Marf音樂節與重型樂隊maniac同台雲浩影將Solo演出打破固有形象

2023年08月18日 13:40 最後更新：13:40

今年《未來音樂祭TONE Music Festival 2023》演出單位陣容頂盛，日前Marf@COLLAR及雲浩影（Cloud）為音樂祭進行海報拍攝。

WeWa信用卡呈獻、TONE Music主辦的《未來音樂祭TONE Music Festival 2023》將於9月30日及10月1日一連兩日假亞洲國際博覽館舉行，作為愛音樂之人最期待的本地音樂盛典，早前大會已公佈購票詳情，經過樂迷一輪撲飛，台前正中MOSH PIT興奮碰撞區的門票隨即以旋風式售罄，其他區域尚餘少量門票，敬請各樂迷從速搶購！

點擊看圖輯

Marf@COLLAR及雲浩影（Cloud）為音樂祭進行海報拍攝。

《未來音樂祭TONE Music Festival 2023》將於9月30日及10月1日一連兩日假亞洲國際博覽館舉行。Marf@COLLAR及雲浩影（Cloud）有份演出

Marf將於音樂祭上與本地獨立重型樂隊maniac首次同台crossover

Cloud自言給人印象比較柔弱，故亦有偷偷睇阿Marf的片偷師，Cloud於音樂祭將會有一部份solo表演，演出將打破固有形象，跟是次海報造型一樣，充滿著未來感又帶點霸氣！

更多相片

Marf@COLLAR及雲浩影（Cloud）為音樂祭進行海報拍攝。

《未來音樂祭TONE Music Festival 2023》將於9月30日及10月1日一連兩日假亞洲國際博覽館舉行。Marf@COLLAR及雲浩影（Cloud）有份演出

Marf將於音樂祭上與本地獨立重型樂隊maniac首次同台crossover

Cloud自言給人印象比較柔弱，故亦有偷偷睇阿Marf的片偷師，Cloud於音樂祭將會有一部份solo表演，演出將打破固有形象，跟是次海報造型一樣，充滿著未來感又帶點霸氣！

今年的音樂祭演出單位陣容頂盛，日前一眾單位陸續為大會宣傳海報進行拍攝，昨日（17/8）由Marf@COLLAR及雲浩影（Cloud）分別為音樂祭進行海報拍攝。兩人分享同是Jay Fung的粉絲，表示對上一次碰頭是在Jay Fung演唱會做席上客欣賞偶像演出，今次兩人於TONE Music Festival海報拍攝再次碰頭已經密密斟，Cloud自言給人印象比較柔弱，故亦有偷偷睇阿Marf的片偷師，Cloud於音樂祭將會有一部份solo表演，演出將打破固有形象，跟是次海報造型一樣，充滿著未來感又帶點霸氣！

而Marf則將於音樂祭上與本地獨立重型樂隊maniac首次同台crossover，Marf表示收到消息後曾擔心大家的風格不同，跟maniac見面後便覺得他們幾位好gentlemen，就像大哥哥一樣，期待屆時擦出另一種火花，表現出另一面的Marf。因是次音樂祭廣及超過30個不同的本地及海外單位，當中海外單位包括韋禮安及安溥等等，Marf感到好興奮，可以跟大家在同一舞台上表演，Marf 謂同場見面say hello就已經好開心了！

往下看更多文章

雲浩影為新碟舉行沉浸式耳機分享音樂之旅通宵影專輯封面穿梭黑暗尋找光影

雲浩影（Cloud）前日（4月22日）推出全新專輯「Silver Lining」，並於晚上在中環PMQ舉行《Cloud's Silver Lining Trip 音樂會》，全場逾300位歌迷席地而坐，透過耳機沉浸式享受Cloud現場演繹新碟內作品和她喜愛的歌曲，展開不一樣音樂之旅。

