陳健安推概念專輯《Life afteR Life》 反覆經歷印證生命與生活

陳健安拍攝封面的戰衣由造型師花了逾百片布親手縫製，足足15磅重，他指造型好似一本書，「比喻我有內涵和層次！」

唱作歌手陳健安（安仔）全新專輯《Life afteR Life》昨日（12月11日）面世，對概念專輯模式情有獨鍾的他，今次以「Life」為主題，是他出道以來首張概念大碟，收錄13節曲目。碟內每一首歌曲、歌詞，以至歌曲在唱片的出場次序都經過安仔悉心編排，唱片封面亦以一層叠一層的設計，比喻人生由不同經歷累積而成，所以就連他身上的造型亦貫徹概念。造型師花了逾百片布親手縫製，足足15磅重，難得安仔穿上身仍輕鬆笑說：「好似一本書，比喻我有內涵和層次！」

陳健安的全新專輯《Life afteR Life》面世。

拍攝封面的戰衣由造型師花了逾百片布親手縫製，足足15磅重。

影樓內的安仔好風騷，穿著厚厚的上衣仍然跳跳紮。他說：「好開心，今日要影我第三張個人專輯嘅封面，今次都係Concept Album（概念專輯），而且有十幾tracks（曲目）嘅大碟，係我出道以來收錄最多歌曲嘅專輯。碟名《Life afteR Life》，有兩個意思，『Life』解作『生命』又可以係『生活』，『after Life』可以解讀『死後』。而關於『死』，大家可以有唔同嘅解讀，除咗以物理學解釋嘅『死亡』，即係生命無咗之外，其實我哋生活上開口埋口都會話『死啦，聽日要做咩？』或者『死啦，我失戀啦！』，各種生活上好多唔同嘅『死亡』，大家各自解讀。最重要係經歷唔同嘅事件、面對唔同嘅死亡之後，究竟依家嘅自己變成點？依家嘅價值觀係點樣？對待別人嘅行為有咩唔同呢？就係呢張唱片同大家討論嘅概念。」

安仔指今次概念專輯是他出道以來收錄最多歌曲嘅專輯。

嘅專輯《Life afteR Life》，有兩個意思，「Life」解作「生命」又可以係「生活」，「after Life」可以解讀「死後」。

安仔新專輯創作團隊都是合作無間的好拍檔，「歌詞主要由Oscar負責，我哋平時合作方式一樣，我會諗一啲concept（意念），然後佢就喺我嘅諗法變成歌詞；音樂方面主要由我同賴映彤（小彤）負責，同埋擔任整張碟嘅監製。」而專輯的封面層層叠的設計，安仔解說：「今次專輯無論歌曲創作、編排，甚至封面設計都貫徹『痕跡叠痕跡』嘅主題，人生就係由好多經歷不斷重叠而成，例如我身上嘅服裝，由好多塊布一塊叠一塊而成，造型師創作，好多層布叠成，人生嘅經歷不斷重叠，就好似我身上呢件衫咁樣，睇落好似一本書，比喻我個人都好有內涵同埋層次。（重嗎？）唔係好重，但有少少Hot（熱）！」

安仔今次新專輯創作團隊都是合作無間的好拍檔。

安仔指今次專輯無論歌曲創作、編排，甚至封面設計都貫徹「痕跡叠痕跡」的主題，因為人生就是由好多經歷不斷重叠而成。

此外，昨日新碟首日面世，安仔一早返公司埋頭苦幹簽唱片，送給創作團隊台前幕後，近一百張唱片他都認真簽名和寫感謝說話。然後到旺角兩間唱片店買碟「攞頭彩」，腳傷的他撐著拐杖到達，Fans嚴陣以待替他開路，他亦有求必應為買碟Fans合照留念。其中一間店老闆，更拿出兩張安仔之前推出的EP珍藏給他簽名，安仔自爆讀書時常拜托老闆留唱片，是老客戶。

