雲浩影（Cloud）日前為宣傳新歌《你的損失》，在銅鑼灣行人專用區，設了一個紅色懷舊電話亭，她化身「心事聆聽專員」，透過電話專線聆聽「迷雲黨」（Cloud歌迷暱稱）的心事，她坐在電話亭外優雅的枱椅前，寫下專屬密語在小卡上，為對方打打氣。活動吸引途人圍觀，非常熱鬧。Cloud自言並非專業感情專家，最擅長解答青春期煩惱。
Cloud日前推出新歌《你的損失》。
VIDEO
點擊看圖輯
近日化身「心事聆聽專員」，透過電話專線聆聽「迷雲黨」的心事。
觀看相關影片按連結：https://youtu.be/N_bghNhUpkA
近日化身「心事聆聽專員」，透過電話專線聆聽「迷雲黨」的心事。
吸引大批途人圍觀，非常熱鬧！
「今日喺度聽啲朋友仔傾訴，聽吓佢哋嘅煩惱，係『心事台』。有啲係愛情煩惱、父母想知點樣同子女相處？關於友情啦，例如就嚟畢業，友情點樣維繫？亦有講暗戀、情侶間相處等等⋯⋯聽到好多唔同嘅故事。」Cloud每一位都細心聆聽，亦有給予意見。她說：「我都鍾意畀意見，因為好多人問我嘢，都係想知我嘅角度點睇，畀完意見我都會戴返個頭盔，始終情況真󠄉實係點，只有你自己知，我嘅意見只用作參考。」
Cloud每一位都細心聆聽，亦有給予意見。
Cloud每一位都細心聆聽，亦有給予意見。
每次Cloud推出新歌，都會收到好多留言，「有朋友仔會話我知，佢哋都身同感受，首歌好鼓勵到佢哋，亦都好多人搵我傾心事，聽到好多故事，今次可以直接回應到大家。」她揚言最擅長解答青少年的煩惱，說：「大約11至25歲嘅青少年，即係青春期。」而她的青春期煩惱，就向父母和身邊的好朋友傾訴，試過煲通宵電話粥，她說：「試過最長傾電話係傾通宵，講到見到太陽出嚟。」
雲浩影
雲浩影
Cloud說：「平時我唔係『樹窿』，反而經理人係我嘅『樹窿』，我喺佢哋身上學到好多諗嘢嘅方法，有時只要轉一轉念，就可能成件事唔同咗。」之前宣傳另一首歌曲時，在行人專用區沉浸式睇書，今次講電話，Cloud笑言下次想嘗試在鬧市中間睡覺、煮飯、開餐等「生活化」的行為。
雲浩影
雲浩影
雲浩影（Cloud）前日（4月22日）推出全新專輯「Silver Lining」，並於晚上在中環PMQ舉行《Cloud's Silver Lining Trip 音樂會》，全場逾300位歌迷席地而坐，透過耳機沉浸式享受Cloud現場演繹新碟內作品和她喜愛的歌曲，展開不一樣音樂之旅。
Cloud推出全新專輯「Silver Lining」。
Cloud日前舉行《Cloud's Silver Lining Trip 音樂會》。
歌迷一早在場外排隊購買海報和小卡等周邊，然後魚貫入場，坐在地上「小雲朵地氈」，音樂會開始。Cloud拿著在新歌《雪愛》MV中亮相的可愛記事簿登場，簿內記下她的感受和音樂會流程，長裙下的她仙氣滿滿。她演唱《別畏高》和《雪愛》後問歌迷：「你哋緊唔緊張？我好緊張，我係P人嚟架，作為今日導遊，我都替大家緊張！」歌迷一片笑聲。
《Cloud's Silver Lining Trip 音樂會》
《Cloud's Silver Lining Trip 音樂會》
《Cloud's Silver Lining Trip 音樂會》
《Cloud's Silver Lining Trip 音樂會》
