《天生我才達人秀》 18 位入圍者出爐 盧冠廷李幸倪劉天蘭全面訓練年輕新秀

18位入圍新秀已出爐！

由明愛之友主辦、香港明愛青少年及社區服務協辦、瑞華行贊助及爆炸戲棚娛樂製作的《天生我才達人秀》，早前經過海選，並由大會藝術總監、導演及監製陳恩碩最後甄選出18位入圍新秀。

李幸倪

陳恩碩

劉天蘭

盧冠廷

18位入圍者會接受星級大師班培訓，包括由資深音樂人盧冠廷教授作曲及編曲技巧、人氣歌手李幸倪傳授歌唱及舞台演繹技巧，並由著名形象設計師劉天蘭分享形象建立及管理的經驗和心得，幫助他們全面提升演出水平及建立鮮明的個人風格，參加於 11 月 8 日晚上取址中環堅道香港天主教聖母無原罪主教座堂前戶外空間舉行的《天生我才達人秀》大型匯演，與多位著名演藝界人士同台演出。

《天生我才達人秀》

一眾入圍者來自不同背景，各具個人特質與專長，卻擁有同一個夢想——希望在舞台上發揮所長。18位入圍者包括董柏宏、房翰杰、布子殷、李偉裕、譚家熙、陳頌莜、尹皓添、李沛穎、蔡明志、梁韻怡、徐惠晴、鄭希桐、陳俊逸、陳維峻、鄺國昇、吳卓霖、林安晴、陸景臻。

尹皓添

布子殷

吳卓霖

李沛穎

李偉裕

房翰杰

林安晴

徐惠晴

梁韻怡

陳俊逸

陳頌莜

陳維峻

陸景臻

董柏宏

蔡明志

鄭希桐

鄺國昇

譚家熙

《天生我才達人秀》為他們提供免費培訓，接受殿堂級導師的專業指導，突破自我，去蕪存菁，精益求精，是一次可遇而不可求的經驗。18 位入圍新秀現正接受如火如荼的訓練，期望以令人耳目一新的演出，在大型舞台上與觀眾見面。

Gin Lee李幸倪YouTube節目《Miss Gin》今次第八集請來著名音樂監製徐浩（Terry）做嘉賓，二人大爆錄音室內的奇人奇事、歌手的「古怪僻好」。徐浩更直言「曲、詞、編、監」當中的「監」，說到尾原來是「打雜」？

觀看相關影片按連結：https://youtu.be/GSjQxVtSee0

Gin指不少歌迷經常聽見歌手多謝「曲、詞、編、監」，但監製究竟做啲乜？今次她便找來Terry解說。他形容監製似一個「全能大管家」，由跟歌手傾偈定方向、找人編曲、錄音到後期製作，全部一腳踢。他透露自己最初都是歌手出身，之後轉做幕後，一開始都是由低做起，幫手剪和音、沖咖啡、甚至倒車都做過，這都是為了在旁邊偷師，觀眾前輩如何跟同歌手及樂手溝通。

Gin Lee YouTube節目《Miss Gin》請來著名音樂監製徐浩做嘉賓。

Gin問到錄音最棘手的事，Terry謂最怕矻手咬字有問題，Gin大表認同。Terry指現今科技先進，音準及拍子通通可以靠後期電腦逐個音Tune好，唯獨「咬字」！「遇到咁嘅情況，就要開住份歌詞，逐個字同歌手解釋同練習，因為好多時歌手自己根本聽唔出有問題。」

影片截圖

影片截圖

影片截圖

徐浩又爆料話，錄音前「食嘢」同「叫外賣」這個環節極度重要，尤其是跟第一次合作的歌手，他會透過一起食飯傾偈，了解對方性格，建立信任，笑言這個步驟隨時緊要過錄音本身。說到嗌外賣，Gin就忍不住自爆新人時期的笑料，「我開頭唔知呢樣嘢，點解會食飯呢？呢個時間唔係要錄音嘅咩？做新人嘅時候好緊張，prep足成個禮拜，每一日一起身就唱唱唱，好ready啦。好！四點錄音吖嘛，我諗住一去到錄音室就唱，去到監製就同我講：『點啊？食嘢未啊？嗌啲嘢食先啦』哈哈。我就……『都好呀。』之後先知其實係透過一個食嘢嘅環節去了解歌手嘅特質、性格等等，然後就會令之後嘅錄音程序更加暢順。」

影片截圖

講到歌手錄音時的奇特癖好，Terry就話自己算好彩，未遇過太古怪的Case，最多都是見過有人點蠟燭、噴香水營造氣氛。Gin一聽到「點蠟燭」便勁surprise，「因為我聽過祖兒嘅故事，佢話佢以前錄音嘅時候，要唱一首可能好emo嘅歌，佢就點晒蠟燭，跟住呢越唱越暈，原來缺氧！ 所以我好記得呢個故事，哈哈！」除了點蠟燭， Terry透露有歌手很怕跟人有Eye Contact，因為錄音室與控制室之間通常只隔住一塊大玻璃，有歌手會怕被人看到他唱歌時的樣子，Gin表示認同，「我又明嘅，其實你入咗自己嘅世界，想去投入，可能都已經冇表情管理㗎啦。」

影片截圖

影片截圖

影片截圖

影片截圖

不過講到最影響歌手跟監製，Terry坦言錄音時有人站在他後面！「因為歌手喺嗰個咁赤裸嘅時間，如果後面坐一班人，係好影響佢。所以我都係，尤其是錄一啲比較 emo嘅歌嘅時候，我就會盡量只係得我同個歌手喺度。我就會請其他嘅同事、even我自己嘅assistant，我都會請佢哋出去。」Gin聽完即刻和應，「我都有同感。因為有時你唱某啲歌，你真係會覺得自己係全部攤晒出嚟俾人睇。所以如果喺呢個 moment 后面有人傾偈，你就會突然間出戲。 」

最後去到場外提問環節，現場拍攝團隊問到Terry：「你有冇睇過《金枝玉葉》？」Terry不以為意答道：「有呀有啊呀。」然後拍攝團隊再說：「監製通常後尾都同歌手發展出戀情⋯⋯」Gin立即大笑，這時Terry才恍然大悟（其太太是歌手曾樂彤），更忍不住掩咀笑起上來，大讚提問厲害，「呢個幾勁喎、呢個幾勁喎！」這時Gin「加一把勁」，「呢個真人真事喎。」Terry尷尬地說：「都唔一定嘅，有啲咁嘅事發生嘅間唔中都，我亦都唔係唯一一個嘅，緣份嘅嘢好難講嘅，就咁啦，下次見。」