On仔DJ King藍奕邦搭麗英開騷星期日搞《We are All Living Together》

2022年01月13日 09:22 最後更新：10:36

陣容強大。

TONE Music 將於1月16日(星期日) 籌辦第三次線上串流音樂節《We are All Living Together》。籌備不足48小時已獲12個獨立及主流音樂單位支持，包括以個人身份演出的C AllStar成員陳健安及 DJ King、以獨立品牌身份復出的藍奕邦、自稱全死角美少女的網紅及歌手麗英@小薯茄、有KB李健宏重新歸隊的Hardcore樂隊 King Ly Chee 荔枝王、Rap出港人心聲的 Indie Pop 說唱女歌手 Luna is a Bep、將變幻莫測的爵士樂及流暢動人的流行樂發揮得淋灕盡致的R.O.O.T.、前衛民謠與迷幻電音獨立音樂人陳嘉 CHANKA、單飛再闖樂壇的 Kendy Suen、另類抒情rapper Triple G、電子迷幻樂隊 TYNT及 Progressive Metal樂隊 The Ancient Mental 。

點擊看圖輯

On仔DJ King藍奕邦搭麗英開Show 《We are All Living Together》周日舉行

更多相片

On仔DJ King藍奕邦搭麗英開Show 《We are All Living Together》周日舉行

直播當日可以在 TONE Music TV 的 YouTube 及 Facebook 等頻道收看，以自由定價的形式買飛或課金支持，收益扣除必要支出，全數撥捐 TONE Music Awards 2022 籌辦經費。

開Show時間下午4時30分至晚上11時30分，有多個單位提供直播，分別是:直播平台：TONE Music TV Youtube及Facebook頻道，Youtube同步直播：Happy Kongner，Facebook同步直播：JOOX Hong Kong， KKBOX， MOOV， This Town Need，谷Live

往下看更多文章

陳健安《梨子》收錄亡父23年前珍貴錄音動畫配手寫字MV添人性溫度

唱作歌手陳健安紀念逝世20年的爸爸創作歌曲《梨子》，早前在個人演唱會上首唱，真摯演繹，感動全場。MV日前上架，以動畫配手寫歌詞字幕，片尾一段陳爸爸溫柔地氹小朋友的聲音：「汽水、雪糕，好嘢，拎晒出嚟」更是觸動人心。為找出這段聲音，陳家總動員翻箱倒籠，究竟陳爸爸當年跟誰說話？安仔揭盅：「係家姐大女，爸爸嘅外孫女！」

安仔說：「好記得爸爸鍾意批梨皮一條過唔斷，攞畀我哋睇，呢啲生活情趣。其實我有啲價值觀、行為、生活習慣都來自爸爸，希望可以用『梨子』做引子，分享我傳承自爸爸嘅嘢。」MV以動畫代替真人拍攝，他說：「我唔想太煽情，不如用Animation（動畫）表達。邀請咗DJ阿檸（薛晉寧）畫，佢擅長用木顏色，好靚。而因為歌詞好夠力量，希望焦點放喺文字上，用手寫歌詞，有手寫嘅溫度，我好喜歡！」

《梨子》由安仔作曲，創作旋律時未有題材，但Demo名和內容已有「平平凡凡」元素，去年決定寫爸爸就邀請許弘毅填詞，這是二人首度合作，他聽了安仔分享爸爸生活點滴後寫了《梨子》。安仔說：「佢寫出我講嘅所有故事，當中有爸爸生活哲學，好感動。歌詞看似簡單，但再消化吓就有幾個層次，尤其是Verse（主歌）部份每句七個字，有poetic（詩意）感覺。」

編曲由安仔老best賴映彤（小彤）操刀，並與安仔聯手監製，她說：「大家留意編曲上有遞進嘅感覺，尤其是同陳健安做歌特別著重氛圍。」安仔向小彤發出「3個P」要求：poetic（詩意）、piano（鋼琴）、post rock （後搖滾），及加入仿黑膠碟「炒豆聲」（Vinyl）增添復古感覺。

至於爸爸的聲音，安仔說：「首歌差唔多做完嘅時候，我諗不如加啲爸爸以前嘅聲，就喺屋企群組問，原來家姐以前用DC（數碼相機）拍片再燒成碟收晒喺牀下底，佢摷晒出嚟逐隻睇，再記低幾分幾秒有爸爸把聲，我即晚去家姐屋企攞晒啲碟返嚟再揀。我諗爸爸估唔到自己把聲全世界都聽到，佢好鍾意威，依家好威！」

「嗰段聲係2002年，當時家姐拍緊自己個女，爸爸氹緊佢外孫女。」因為找爸爸的聲音，家族多了一個有趣的親子活動：睇舊碟。安仔說：「家姐嘅大女未睇過自己細個嘅片，細女更加未見過姐姐細個，原來咁得意。一家人睇片好開心，變咗親子活動。我家姐都有拍我中學參加歌唱比賽嘅片，將來可同大家慢慢分享。」

觀看相關影片按連結：https://youtu.be/h6P0rY0go_E

安仔在2023年專輯《Life afteR Life》收錄了媽媽噓寒問暖的WhatsApp 口訊，今次在新歌《梨子》MV尾段加入爸爸的聲音，問安仔未來可繼續為其他家人創作，製成家族系列？他笑說：「可能要出三隻碟，我有六兄弟姊妹，仲有外甥女、侄仔，十幾廿個人，都幾大家族，其實家姐阿哥都好鍾意唱歌，等我諗吓先！」

安仔透露：「我爸爸性格幾唔聽人講嘢、幾任性，我都係。（爸爸係咪浪漫派？）從媽媽口中『你阿爸以前好靚仔』，講嗰時個樣係沾沾自喜。爸爸口甜舌滑，好識氹人，多才多藝，識打功夫、踢波、寫毛筆字好靚，每年都會寫揮春。」他更爆料小時候有一次畫畫功課，爸爸技癢在其水彩畫「海洋世界」用毛筆畫了一隻水墨蝦，非常搞笑。

你或有興趣的文章

On仔DJ King藍奕邦搭麗英開騷星期日搞《We are All Living Together》