「以往音樂會上，透過耳機聽我唱歌嘅人只有樂手們，係好親密又好特別，今日你哋都會喺耳機聽到。」Cloud走到觀眾當中演唱《我們還有幾多時間》、《話到口中》和《別怕》。「今次專輯《Silver Lining》來自一句『Every cloud has a silver lining』，意思係即使烏雲都有一條銀色邊，都有一絲光明。」
Cloud雲浩影
Cloud雲浩影
翻唱薛凱琪的《Better Me》時，Cloud顯得特別感觸，「無論做啱做錯都有佢嘅原因，希望大家好似我咁，每朝早瞓醒都係一個新嘅自己，剛才首《Better Me》有一句好重要，亦係我好想『做一個值得你驕傲的Better Me』。」音樂會尾聲，Cloud說：「呢個屬於你同我嘅moment，我想透過呢首歌話畀大家知『雨後都有彩虹』。」然後她自彈自唱Kacey Musgraves的《Rainbow》。
Cloud雲浩影
Cloud雲浩影
音樂會後，Cloud接受訪問，她坦言心情緊張過大型演唱會，「一開始我都有啲驚，擔心呢個idea到底work唔work？因為用耳機聽好親密，會聽到好細緻和放大瑕疵。」出場後感受到觀眾的能量和反應才安心，說：「我見到有觀眾流眼淚，真係一個好特別嘅moment。我覺得同大家好close，一開始好緊張，因為大家圍住我，好近，個力量好大，適應之後就能夠好好去enjoy。」
Cloud雲浩影
Cloud雲浩影
Cloud坦言唱《Better Me》時特別感觸，她說：「平時唱呢首歌都會觸動我，而今次嘅觸動位係『有一天生命老去 還好謝謝有你』 ，我望住咁多人帶住耳機好專心咁聽我唱歌，唔知我嘅歌手生涯會有幾長、有幾遠，但我好多謝曾經喺度支持過我嘅朋友仔。雖然會有完結嘅一日，我會老去，好感謝曾經同大家一齊，有過呢啲moment！」
「Silver Lining」。
音樂會上Cloud唱了多首新專輯的作品，唯沒有唱英文歌《Love Me Like That》，是她刻意留作買碟歌迷的專屬驚喜。而灌錄此歌前有個小故事，她說：「呢首歌原自一首韓劇歌，要攞版權，對方想聽吓我唱成點先決定批唔批，作為音樂人，我好明白。所以錄嘅時候都有壓力，驚唔批，即係我唱得唔夠好。嘻嘻，最後批咗，即係可能連原唱Sam Kim都聽過喎，好開心！」
與粉絲合照
與粉絲合照
大合照
今次專輯Cloud首次通宵拍攝，她說：「專輯概念『Silver Lining』，黑暗與光、光與影嘅關係。好多時候人生嘅ups and downs，經歷過低沉先至會明白開心，同埋好嘅事情係嚟得幾咁難能可貴。所以今次特登喺黑暗中拍攝，希望帶出訊息：『黑暗入邊都有光』。」她穿梭晚上的咖啡店、街道和海邊，捕足美麗的夜景和大自然的晨曦。
拍攝花絮
拍攝花絮
拍攝花絮
拍攝花絮
拍攝花絮
晚上如何享受me time？Cloud表示：「夜晚嘅我鍾意睇電話同埋浸腳，用啲中藥包煲水嚟浸腳，聽歌攞靈感，有時夜晚寫歌都幾有feel，當然仲有瞓覺啦！有時日頭開始寫歌填詞，埋尾錄埋好多時已經深夜，所以我覺得深夜同音樂人有好大關連。」其中新歌《別怕》由她親自作曲填詞並在深夜錄音，她說：「呢首歌以第三身嘅角度去鼓勵自己『唔好驚』，因為我好多時候都會自己同自己講嘢，所以想用第三身嘅角度去寫呢首歌。」
拍攝花絮
拍攝花絮
拍攝花絮
拍攝花絮
拍攝花絮
Cloud雲浩影
