陳健安出道15年圓夢開個唱 喊足分半鐘興奮高呼：終於等到呢日！

唱作歌手陳健安出道15年，首個個人實體演唱會《Live afteR Life 陳健安2024演唱會》，一連四場，昨晚（2月29日）於旺角麥花臣場館開鑼。全場爆滿，反應熱烈，兩度encore。安仔的媽媽、C AllStar好兄弟Jase、好友馮允謙（Jay Fung）、雲浩影、江𤒹生（AK）、梁祖堯、湯駿業、903DJ少爺占，以及安仔在「全民造星V」的囝囝符紀男（Tiger Foo）和魏念恩（Nathan）等到場支持，與全場觀眾一齊站起來跳舞和大合唱，非常投入。

首個個人實體演唱會《Live afteR Life 陳健安2024演唱會》，一連四場

與全場觀眾一齊站起來跳舞和大合唱，非常投入

昨晚安仔演唱會準時八時開場，他穿上本地時裝設計師Gnastiy.com作品，以「小王子」造型出場，演唱《告別的藝術》、《愛的一種練習》和《一吻穿越四十六億歲 》為演唱會揭開序幕。除了唱歌，安仔還表演電結他、木結他和鋼琴自彈自唱。銀幕播放他18年前參加學界歌唱比賽片段，當時他以陳奕迅《反高潮》參賽，然後他在台上彈琴唱出《反高潮》和《不知不覺已大個》，他笑說：「俾多啲掌聲啦，我練咗個半月啦！」雖然安仔腳傷未癒，但無阻他興奮心情，與表演嘉賓廖穎琛（iii）合唱《星空》 和《雷公》時，圍住對方轉圈跑，跳跳紮。而另一表演嘉賓，亦是今次演唱會和音團隊成員、女子唱作組合「雷同二人」的謝芊彤，她演唱《等多一天》，非常悅耳。

大合照

安仔原定四年前舉行首次個唱，因疫情改為網上音樂會，終於今年成功踏上實體個唱舞台，他全晚都很開心和興奮，尤其當全場觀眾站起來、開手機燈海大合唱《未知道》前奏部份，安仔非常感動，說：「終於等到呢日啦，我幻想咗好耐！」接近尾聲唱《好好掛住》時，他唱到一半開始強忍眼淚，唱完即爆喊，俯身抽搐哭泣分半鐘，眼淚更滴到台上地板，觀眾亦以分半鐘掌聲支持。抺去臉上的眼淚，還乖乖抹埋地板上的眼淚，他平伏心情後再展笑容，高呼：「好正呀！多謝你哋，嘩，正呀！」然後吶喊十幾秒，再起哄全場一齊吶喊，場面震憾。

演唱會相片

演唱會相片

演唱會相片

演唱會相片

演唱會相片

致謝環節，安仔率領全場歡呼多謝唱片公司「寰亞音樂」，他問：「下次開大啲嘅場，好嗎？」全場叫「好」，他再問：「邊度好呀？」全場大叫「紅館」，他哈哈笑說：「我諗寰亞收到架啦！我知好多人今次都買唔到飛。」最重要當然要多謝媽媽，安仔展示手上LSK紋身說：「多謝阿媽，LSK係我媽媽英文名縮寫！」然後連環飛吻。

演唱會相片

演唱會相片

演唱會相片

演唱會相片

演唱會相片

安仔唱完最後一首歌《約定的夢幻島》後與樂手鞠躬謝幕，人還未落台，觀眾已起哄大叫encore，他即興唱生日歌，期間問台下誰人生日，Jay Fung舉手，安仔笑指他上星期已過生日，但都點名祝福他。之後安仔落台，但觀眾不肯散場，大叫encore，他再度上台清唱一段《在錯誤的宇宙尋找愛》，笑言好攰還有三晚演出，「命令」歌迷離場去買光紀念品，不讓之後場數的觀眾買到，非常搞笑。

