波叔同實習生逛書展 嘟卡掃碼滿載而歸

香港書展今日煞科，不少市民就把握最後機會入場買書，場館內人頭湧湧，相當熱鬧。波叔今日在Facebook上載影片，原來佢都同兩位實習生去到灣仔會展逛書展。

波叔同實習生逛書展。

一入場，兩位實習生Timmy同Maggie有備而來，要波叔完成咗「快問快答」先。波叔鐘意詩詞定係小說，科幻同埋勵志揀邊個，大家估唔估到？

跟住又係一條IQ題，「如果讀嗮書展入面的書，需要幾耐？」咁多書，兩位實習生唔係玩野嘛？只見波叔不慌不忙又答：「如果係讀『書展』嘅『書』，1秒鐘喇！」睇來要考起波叔，都不是一件容易的事情。

實習生向波叔推介年輕人鐘意的書。

既然係逛書展，兩位實習生就向波叔推介年輕人好有共鳴嘅書。

Maggie首先介紹《公主傳奇》系列，佢話自己細細個嘅時候，同朋友都好鐘意睇，因為入面有有好多想象空間。而Timmy就話，自己鐘意睇科幻多啲。

波叔話自己細個時好鐘意睇武俠小說。

咁波叔讀書時又睇乜書呢？佢透露自己細個時好鐘意睇武俠小說，一睇就追落去，為了避免一直追會花太多時間，只好限定自己一段時間內只可以睇幾多本。

傾談之間，Maggie已經揀到心儀的書，係君比老師的《希望的曙光》，波叔就表示買兩本，一本送俾Maggie，一本留返俾自己了解下年輕人的世界。

嘟卡、掃碼消費幾方便。

隨後三人又去到「零食世界」，近日好落力推動消費券計劃的波叔，亦用八達通、支付寶俾錢買茶包、精品等，滿載而歸。

Sebastian

** 博客文章文責自負,不代表本公司立場 **

財爺陳茂波近期密密落區軟銷消費券，四出幫市民做消費券的登記，再走訪了大大小小的街市、小販排檔、商場、電器舖、茶餐廳、坐電車。

財爺每周日的網誌，顯示佢除了做「鍵盤戰士」，還做埋「街頭大使」。這次先約埋工聯會鄧家彪，一起坐的士入香港仔，在車上跟的哥吹吹水。

財爺和工聯會鄧家彪（左），一起坐的士入香港仔。

的哥話入左行30幾年，的士的生意好唔好，可說是經濟的寒暑表。最近疫情算是受控，整體氣氛好些，生意亦有改善，等待派了消費券，應該更加好。

的哥話最近整體氣氛好些，他也安裝了八達通的收款機。

呢位的哥的車安裝了八達通的收款機，佢話多了乘客想用電子方式俾錢，也的確是方便些的。工聯會為打工仔服務，在運輸業也有唔少會員和老友，波叔與工聯會彪哥一起跟打工仔近距離交流，肯定發揮到一手掌握最實在的民意。

星期六搵節目，波叔究竟坐的士去邊呢？ 原來他從金鐘政府總部坐的士去香港仔，搵自由黨的張宇人飲早茶。波叔昨日已在臉書先行「劇透」出帖文「大叔愛飲茶」，「一壼普洱、兩個大叔、三盅點心，好多街坊」。睇相已感覺到街坊對財爺很友善，睇片就更感受到現場氣氛。

財爺和自由黨的張宇人（左）去飲早茶，同街坊傾偈。

唔少茶客相繼找財爺集郵，更有不少街坊讚賞他的表現，認為消費券計劃發揮了作用，大家開心諗下如何消費，也覺得電子方式俾錢始終是更方便。更搞笑的是不少市民捉住財爺反映大大小小的生活與社會問題。

其實，接地氣的了解市民的心之所想，才能真正的「急市民所急、解民之所困」。與市民多溝通、 多接觸一定是好事。

波叔最近的一連串軟銷消費券動作，隱隱看到一條主線和脈絡，就是和政黨和地區組織合作，這樣的聯手推動消費券的鋪開，令整個計劃的聲勢更有力。涉及七百萬人的計劃、十多萬的商戶、鎖定了四家儲值支付工具的推廣，還有與政黨和地區組織的互動和合作。就單以今天的兩條視頻為例，一個是有工聯會代表，一個是自由黨議員，勞資雙方同時登場。

電子消費券實在是新項目、新模式，是一個挑戰高難度動作的計劃，政府要有有容乃大之心，團結了所有可以團結的力量，自然可以出現和諧感。