美國聯儲局開完會，9月又無加息，暗示12月會加息。有有老友係大散戶，投資組合總值過千萬，買股票30年，都唔識點應對而家咁古怪嘅情況。
佢話去年年尾聯儲局預計今年會加3次利息，結果如果12月加到息，只係加1次息，同預期有極大差距。依家估明年會加兩次息，問題係加唔加到呢？
我話如今普遍嘅現象係央行失效，過去8年不斷放水，但全球經濟並冇回復正常，通縮危機揮之不去，所以美國想加息亦加唔到，日本仲要繼續無限量寬，由於過去日本央行搞到利率曲線太平坦，長息同短息都低，而家想托高長債利息，希望佢咁樣可以刺激返投資，不過都唔係咁多人睇好日本央行可以成功刺激經濟。
朋友就問我央行失效嘅後果係點？我第一就係環球經濟可能最終仍步向衰退。第二係央行只能夠繼續寬鬆，加息會比預期少。兩件事加埋短期而言，會托高資產價格，但長遠來講，虛高的資產價格並無實質嘅經濟增長支撐，長線難免下插。
在這種環境下，短線而言，投資方向仍然是趁低吸納房托股那類高息產品。至於中線，就要買入黃金避險，等黃金調整時候吸納，例如去到11月加息預期升溫的時候，美元可能較強，黃金就會尋底，就係上佳嘅吸納時機。
7月8日黃金見1366美元這個高位後，三次試過1316，1312，1310美元三個低位，現價1345美元，我覺得再回到1313這些水平附近，下調空間有限，就係吸納的時機。
無論如何央行失效，銀紙唔值錢，就係黃金有價值的時候。
陸羽仁
** 博客文章文責自負,不代表本公司立場 **
韓國三星部Note 7手機唔知係唔係改壞名，電池爆炸，搞到變成大殺傷力武器，唔可以帶上飛機，仲俾網民惡搞可以攞去打刧。
三星知道蘋果9月會iPhone 7，就搶先在8月推機，點知截胡不成，食咗一舖會爆炸的炸糊，搞到幾重傷。幾日之間，三星股價已跌了6%。呢一輪蘋果鬥三星， 三星又輸一局。
蘋果機係自成一國的系統，自教主布斯過世之後，一度令人擔心繼任者庫克玩唔到落去，但搞搞吓又死唔去。過去一年蘋果股價一個U型咁樣，慢慢炒番上嚟，而中國市場好受落 iPhone 6系列，亦係蘋果起死回生的原因之一。
三星手機用Google 的Android系統，這是一個開放平台，同系統的手機競爭激烈，好多手機千幾二千元已經又平又靚，三星已經做得很好。三星去年第一季業績一度倒退，但後來追番上去來，結果去年全年經營溢利為26.4萬億韓元( 1822億港元)，較2014年增5.6%。三星今年初發出盈利預警，表示IT行業整體走軟，今年盈利將遜去年。
但三星今年第二季業績亮麗，三星電子28日發佈業績報告，最終核實公司2016年第二季經營溢利為8.14萬億韓元( 562億港元)，和去年同期相比增長18%，和第二季環比增長2 2%，超出市場預期，這是三星單季營業利潤繼2014年第一季度 （8.49萬億韓元，586億港元）後再次突破8萬億關口， 遠超此前的市場預期7.38萬億韓元(524億港元)。令市場對 三星滿有希望，股價亦和良好第二季業績同步向上，點知就來個最爆的手機Note 7，恐必三星股價仲有排衰。
你可能會問，無論三星或蘋果的股票，都不是在香港上市，他們的好壞和我們買股有何關係？我覺得要記最買科技股或電子消費股的教訓，他們要不斷用新產品打市場，新技術不斷出現，若它們駕御得不好，就會被人顛覆。
大家還記不記得諾基亞？2001年諾基亞市值顛峰時逼近2500億美元，世界第三。2008年，就是iPhone智能手機推出市場開始顛覆世界的那一年 ，諾基亞售出4.68億部手機，全球手機市佔率仍然高達39％，可以話是一機獨大。諾基亞最高曾佔其所在國芬蘭4％的GDP，2 5％的出口，全球員工12萬人，只是芬蘭就有2.5萬名，有直通諾基亞公司的火車專列。諾基亞只打輸了智能手機一場仗，公司就急促衰落，最後手機部門賣給微軟，如今已沒沒無聞。
今天我們看到騰訊(0700)股價如日方中 媒體追訪在它上市時已買入的股東，這些新聞睇落有趣， 但沒有太多現實意義，它會鼓吹一種「一注獨贏」的感覺，令人覺得買中一隻發達股，就可以一世無憂，現實卻並不一樣，事後孔明當然知道那一隻是發達股，但如諾基亞那樣，世界變得太快，發達股也可以變破產股。應對之策要分散投資，不要一注獨贏，買3隻你心中想像的發達股，好過只買一隻， 而且要常常留意發達股的行業變化。
當傳媒日日追騰訊上市時已買落的股東，點解唔去追下2000年買 了電盈(0008)的股東？輸光的人，通常比發達的多，但股民喜看發達故事，忘記了一仗功成萬骨枯的教訓。
