香港書展今日煞科,不少市民就把握最後機會入場買書,場館內人頭湧湧,相當熱鬧。波叔今日在Facebook上載影片,原來佢都同兩位實習生去到灣仔會展逛書展。
波叔同實習生逛書展。
一入場,兩位實習生Timmy同Maggie有備而來,要波叔完成咗「快問快答」先。波叔鐘意詩詞定係小說,科幻同埋勵志揀邊個,大家估唔估到?
跟住又係一條IQ題,「如果讀嗮書展入面的書,需要幾耐?」咁多書,兩位實習生唔係玩野嘛?只見波叔不慌不忙又答:「如果係讀『書展』嘅『書』,1秒鐘喇!」睇來要考起波叔,都不是一件容易的事情。
實習生向波叔推介年輕人鐘意的書。
既然係逛書展,兩位實習生就向波叔推介年輕人好有共鳴嘅書。
Maggie首先介紹《公主傳奇》系列,佢話自己細細個嘅時候,同朋友都好鐘意睇,因為入面有有好多想象空間。而Timmy就話,自己鐘意睇科幻多啲。
波叔話自己細個時好鐘意睇武俠小說。
咁波叔讀書時又睇乜書呢?佢透露自己細個時好鐘意睇武俠小說,一睇就追落去,為了避免一直追會花太多時間,只好限定自己一段時間內只可以睇幾多本。
傾談之間,Maggie已經揀到心儀的書,係君比老師的《希望的曙光》,波叔就表示買兩本,一本送俾Maggie,一本留返俾自己了解下年輕人的世界。
嘟卡、掃碼消費幾方便。
隨後三人又去到「零食世界」,近日好落力推動消費券計劃的波叔,亦用八達通、支付寶俾錢買茶包、精品等,滿載而歸。
Sebastian
** 博客文章文責自負,不代表本公司立場 **
旅發局進一步擴大旅遊義工計劃,準備招募更多對旅遊業有熱情的市民尤其是年輕人,希望佢哋身體力行做好東道主的角色,同旅客分享各種旅遊主題和知識。
Sebastian去聽了這些義工分享的經驗,發覺原來喺旅發局做義工真係唔係「義工」兩個字咁簡單,佢哋的經歷有趣的一面,也有感人之處。
「旅遊義工」Agnes退休前任職跨國公司管理層。
退休前在一家跨國公司做管理層的Agnes,擔任旅遊義工計劃已經有12年的時間,有什麼令佢印象深刻的經歷呢?Agnes分享話,在2018年的時候,遇到一位英國來的老人家,帶住一家大細同一本相簿,想搵返相片中的景色拍照留念。原來呢一位英國老人家係喺香港出生,5歲時跟隨父母返回英國居住。根據呢位老人家的自白,他對香港的記憶全部來自父母影低嘅相。
收到呢個請求之後,Agnes就一心想幫佢完成這個心願,認真幫老人家研究攝影地點喺邊度。結果就發現,除了一個景點外,其餘全部都對得上,Agnes就教老人家如何去現場影返啲相。佢哋影相時甚至擺出了當年老人家父母的甫士。
因為參加義工計劃不是日日返工,每次服務時長僅需大約3個鐘,Agnes隔幾日才會去到尖沙咀旅遊咨詢中心當值。事件過去後,有天返時時,有旅發局同事搵到Agnes,話英國老人家來告別,留底紀念品俾佢。Agnes打開禮物一睇非常感動,原來係老人家的父母當年喺香港影的舊照片。Agnes覺得呢啲係老人家的獨家回憶,不敢收藏,因為承載咗佢對父母的緬懷。後來先知,原來老人家已將舊相數碼化,送俾Agnes嘅係拷貝,現在存放在旅發局。
Agnes話,每當想起這段回憶,自己能夠幫老人家完成心願,好有滿足感。
退休之前喺跨國企業做管理層的Agnes仲笑言話,做義工工作仲有一個好處,就係佢平時返工工作壓力非常之大,做義工反而係佢緊張的工作生涯找到放鬆自己的一種好方法。
由新加坡回流香港發展的Marco,透過參與「旅遊義工」計劃重新認識香港。
Marco做咗6年的義工,佢係土生土長的香港人,但之前去了新加坡定居工作,但仍然覺為香港「做番啲嘢」,於是加入到義工招募計劃,現在從新加坡回流回香港,更希望通過計劃喺香港服務遊客,將香港的旅遊咨詢同旅客分享。
由於曾在新加坡生活,熟番當地人的生活習慣和語這,在做旅遊義工時,可以運用經驗協助遊客,例如,了解新加坡沒有鵝,只有鴨供應,所以明白新加坡遊客到香港品嘗和購買燒鵝是熱門活動,他就一早了解定向遊客介紹。
做旅遊義工,除了要求兩文三語流利,如果識多一種語言,對工作就更有幫助。Marco就笑言,除了三語,他仲識講新加坡式的英文,咁接待新加坡遊客時,佢就有個人優勢,黎到香港玩的新加坡人亦會覺得有親切感。
最新一期的旅遊義工計劃已開始招募,一直去到5月31日截至。今年成功入圍咗呢個計劃的學員,除咗可以學習多項本地旅遊方面的知識,譬如傳統本地文化、購物、綠色旅遊等等,今年仲邀請到星級導師,教大家點樣做好旅遊使者。
各位如果有興趣都可以試下報名參加計劃,為香港旅遊出一分力,亦都係結識世界唔同地區朋友嘅好好機會。