歌迷一早在場外排隊購買海報和小卡等周邊，然後魚貫入場，坐在地上「小雲朵地氈」，音樂會開始。Cloud拿著在新歌《雪愛》MV中亮相的可愛記事簿登場，簿內記下她的感受和音樂會流程，長裙下的她仙氣滿滿。她演唱《別畏高》和《雪愛》後問歌迷：「你哋緊唔緊張？我好緊張，我係P人嚟架，作為今日導遊，我都替大家緊張！」歌迷一片笑聲。

「以往音樂會上，透過耳機聽我唱歌嘅人只有樂手們，係好親密又好特別，今日你哋都會喺耳機聽到。」Cloud走到觀眾當中演唱《我們還有幾多時間》、《話到口中》和《別怕》。「今次專輯《Silver Lining》來自一句『Every cloud has a silver lining』，意思係即使烏雲都有一條銀色邊，都有一絲光明。」

翻唱薛凱琪的《Better Me》時，Cloud顯得特別感觸，「無論做啱做錯都有佢嘅原因，希望大家好似我咁，每朝早瞓醒都係一個新嘅自己，剛才首《Better Me》有一句好重要，亦係我好想『做一個值得你驕傲的Better Me』。」音樂會尾聲，Cloud說：「呢個屬於你同我嘅moment，我想透過呢首歌話畀大家知『雨後都有彩虹』。」然後她自彈自唱Kacey Musgraves的《Rainbow》。

音樂會後，Cloud接受訪問，她坦言心情緊張過大型演唱會，「一開始我都有啲驚，擔心呢個idea到底work唔work？因為用耳機聽好親密，會聽到好細緻和放大瑕疵。」出場後感受到觀眾的能量和反應才安心，說：「我見到有觀眾流眼淚，真係一個好特別嘅moment。我覺得同大家好close，一開始好緊張，因為大家圍住我，好近，個力量好大，適應之後就能夠好好去enjoy。」

Cloud坦言唱《Better Me》時特別感觸，她說：「平時唱呢首歌都會觸動我，而今次嘅觸動位係『有一天生命老去還好謝謝有你』，我望住咁多人帶住耳機好專心咁聽我唱歌，唔知我嘅歌手生涯會有幾長、有幾遠，但我好多謝曾經喺度支持過我嘅朋友仔。雖然會有完結嘅一日，我會老去，好感謝曾經同大家一齊，有過呢啲moment！」

音樂會上Cloud唱了多首新專輯的作品，唯沒有唱英文歌《Love Me Like That》，是她刻意留作買碟歌迷的專屬驚喜。而灌錄此歌前有個小故事，她說：「呢首歌原自一首韓劇歌，要攞版權，對方想聽吓我唱成點先決定批唔批，作為音樂人，我好明白。所以錄嘅時候都有壓力，驚唔批，即係我唱得唔夠好。嘻嘻，最後批咗，即係可能連原唱Sam Kim都聽過喎，好開心！」

今次專輯Cloud首次通宵拍攝，她說：「專輯概念『Silver Lining』，黑暗與光、光與影嘅關係。好多時候人生嘅ups and downs，經歷過低沉先至會明白開心，同埋好嘅事情係嚟得幾咁難能可貴。所以今次特登喺黑暗中拍攝，希望帶出訊息：『黑暗入邊都有光』。」她穿梭晚上的咖啡店、街道和海邊，捕足美麗的夜景和大自然的晨曦。

晚上如何享受me time？Cloud表示：「夜晚嘅我鍾意睇電話同埋浸腳，用啲中藥包煲水嚟浸腳，聽歌攞靈感，有時夜晚寫歌都幾有feel，當然仲有瞓覺啦！有時日頭開始寫歌填詞，埋尾錄埋好多時已經深夜，所以我覺得深夜同音樂人有好大關連。」其中新歌《別怕》由她親自作曲填詞並在深夜錄音，她說：「呢首歌以第三身嘅角度去鼓勵自己『唔好驚』，因為我好多時候都會自己同自己講嘢，所以想用第三身嘅角度去寫呢首歌。」