Nowhere Boys「給十周年的概念店」神還原MV郵局 主音Van專屬1對1音樂治療身心靈

寰亞樂隊Nowhere Boys （NWB）今年成軍十周年，於尖沙咀The ONE L606開設「給十周年的概念店」，日前開幕切燒豬儀式，好友陳健安、蔡穎恩（Evelyn）、903DJ阿正、與NWB合唱《異人之野望》的Winka@COLLAR，以及填詞人兼MV導演、唱片和演唱會創意大腦Oscar等，逾百Fans到賀，場面熱鬧。

Nowhere Boys在尖沙咀The ONE開設「給十周年的概念店」。

不少圈中好友到場支持。

概念店設計成NWB POST OFFICE，將他們今年「信件企劃」MV主場景足本還原，即日起，每天早上十時至晚上八時半開放，免費入場。他們透露除了Live Band表演，還有不同工作坊，讓入場人士參與。除了主音Van與Fans一對一音樂專屬分享，熱愛品茶的結他手Ken，建議自己表演沖茶；鋼琴兼小提琴手漁佬，笑言可分享用眼睛鑑賞靚酒的心得，而「愛囡號」低音結他手Hansun表示可分享沖奶粉和湊BB心得，笑言更勝「陪月」課程。

主音Van

結他手Ken

鋼琴兼小提琴手漁佬

低音結他手Hansun

場內設有「郵筒」讓入場人士寫信給一年後的自己，還有NWB回信給Fans的信箱。現場大量postcards可寫下留言貼在告示板或收藏留念，安仔埋首又畫又寫，非常投入。還有由Van主理的室內種植區、NWB出道十年以來推出過的紀念品展覽牆，以及自製紀念品的工作坊，Fans都踴躍參與。

「給十周年的概念店」

「給十周年的概念店」

「給十周年的概念店」

「給十周年的概念店」

「給十周年的概念店」

「給十周年的概念店」

「給十周年的概念店」

好友Evelyn和Winka分別即場試玩「1 on1唱歌session」，戴上耳機，享受一對一專屬音樂時段，Ken形容「用音樂親密接觸」，Van說：「我同觀眾各自戴上耳機，面對面坐，其他人只聽到撥結他嘅線聲，只有我哋兩個人透過耳機，聽到我唱歌，加埋Ambiance （氣氛）、effects （效果）同埋一啲New Age感覺嘅音樂。1on1好直接、好赤裸，希望透過音樂治療心靈。」Van為Winka自彈自唱詩歌，她合埋眼好好享受。結束後她對Van說：「我今朝一直聽緊詩歌，無諗過咁啱你唱詩歌，想喊，但我忍住！」

Winka

Evelyn

Van說：「我哋十周年企劃『Letters of NOWHERE』，每一首歌代表一封信，寫畀我哋想寫嘅某一個群眾嘅人，目前已推出《給失敗者的一封信》和《給受困者的一封信》。」NWB現唱演繹這兩首歌的Acoustic版，為聽清楚樂器的聲音，Fans都走近圍觀，Ken說：「因為大家都好專心去欣賞，能量好高，感覺好正！」

Van

Nowhere Boys

概念店開幕前NWB落手落腳搬運和裝修，Van更不慎跌倒和𠝹損手指，但他們表示一切都是值得。他說：「因為呢個地方對我哋嚟講好重要，所以好想親力親為。我話晒都係一個建築師，設計、三行嘅嘢都係我強項。」Ken指手劃腳笑言：「你係建築師，吩咐人哋做！」Van說：「你以為係啦，我讀書嗰陣要逐件親手造，今次令我重拾當年熱血，好青春！」

