五穀一詞聽上去好似會健康啲、低卡路量啲，但其實大部份生產商都會加入增味劑同埋糖去提升味覺享受，對身體唔太好。買家入手前切記要睇睇材料同埋營養標籤。
任何寫住「部分氫化」嘅產品
如果買家見到產品材料中含有部分氫化油（partially hydrogenated oil），意味住內含可以堵塞動脈嘅反式脂肪。呢類產品都有機會係零卡路里，食完之後會影響運動表現，長遠會積喺體內，增加中風風險。
能量飲品
大部份能量飲品或者都有高濃度咖啡因，的確有助短暫提升運動表現，但係運動完後可令人變得激動、失眠同埋緊張，長遠更會產生依賴。
果仁製成的醬料
如果係真材實料嘅花生醬或者杏仁醬，原材料內應該只會含有堅果同埋少量鹽。若大家睇到標籤上寫住仲有添加劑或者糖，唔買好過買。
蛋白棒
唔少人做完運動後會食啲蛋白棒，但係其實多餘嘅。平時飲食夠均衡， 有魚有肉有奶等就已經足夠，根本唔需要任何嘢額外補充蛋白質。
梳打水
有人認為汽水糖份高，轉飲梳打水。實情梳打水都唔係咩好嘢嚟，研究話會影響益菌生長，喺進食其他嘢時更容易出現糖尿病。
原文：
http://www.runnersworld.com/fuel/health-food-impostors
神州快訊
** 博客文章文責自負,不代表本公司立場 **
