老友記｜楊尚友揭最強燒乳鴿秘辛 沙田雞粥成70年代追女必殺技？

法國通楊尚友（Christian）主持全新飲食資訊節目《東方表行 Take Your Time 呈獻︰老友記》，逢周四晚九點三十五分及周五晚九點半TVB Plus（82台）播映。今次Christian摒棄紅酒與香檳，拒絕大型連鎖店千篇一律的香味。走入香港大街小巷，尋覓終將逝去黎民美食，細味人間餘溫。他為心水推介訂定4大規條，包括︰開店至少20年歷史或以上、自家獨立運作，拒絕大型連鎖店、家族經營炮製出色美食、提供香港人每星期都會食到的家常菜，缺一不可。

Christian主持的節目《老友記》 今晚首播。

今晚（11月6日）首播楊尚友（Christian）來到沙田，品嚐當地三寶︰雞粥、燒乳鴿及豉油王炒麵。Christian直言好多地方都可以食到燒乳鴿，但沙田燒乳鴿之所以出名，皆因做到皮脆肉嫩，他說︰「燒乳鴿是挑戰廚師的極限，好多時食到皮脆唔難，要兼顧埋juicy，就好難。」Christian今次幫襯的餐廳，在沙田經營逾40年，出品的燒乳鴿每方面都平衡得很好。他形容鹵水味好柔順，將肉味完全釋放，但就沒有飛禽的騷味之餘，依然保持乳鴿的獨特個性。

沙田三寶燒乳鴿

雞粥

豉油王炒麵（事頭婆炒麵）

餐廳主理人強哥現身拆解箇中秘密，他說︰「一般嚟講鹵水烚咗、上皮、乾咗就可以炸。我哋會做多好多層功夫，會上兩次皮，令到層皮變成玻璃皮，咬落去好似食薯片咁。」另一秘密是兩爐齊發，先用慢火爐將乳鴿炸至半熟，再轉猛火爐製造脆皮效果。

強哥炮製的燒乳鴿較一般多幾個工序。

強哥炮製的燒乳鴿較一般多幾個工序。

講到另一寶的「沙田雞粥」之所以馳名，強哥開始爆料說︰「點解沙田雞粥出名，我真係有資格講。70年代嗰時好多情侶鍾意揸車上飛鵝山拍拖，我哋老細好識宣傳，將個（宣傳）牌擺上去，大大隻字寫住『沙田雞弼』周圍咁擺，啲人拍完拖，就好自然嚟沙田食雞粥，以後啲人講起沙田，就諗起雞粥。」

強哥細說沙田雞粥馳名的由來。

強哥細說沙田雞粥馳名的由來。

強哥自1983年已在餐廳任廚師，一直做到廚房大佬。2003年接手當老闆，卻不幸遭遇沙士疫情，當時情景強哥仍歷歷在目，他說︰「無辦法，搵埋啲女、老婆返嚟幫手，一個人做5、6份嘢囉，朝早10點做到凌晨1、2點，日日如是。」但有一件事強哥堅持至今，就是食材要新鮮，所以每日都推着手推車親身到大圍街市買貨。

主理人強哥及練先生接手店舖之初經歷沙士。

主理人強哥及練先生接手店舖之初經歷沙士。

沙士期間強哥一家總動員為餐廳打拼。

（2025年12月04日）「廚壇魔術師」楊尚友（Christian）主持全新飲食資訊節目《東方表行 Take Your Time 呈獻︰老友記》，周四晚及周五晚九點半TVB Plus（82台）播映。今次Christian摒棄紅酒與香檳，走入香港大街小巷，尋覓終將逝去黎民美食，細味人間餘溫。

Christian笑言食打冷好似享受巴黎海鮮拼盤一樣。

潮州菜煮食方法保留食物原味。

Felix接手老店有三樣要求要遵守。

Felix跟一班伙計相處如一家人。

今晚（12月4日）楊尚友（Christian）介紹一間位於油麻地的潮州菜館，他形容每次食打冷仿如享受法國海鮮拼盤，他笑說︰「兩樣嘢都有同一精神，就係要食海鮮最原始嘅味道，連煮食方法都差不多，只係輕微煮熟，然後過冷河，可以食到最鮮甜嘅美味。潮州菜最好係款式多，成日食都唔悶。」單是店內一味冰鎮芥辣墨魚片，已吸引不少老饕回頭，生醃瀨尿蝦、白灼凍蝦、潮州凍蟹差不多是每枱必點，被喻為潮州菜靈魂的春菜，差不多每道菜都有它的身影。

大眼雞

生醃瀨尿蝦

潮州凍蟹

薄殼

滷水鵝掌翼

潮州春菜

今集介紹的打冷店曾停業一年，跟住覓地在油麻地營業至今，少東Felix說︰「爸爸嗰時都做咗20、30年，之後退休停業一年，之後我接手再開業。」Felix話見到不少熟客老饕在舊店摸門釘，因此決意重開，當時老父提出開新店的三樣要求，他說︰「首先要保留舊菜，對食物要有堅持。餸大家都咁煮，點解有啲好食、有啲無咁好食？問題就喺食材上。」他記得當年父親一早便到街市，花幾小時揀最新鮮、最靚的食材饗客。Felix接手後堅持不賣隔夜海鮮，餸菜不達標準要再煮，務求客人吃到最好的潮州菜。另一樣老父要求是新店要夠大，Felix爸爸說︰「舊舖細搞到啲人客要等成個幾兩個鐘，所以我同佢講要開就要搵間店夠大，唔好畀啲客人等咁耐。」現在幫襯的不少都是舊店的客人，Felix笑言不少都是看着自己長大的叔伯輩。