與粉絲合照

與粉絲合照

與粉絲合照

大合照

陳健安的歌迷會「本原族」與樂隊Nowhere Boys的歌迷會「Nowhere Boys & Girls」，日前在大埔的燒烤場舉行「2026圍爐BBQ暨Fans Gathering」，這是第二次聯合party，他們與本地及世界各地過百Fans玩遊戲、抽獎和燒雞翼比賽。去年Nowhere Boys主音Van全程煮私房菜給Fans，今年放下鑊鏟，專心享受被Fans餵食。當眾人專心BBQ時，安仔突然驚喜宣布《流星劃過富士山》演唱會版MV 在YouTube首播，全場尖叫並一同倒數，欣賞自己與安仔在片中大銀幕出現的美好回憶。安仔更即興伴唱走勻全場握手，連場外客人亦變成Fans，一起揮手吶喊，彷彿「穿越」年初演唱會現場，非常熱鬧。

陳健安的歌迷會「本原族」與Nowhere Boys的歌迷會「Nowhere Boys & Girls」，日前在大埔燒烤場舉行第二次聯合BBQ派對，過百粉絲參與。

眾人玩遊戲、抽獎、燒雞翼比賽，氣氛熱鬧。

安仔說：「今日真係好開心，見到有啲Fans第一次嚟，同唔相識嘅圍埋一爐，眼神尷尷尬尬。」他喜見Fans之間建立友誼，相約食飯、唱K、搞應援。其中有一枱Fans因為安仔新歌《梨子》製作梨子頭飾，安仔亦玩埋一份。他說：「好開心因為我哋嘅音樂，令佢哋連埋一齊。」Van說：「因為佢哋鍾意我哋嘅音樂，都係同一個energy 。上年聚會我掛住專心煮嘢畀大家食，同Fans之間隔住幾個煲，無機會傾偈。今年我決定打破隔膜，唔煮嘢食，逐張枱坐埋去同Fans傾偈、一齊BBQ，感覺好溫暖，好開心！最神奇係作為樂隊，Fans通常嚟睇我哋開騷唱歌，但今日冇表演只有BBQ，佢哋都肯嚟一齊玩，我哋關係已經變成朋友！」

安仔突然驚喜宣布《流星劃過富士山》演唱會版MV在YouTube首播，全場倒數尖叫。

他更即興伴唱走勻全場握手，連場外客人也變成粉絲，彷彿重現年初演唱會現場。

安仔悉心安排這晚在YouTube 首播演唱會版《流星劃過富士山》，因為片中的演唱會舞台上大銀幕，播放大量他和fans的合照，與BBQ現場氣氛互相呼應。他說：「呢首歌係我翻唱少爺占隊band『YEAHS』嘅作品，係講人與人之間嘅緣份，好難先至會遇上，好似我同你哋或者同歌迷之間，經歷過好多嘢至會遇到。咁啱今日BBQ現場音響又播到，支咪又幾好聲，我喺上面疊住唱，突然變咗演唱會咁，氣氛非常好。」Van表示希望舉辦郊野音樂會，與Fans一齊露營，由夜晚玩到天光。

Nowhere Boys主音Van今年放下鑊鏟，逐枱與粉絲傾偈BBQ，感覺溫暖。

安仔感動表示：「好開心因為我哋嘅音樂，令佢哋連埋一齊。」

鼓手Nate今年第一次參與BBQ聚會，被發現捧住一大疊格仔餅密密燒，原來他誤食fans的格仔餅，所以親手燒去氹fans作為補償，果然寵粉。而低音結他手Hansun自爆鍾情「獨食」，說：「平時我真係好鍾意一個人打邊爐同埋燒肉，如果見到我一個人出沒呢啲餐廳，唔需要驚訝！不過今日咁多人一齊BBQ好開心、好溫暖，我個心都融化咗，人係要有啲群體活動。」琴鍵手漁佬笑言：「夾咗咁多年band，我都係啱啱先知Hansun鍾意一個人打邊爐。」至於結他手Ken是素食者，Fans擔心他不夠飽，不停為他煮各色各樣蔬菜，令他感到好幸福。