一度落淚

一度落淚

陳健安的歌迷會「本原族」與樂隊Nowhere Boys的歌迷會「Nowhere Boys & Girls」，日前在大埔的燒烤場舉行「2026圍爐BBQ暨Fans Gathering」，這是第二次聯合party，他們與本地及世界各地過百Fans玩遊戲、抽獎和燒雞翼比賽。去年Nowhere Boys主音Van全程煮私房菜給Fans，今年放下鑊鏟，專心享受被Fans餵食。當眾人專心BBQ時，安仔突然驚喜宣布《流星劃過富士山》演唱會版MV 在YouTube首播，全場尖叫並一同倒數，欣賞自己與安仔在片中大銀幕出現的美好回憶。安仔更即興伴唱走勻全場握手，連場外客人亦變成Fans，一起揮手吶喊，彷彿「穿越」年初演唱會現場，非常熱鬧。

陳健安的歌迷會「本原族」與Nowhere Boys的歌迷會「Nowhere Boys & Girls」，日前在大埔燒烤場舉行第二次聯合BBQ派對，過百粉絲參與。

眾人玩遊戲、抽獎、燒雞翼比賽，氣氛熱鬧。

安仔說：「今日真係好開心，見到有啲Fans第一次嚟，同唔相識嘅圍埋一爐，眼神尷尷尬尬。」他喜見Fans之間建立友誼，相約食飯、唱K、搞應援。其中有一枱Fans因為安仔新歌《梨子》製作梨子頭飾，安仔亦玩埋一份。他說：「好開心因為我哋嘅音樂，令佢哋連埋一齊。」Van說：「因為佢哋鍾意我哋嘅音樂，都係同一個energy 。上年聚會我掛住專心煮嘢畀大家食，同Fans之間隔住幾個煲，無機會傾偈。今年我決定打破隔膜，唔煮嘢食，逐張枱坐埋去同Fans傾偈、一齊BBQ，感覺好溫暖，好開心！最神奇係作為樂隊，Fans通常嚟睇我哋開騷唱歌，但今日冇表演只有BBQ，佢哋都肯嚟一齊玩，我哋關係已經變成朋友！」

安仔突然驚喜宣布《流星劃過富士山》演唱會版MV在YouTube首播，全場倒數尖叫。

他更即興伴唱走勻全場握手，連場外客人也變成粉絲，彷彿重現年初演唱會現場。

安仔悉心安排這晚在YouTube 首播演唱會版《流星劃過富士山》，因為片中的演唱會舞台上大銀幕，播放大量他和fans的合照，與BBQ現場氣氛互相呼應。他說：「呢首歌係我翻唱少爺占隊band『YEAHS』嘅作品，係講人與人之間嘅緣份，好難先至會遇上，好似我同你哋或者同歌迷之間，經歷過好多嘢至會遇到。咁啱今日BBQ現場音響又播到，支咪又幾好聲，我喺上面疊住唱，突然變咗演唱會咁，氣氛非常好。」Van表示希望舉辦郊野音樂會，與Fans一齊露營，由夜晚玩到天光。

Nowhere Boys主音Van今年放下鑊鏟，逐枱與粉絲傾偈BBQ，感覺溫暖。

安仔感動表示：「好開心因為我哋嘅音樂，令佢哋連埋一齊。」

鼓手Nate今年第一次參與BBQ聚會，被發現捧住一大疊格仔餅密密燒，原來他誤食fans的格仔餅，所以親手燒去氹fans作為補償，果然寵粉。而低音結他手Hansun自爆鍾情「獨食」，說：「平時我真係好鍾意一個人打邊爐同埋燒肉，如果見到我一個人出沒呢啲餐廳，唔需要驚訝！不過今日咁多人一齊BBQ好開心、好溫暖，我個心都融化咗，人係要有啲群體活動。」琴鍵手漁佬笑言：「夾咗咁多年band，我都係啱啱先知Hansun鍾意一個人打邊爐。」至於結他手Ken是素食者，Fans擔心他不夠飽，不停為他煮各色各樣蔬菜，令他感到好幸福。