TVB頒獎典禮2024｜張振朗今年封大利是分享雙料視帝喜悅 龔嘉欣感謝好友支持會繼續努力

嘉欣表示其實都好多謝每一位投票給自己的觀眾同朋友。

無綫一年一度盛事《萬千星輝頒獎典禮2024》於今晚（1月19日）假澳門上葡京綜合度假村—上葡京綜藝館舉行。視帝及視后分別由張振朗及龔嘉欣奪得！張振朗再下一城成雙料視帝，他透露其實同自己講左唔可以再喊，但呢件事實在過於驚喜，真係忍唔住：「其實真係好開心啦，經歷咗咁多年，一次過有兩個獎，我係好多謝每一個為我投票的人。」龔嘉欣表示其實自己完全冇諗過會係自己得獎：「聽到頒獎嘉賓話有驚喜，不過都冇諗太多，本身入五強已經好開心，攞到呢個獎嘅時候心真係跳的好快！不過最開心真係唔係自己得獎，而係代表到《企業強人》呢個咁好嘅團隊去攞到呢個最佳女主角！」

視帝及視后分別由張振朗及龔嘉欣奪得！（本網記者攝）

（本網記者攝）

張振朗得獎過於驚喜忍唔住爆哭（本網記者攝）

多謝每一個投票的人（本網記者攝）

龔嘉欣表示其實自己完全冇諗過會係自己得獎（本網記者攝）

嘉欣在得獎時提及多位圈中好友，她直言其實佢哋都冇睏覺一直都通緊message：「我覺得係好難得嘅，我哋係好錫對方，好錫對方（陳凱琳）嘅仔，好錫Zoie（譚凱琪）嘅女，好似自己嘅仔女咁，係呢一行好難搵到咁樣只想對方好嘅朋友。」張振朗及龔嘉欣兩人第一次攞男女主角獎也是一齊攞，因此今次可以再次一齊攞獎真係好有緣分。嘉欣覺得兩人經歷都好相似：「今年係我喺公司嘅第16年，我會覺得自己以前喺公司好冇自信，慢慢拍劇累計經驗，身邊都有好多人會幫助自己，依家更加有自信，不過都會同自己講嚟緊唔可以俾自己停落嚟，俾大家睇到我一路進步落去！」

嘉欣在得獎時提及多位圈中好友，她直言其實佢哋都冇睏覺一直都通緊message（本網記者攝）

張振朗及龔嘉欣兩人第一次攞男女主角獎也是一齊攞，因此今次可以再次一齊攞獎真係好有緣分。（本網記者攝）

本網記者攝

本網記者攝

今次爆冷攞視后，嘉欣表示其實都好多謝每一位投票給自己的觀眾同朋友：「我覺得自己已經係好滿足，嚟緊我會繼續用我嘅作品，俾大家聽我有幾咁熱愛演戲！」嘉欣在台上感謝珍姐的時候，珍姐也眼濕濕，嘉欣表示：「我講嘅全部都係發自內心的說話，咁我會覺得喺一間公司入邊遇到一個咁好嘅上司，咁好嘅長輩，咁樣去幫助自己！我同佢之間，佢淨係會話俾我聽，我演戲上邊有咩不足的問題，私底下亦都會教我好多做人嘅道理。」更透露珍姐煮咗啲辣嘢給她，非常好食。

本網記者攝

本網記者攝

本網記者攝

本網記者攝

本網記者攝

嘉欣表示就到新年會同幫助過自己的朋友簡簡單單食餐飯，會去銀行「唱錢」封返大利是！張振朗直言都會去唱多幾次，將開心同大家分享！透露想今年同屋企人去旅行慶祝，希望可以去一兩個星期。

本網記者攝

無綫集團綜藝節目《試真D》第一季播出後反應熱烈、引爆正評及迴響，成為TVB王牌綜藝節目！全新一季《中信銀行（國際） Motion$呈獻：試真D唷》載譽歸來，將由9月6日起，一共10集逢星期日晚上8點翡翠台播映。

《試真D》系列載譽歸來喇。

「小強出沒注意」的劣評如潮平價燒肉老店。

新一輯《試真D唷》主持陣容除有第一季班底江美儀、朱敏瀚、吳業坤及曾展望GM，還有新加盟的視帝張振朗，五人將貫徹首季輕鬆搞笑，兼有話直說的貼地風格，衝出香港去到台北、台南及高雄「試真D」。除了試真D各大小食店，還會試真埋特色景點玩法，並繼續為觀眾給出最真實「小眾點評」。

