政事
CY宣讀最新一份施政報告，無大驚喜，引發話題唔係特別多， 最多係網民講要數數一帶一路「無限loop」， 因為施政報告中提咗一帶一路42次，除咗連繫金融、貿易物流、 交通鐵路，仲包括教育等領域，撥出10億元鼓勵來自一帶一路國家 的學生來香港升學，並且會成立一帶一路督導委員會，CY自己親自主持，並設立一帶一路辦公室。
CY無啦啦提出咁多同「一帶一路」相關的政策，到底「一帶一路」 係啲乜?「一帶」係指絲綢之路的經濟帶，「一路」就係21世紀海 上絲綢之路，包羅咗中國西通歐洲、南下東南亞、南亞的國家。 習大大在前年提出一帶一路， 希望建立中國周邊國家的貿易運輸聯繫新局面，涉及的國家至少65 個，由中亞伸延至歐洲、非洲，總人口44億的貿易版圖， 經濟總量佔全球29%。
唔睇政治考慮，呢個貿易版圖的市場空間的確幾大， 當中商機應該唔少，CY經常話香港係「超級聯繫人」， 除咗政府推動，唔同行業的人士願唔願意研究吓呢？！
Ariel
** 博客文章文責自負,不代表本公司立場 **
李波事件令人扯出另一些港人失踪案，用來相提並論， 其中一單是港商潘維曦夫婦前年被人從香港綁走後，被拉回廣東判監服刑，被視為另一隻內地公安到港拉人的例子。
事件經過大致如此，2013年9月8日，港商潘維曦和妻子陸珈開車回家，在離家門不遠處，被幾個不知明人士綁架，將他們手腳綁起，封埋口， 坐大飛偷渡回內地，押至廣州白雲區一個離公安派出所不遠處扔下。
潘維曦是廣州新中國大廈發展商，該項目後被指非法吸收存款，惹來大量投訴。後來在兩年後即2015年10月， 廣州海珠區中級法院以「非法吸收公眾存款罪、行賄罪」，將潘維曦判監16年半。
但有知情人士道出另一個版本，說潘維曦在廣州以項目吸收存款，大量投資者損手爛腳，怨氣衝天，潘維曦逃回香港避鋒頭，後來懷疑被廣州苦主糾黨來港，將潘維曦綁架送回廣州，一直送到白雲區派出所門外，然後打電話叫公安出來拉人。
潘維曦失踪後其家人報警，香港警察向廣東省公安廳求助，經過週折，查到潘維曦已被廣州市公安局屬下地區的公安拘捕，由於潘維曦是在逃人士，也只能在內地受審服刑。
