社會事
憑開心果糯米糍風靡港人的荃灣民豐粉麵行，最近登陸南昌V Walk開設為期4個月期間限定店，限定店都有發售超人氣糯米糍及寧波湯圓。
糯米糍加入豬油製作 素食人士要注意
期間限定店不賣水餃及雲吞，專門供應盒裝限定口味糯米糍，包括開心果、芝麻及榛子/杏仁口味，1盒6粒，售價為70元，3款口味各2粒，不設散裝。另外，糯米糍加入了豬油製作，素食人士要注意。同場亦有售賣寧波湯圓，售價為38元，暫時有芝麻、花生、桂花紅豆3款口味，店方透露口味會不斷更新。糯米糍於荃灣製作再運到V Walk期間限定店，每日約限量供應100盒，每人限買2盒。
FB圖片
FB圖片
網民：排隊人龍不及荃灣總店
有網民慨嘆開檔45分鐘，糯米糍已經售罄，感到失望。又有網民表示排隊等候的人龍遠遠不及荃灣總店，更有網民笑說「去荃灣間舖，見到條龍真是(民豐)聞風喪膽。」
位於荃灣的民豐粉麵行總店。（FB）
近日一張高達逾8萬蚊的天價下午茶賬單掀網絡熱議。有食客分享在新蒲崗一間茶餐廳用膳後，收到一張近九萬元的驚人賬單，經查詢後發現，原來是店員落單時輸入錯誤所致。
新蒲崗茶餐廳現近9萬天價賬單，店員落單誤輸入1533份牛腩飯。資料圖片
食客食下午茶收驚人天價賬單
事主在社交平台Threads發文表示，「吃下午茶……睇見張單，俾佢嚇死，成10萬蚊……問下姐姐，當然係佢哋搞錯啦」。店員得悉後隨即到收銀處查看，最終更正了賬單金額。事主寫道：「最後更正張單，只是126蚊咋」。
新蒲崗茶餐廳現近9萬天價賬單，店員落單誤輸入1533份牛腩飯。資料圖片
2份茶餐高達逾8萬
從上載的照片可見，單據上記錄了兩份茶餐，包括椰香咖喱牛筋腩飯、鐵板黑椒牛柳絲炒麵、凍檸茶及凍鴛鴦。當中椰香咖喱牛筋腩飯的價錢竟高達88914元，令整張賬單總額達88980元。
新蒲崗茶餐廳現近9萬天價賬單，店員落單誤輸入1533份牛腩飯。資料圖片
原來是數量出錯 正確金額僅126蚊
細看賬單，問題在於店員將一份牛筋腩飯的數量，錯誤輸入為1533份。事主其後也正確計算出實際費用：「鐵板牛柳絲炒麵同咖哩牛筋腩飯一樣價錢60蚊x2，凍飲加3蚊x2，總數係120蚊加6蚊=126蚊」。
新蒲崗茶餐廳現近9萬天價賬單，店員落單誤輸入1533份牛腩飯。Threads圖片
離奇事件引來網民爆笑留言
此事在網上引起不少迴響，網民紛紛幽默留言。有人戲言「成隻牛上，都唔使咁多錢」、「鋪金箔食都唔使咁貴」，亦有網民笑指「8萬8一碟飯好意頭吖！」。
對於誇張的份量，網民則稱「食咗千幾個咖哩飯，仲瘋狂過印度人」、「你一個晏晝食咗人哋成年嘅咖喱牛筋腩飯，健力士一定要頒獎畀你」。