「銅板美食」之光—「飯糰界A380」。

張振朗同吳業坤勁有默契。

「小強」燒肉店VS「飯糰界A380」​
本周日（9月6日）首播的第一集《試真D唷》，主持踏足高雄「試真D」的3大Item均相當吸引，先有「小強出沒注意」的劣評如潮平價燒肉老店，再嚟有「銅板美食」之光、有「飯糰界A380」的超足料珍寶飯糰，以及網絡評價低至1.7分的「超雷」海鮮熱炒店。

搭搭吓船唱歌好Kam得嚟好笑。

仲要扮電單車添！

繼續貫徹《試真D》風格。

啲海鮮保存得令人好有保留。

出名「乜都夠膽放入口」的試真D主持團隊，這次江美儀聯同吳業坤，及新加盟的張振朗，齊齊到這個位於旗津的網傳劣食海鮮店試伏，三人出發前單看網絡Comment，已感受到是次試食極刺激，網民：「那麼雷的店，不能只有我吃到，所以要給五星好評」、「生魚片腥到像魚屍體泡冰箱三天，一口吃下去直接懷疑自己是啃拖鞋還是吃餿水」、「廚餘界米其林（米芝蓮）。」由於全數點評均極級地獄，反令張振朗對是次「試伏」大感期待，十分爆笑，張振朗：「見到啲負評去到咁樣嘅時候，我想試咯。」

可惜張振朗的一鼓作氣、很快便遭該間海鮮店的「門面」打沉，事緣三位主持甫抵達門口，強烈魚腥味即撲鼻而來，店家的海鮮保鮮方法亦相當求奇，每樣海鮮上都只放了少少冰，難怪江美儀直接吐槽：「佢完全係超渡咗好耐咁！」雖然惡臭難耐，但美儀姐仍死頂詢問老闆娘海鮮是否新鮮兼認真點菜，期間張振朗認真追加傳聞中的「餿水拖鞋魚生」，為了試伏完全將生命豁出去。

江美儀認真問價。

啲海鮮真係海鮮價架！

坤哥手字真係好經典。

第一集，坤哥會好似第一輯咁係咁激嬲江美儀、亦會繼續「躺著中槍」。

五餸一湯全線中伏
最終三人點了五餸一湯，雖然已有一定程度心理準備，但六道菜的「劣質」依然超出預期，仲要一啲都唔平！除了大部分海鮮「唔夠熱」甚至係凍，蜆亦藏有大量的沙，味道一時過鹹一時過淡之餘，最恐怖是張振朗無論吃蝦、或是吃蜆，都吃出了不尋常的苦味，令他數度露出「苦過弟弟」表情，張振朗：「苦嘅點解」、「好似有啲乸喉」、「最大鑊係魚（石斑兩食），有魚麟，好腥」、「真係搞唔掂」、「我想講呢兩個係我人生食過最出色，好想即刻畀個正評佢哋。」

認真測試海鮮有幾唔夠熱。

張振朗食到懷疑人生！

呢個魚生，齋睇賣相好難聯想到佢係三文魚刺身。

張振朗一嘢啪入口、仲要唔掂豉油，其實係勇嘅。

人哋係「人生四格」，張振朗就係「懷欵人生四格」，慘！

張振朗為試伏勁唔錫身
而最緊張刺激的，當然是魚生試食時間，雖然價錢約50元港紙的魚生望落有啲「膠膠地」，張振朗與江美儀試吃前又你推我讓，但幾經擾攘，張振朗還是一嘢將魚生質落口，為了試真D更連豉油都唔點，遭坤哥大叫「癡線架」，確實瘋狂得嚟有點Man。試食完一大輪後，一向冇句正經的坤哥忽然饒有深意話：「我有懷疑過，能夠端出呢啲食物嘅人，佢係覺得自己煮得好好食吖？定係擺明我就係畀啲難食嘢你？」而為了求證旗津是否劣食海鮮勝地，三人還到了當地另一間大型海鮮店「試真D」，甚有求真精神。

坤哥食到有感而發。

到底三位主持，喺另一間食店嘅遭遇又會係點呢？

主持互動繼續爆笑 張振朗吳業坤忽然高歌勁Kam
除了「試伏」過程夠晒刺激玩命，今輯五位主持繼續互相傷害當食生菜，當中除了江美儀吳業坤的「上下靶之情」夠晒抵死，張振朗與吳業坤的「刑偵12」Broship亦相當吸睛，二人唔單止繼續大晒「神同步」絕技，更在渡輪上厚面皮高歌。直擊三位主持被六道劣食擊潰嘅爆笑過程，及想見識張振朗坤哥的「朗坤式耍寶」，就要留意本周日晚首播的《試真D唷》，今集仲有GM架！