肥馬要3「純」 唔係膽固醇

肥馬馬時亨走馬上任港鐵主席，聞說他好勤力，上任之初分兩日見了港鐵1000員工，大談管理之道。

佢首先分兩場見港鐵高層管理人員，共有200人， 第二日見800個中層管理人員，見咗咁多人，難免有風聲漏出。 聽講肥馬講到三「純」，此三純不是講三高談膽固醇， 而是講Vision(願景)，Execution（執行力）， Communication(溝通力)。

　　

Vision(願景)應由港鐵董事會定出，講清楚公司今後的方向。Execution（執行力） 主要是中高層辦事的能力，如何把願景實現。 Communication(溝通力)就由上到下都要有，要增加透明度，加強向外解釋，不要左閃右避。

　　

消息人士講溝通力時，提到一個例子，話說去年港鐵討論某份重要報告，當時馬時亨還是董事， 開完會公關人員竟然問肥馬，要不要從後門走？肥馬當然唔制，話咁大件事，要由正面行出去，要同記者解釋，以免引起不必要的誤解。由此可見肥馬的風格極之不同。

　　

港鐵公司過去行事十分專業，但在如今如此政治化的社會，若不積極留意外間反應，並主動出擊去回應，會非常之蝕底。

Ariel

** 博客文章文責自負,不代表本公司立場 **

CY宣讀最新一份施政報告，無大驚喜，引發話題唔係特別多， 最多係網民講要數數一帶一路「無限loop」， 因為施政報告中提咗一帶一路42次，除咗連繫金融、貿易物流、 交通鐵路，仲包括教育等領域，撥出10億元鼓勵來自一帶一路國家 的學生來香港升學，並且會成立一帶一路督導委員會，CY自己親自主持，並設立一帶一路辦公室。

CY無啦啦提出咁多同「一帶一路」相關的政策，到底「一帶一路」 係啲乜?「一帶」係指絲綢之路的經濟帶，「一路」就係21世紀海 上絲綢之路，包羅咗中國西通歐洲、南下東南亞、南亞的國家。 習大大在前年提出一帶一路， 希望建立中國周邊國家的貿易運輸聯繫新局面，涉及的國家至少65 個，由中亞伸延至歐洲、非洲，總人口44億的貿易版圖， 經濟總量佔全球29%。

唔睇政治考慮，呢個貿易版圖的市場空間的確幾大， 當中商機應該唔少，CY經常話香港係「超級聯繫人」， 除咗政府推動，唔同行業的人士願唔願意研究吓呢？！