新碟面世當日，安仔一早返公司埋頭苦幹簽唱片。

認真簽了近一百張唱片。

又去到旺角兩間唱片店買碟「攞頭彩」。

有求必應為買碟Fans合照留念。

其中一間唱片店老闆，更拿出兩張安仔之前推出的EP珍藏給他簽名。

陳健安的歌迷會「本原族」與樂隊Nowhere Boys的歌迷會「Nowhere Boys & Girls」，日前在大埔的燒烤場舉行「2026圍爐BBQ暨Fans Gathering」，這是第二次聯合party，他們與本地及世界各地過百Fans玩遊戲、抽獎和燒雞翼比賽。去年Nowhere Boys主音Van全程煮私房菜給Fans，今年放下鑊鏟，專心享受被Fans餵食。當眾人專心BBQ時，安仔突然驚喜宣布《流星劃過富士山》演唱會版MV 在YouTube首播，全場尖叫並一同倒數，欣賞自己與安仔在片中大銀幕出現的美好回憶。安仔更即興伴唱走勻全場握手，連場外客人亦變成Fans，一起揮手吶喊，彷彿「穿越」年初演唱會現場，非常熱鬧。

陳健安的歌迷會「本原族」與Nowhere Boys的歌迷會「Nowhere Boys & Girls」，日前在大埔燒烤場舉行第二次聯合BBQ派對，過百粉絲參與。

眾人玩遊戲、抽獎、燒雞翼比賽，氣氛熱鬧。

安仔說：「今日真係好開心，見到有啲Fans第一次嚟，同唔相識嘅圍埋一爐，眼神尷尷尬尬。」他喜見Fans之間建立友誼，相約食飯、唱K、搞應援。其中有一枱Fans因為安仔新歌《梨子》製作梨子頭飾，安仔亦玩埋一份。他說：「好開心因為我哋嘅音樂，令佢哋連埋一齊。」Van說：「因為佢哋鍾意我哋嘅音樂，都係同一個energy 。上年聚會我掛住專心煮嘢畀大家食，同Fans之間隔住幾個煲，無機會傾偈。今年我決定打破隔膜，唔煮嘢食，逐張枱坐埋去同Fans傾偈、一齊BBQ，感覺好溫暖，好開心！最神奇係作為樂隊，Fans通常嚟睇我哋開騷唱歌，但今日冇表演只有BBQ，佢哋都肯嚟一齊玩，我哋關係已經變成朋友！」

安仔突然驚喜宣布《流星劃過富士山》演唱會版MV在YouTube首播，全場倒數尖叫。

他更即興伴唱走勻全場握手，連場外客人也變成粉絲，彷彿重現年初演唱會現場。

安仔悉心安排這晚在YouTube 首播演唱會版《流星劃過富士山》，因為片中的演唱會舞台上大銀幕，播放大量他和fans的合照，與BBQ現場氣氛互相呼應。他說：「呢首歌係我翻唱少爺占隊band『YEAHS』嘅作品，係講人與人之間嘅緣份，好難先至會遇上，好似我同你哋或者同歌迷之間，經歷過好多嘢至會遇到。咁啱今日BBQ現場音響又播到，支咪又幾好聲，我喺上面疊住唱，突然變咗演唱會咁，氣氛非常好。」Van表示希望舉辦郊野音樂會，與Fans一齊露營，由夜晚玩到天光。

Nowhere Boys主音Van今年放下鑊鏟，逐枱與粉絲傾偈BBQ，感覺溫暖。

安仔感動表示：「好開心因為我哋嘅音樂，令佢哋連埋一齊。」

鼓手Nate今年第一次參與BBQ聚會，被發現捧住一大疊格仔餅密密燒，原來他誤食fans的格仔餅，所以親手燒去氹fans作為補償，果然寵粉。而低音結他手Hansun自爆鍾情「獨食」，說：「平時我真係好鍾意一個人打邊爐同埋燒肉，如果見到我一個人出沒呢啲餐廳，唔需要驚訝！不過今日咁多人一齊BBQ好開心、好溫暖，我個心都融化咗，人係要有啲群體活動。」琴鍵手漁佬笑言：「夾咗咁多年band，我都係啱啱先知Hansun鍾意一個人打邊爐。」至於結他手Ken是素食者，Fans擔心他不夠飽，不停為他煮各色各樣蔬菜，令他感到好幸福。