退役武警與軍犬離別 狗狗幫忙拎袋好催淚

動物真係有靈性架！最近我一個朋友要飛去外國工作幾年，屋企隻狗好似知道主人要離開咁，坐唔安食唔落。到朋友出發嗰陣，佢隻狗竟然識得幫佢拎袋，行到上車都唔捨得走，場面勁感人。呢幕令我諗起中學時見過一輯相，同大家懷吓舊啦。

呢啲相係2006年11月底影嘅。浙江武警一個支隊嘅警犬訓練員小魯接到退役通知，德國牧羊犬待發」同埋「大海」表現得相當焦躁，胃口又差。到小魯離開當日，小魯搬行李上吉普車時，待發勁懂事拎住幫佢拎袋，仲爬上車好似幫佢整理行裝咁。到架車開動引擘時，兩隻狗狗分別衝到車頂同埋窗前，表現相當不捨。

萌萌動物星球

** 博客文章文責自負,不代表本公司立場 **

最近有組「貓尾」照片喺日本網民間瘋傳。Twitter用戶momodog22話出街食飯時見到隻貓貓，大讚佢坐低時用尾巴卷住前腳個樣真係好可愛，好似手套咁保護可愛貓小手。

網民睇到之後亦有樣學樣，紛紛上傳自家大佬「貓手套」照片。